Mateo 8:6 - Amazwi Yakwe Leza 2013

⁶ ati, “Mwene, muomvi wane umulwale nupya ali ku ng'anda pa musanzi. Wene atangapita nupya akuwaika cuze.”

Mateo 8:6 Iomraidhean Croise

Mateo 4:24

Ni landwe lya pali aliwe lisalangana mu mpanga yonsi ya Silya na antu yamuletela alwale alwile ndwala zya misango yonsi nga na yao ali ni mipasi yankota na yao ali ni vifumfumi, pamwi ni vite, nga ayapozya.

Mateo 8:7

Yesu nawe amunena ati, “Namaiza mupozye.”

Mateo 9:2

Lyene lilyo kwene aonsi yamwi yamuletela umuntu wino uwali cite, ala aizi pa cintamba. Lino Yesu walola utailo wao, anena icite ati, “Mwanane utasakamala! Maifyo yako yelelwa.”

Milimo 10:7

Lyene mungeli uwalandananga nawe apita, nga Konelio aama aomvi yakwe yaili nga nu musilika. Musilika wii a wenga wamuli yao amutumikilanga nupya wali umuntu uwacitanga viine na ukapepa.

Milimo 8:7

Mipasi yankota ifuma mu antu aingi ala ikupunda. Antu aingi ali vite nga ni vilema yapola.

Milimo 9:33

Kuku aya akomenkanya umuntu izina lyakwe a Eneya, wino uwali icite nupya atali na maka yakukatuka kufuma pa musanzi pa myaka cinani.

Kolose 3:11

Kusi upusano pa Akulukuwa nanti Ayuda, musilamulwe nanti asi musilamulwe, mututu, nkakasi, azya nanti antungwa. Lelo Klistu ali vyonsi, wene akaikala muli vyonsi.

Kolose 4:1

Mwe yasambazi, mutaya nu lufyengo ku yaomvi inu nupya muye acumi kunoyali. Mutailila ukuti namwe kwene mukweti musambazi mwiyulu.

1 Timoti 6:2

Azya yano asambazi yao aina Klistu yene yalusyepo kufuka kunoyali, pano yene aina yao. Yalinzile kuyatumikila ningo kuluta, pano yakutumikila asambazi nupya atemwikwa yao mu utailo. Ulinzile kusambilizya nu kukosola vintu vii.

Filimoni 1:16

Ndakai wene asi sile muzya, lelo wene alusile muzya. Kunondi wene alusile pa mwina! Lelo kunuli alalusya nu kuluta, wa muzya nupya wa mwina mu Mwene!