Mateo 8:4 - Amazwi Yakwe Leza 2013

⁴ Yesu amunena ati, “Utanena umuntu nanti umwi pali cii. Lelo yanga kuli simapepo kuti akakulole, upele impolelwa ino Mose wamunenyile, pakuti yonsi yasininkizye vino watupoziwa.”

Mateo 8:4 Iomraidhean Croise

Ezaya 42:21

Apamulandu wa wololoke wakwe, Yawe akalondesya ukuti amasunde yakwe yakuziwe nu kucindamikwa.

Aina Levi 13:49

civuvume cico ndi caloleka katapakatapa nanti ciyenzulukile, ale cikukula nupya cilinzile kucilanga kuli simapepo.

Mateo 10:18

Yalamulema nu kumutwala ku ntunguluzi na yakateeka pamulandu wane, kuti muye yakambone yane kunoyali nu ku Akulukuwa.

Mateo 16:20

Lyene apeela ilamulo ku alondezi yakwe kuti yatanena umuntu nanti umwi vino wene ali Katuula uwalavilwe.

Mateo 17:9

Lyene lino yacili tentemuka mwamba, Yesu ayapeela ilamulo ati, “Mutanena nanti umwi pa cilolwa cino mwalola, kufika lino Mwana wa Muntu alazyukuka kufuma ku afwe.”

Mateo 3:15

Lelo Yesu amunena ati, “Ndakai leka cicitike vikwene, pano catuzipila kuti tucite ivyawololoke vyonsi vino Leza akalonda.” Alino Yoane azumila.

Mateo 5:17

“Mutaelenganya vino niza ku konona ivyalembwa mu mpapulo zyakwe Mose na yakasema. Ntiza ku konona vii, lelo niza kuti mfikilizye.

Mateo 6:1

“Mutacita milimo isuma kuti mwalolwa na antu. Pano ndi mumacita vivyo ale musi ni cilambu kuli So winu uwa mwiyulu.

Mateo 9:30

Alino yatandika kulola. Lyene Yesu ayapeela ilamulo kuti yatanena umuntu nanti umwi.

Mako 13:9

“Namwe mulinzile kucenjela. Yalamulema nu kumutwala ku vilye. Yalaamuma mu mang'anda ya mapepo. Pamulandu wakuti mwemwe alondezi yane, mulimilila pa manso ya ntunguluzi na yakateeka, kuti muye yakambone yane kunoyali.

Mako 3:12

Yesu apeela ilamulo ku mipasi yankota kuti itamumanyisya ku muntu nanti umwi.

Mako 5:43

Lelo Yesu ayapeela ilamulo kuti yatanena umuntu nanti umwi. Alino ayanena ati, “Mupelini cimwi cakuti alye.”

Mako 6:11

Konsi kuno antu yatalamuzengela nu kuvwa mazwi inu, muce mufume kweneko nu kukunta ulukungu lwaku ngazo zinu, kuya umboni kunoyali pa kuluvyanya kwao!”

Mako 7:36

Lyene Yesu apeela ilamulo ku antu kuti yatanena umuntu nanti umwi. Lelo lino wayapeela ilamulo lii kuti yatanena umwi, yene yatwalilila kunena antu.

Mako 8:30

Alino Yesu ayapeela ilamulo ati, “Mutanena nanti umwi pali nene.”

Mako 9:9

Lyene lino yacili tentemuka mwamba, Yesu ayapeela ilamulo ati, “Mutanena nanti umwi pali vino mwali mwalola, kufika lino Mwana wa Muntu alazyukuka kufuma ku afwe.”

Luka 17:14

Lino Yesu wayalola ayanena ati, “Yangini mukailange mweisikulu kuli yasimapepo.” Lino yacili yakupita, yapoziwa.

Luka 21:13

Ii, ilaya insita isuma yakuti muye yakambone yane.

Luka 4:41

Mipasi yankota ifuma mu antu aingi, ala ikulaizya ikuti, “Wewe Mwana wakwe Leza!” Yesu akalipila mipasi yankota nupya ataizumilizye kuti ivwange, pano yamanyile vino wali Katuula uwalavilwe.

Luka 5:14

Lyene Yesu amupeela ilamulo ati, “Utanena umuntu nanti umwi pali cii. Lelo yanga kuli simapepo kuti akakulole, upele impolelwa ino Mose wamunenyile, pakuti yonsi yasininkizye vino watupoziwa.”

Luka 8:56

Akwasi yakwe nao yazunguka cuze, lelo Yesu ayapeela ilamulo kuti yatanena umuntu nanti umwi cicitike.

Luka 9:21

Alino Yesu ayapeela ilamulo kuti yatanena umuntu nanti umwi pali cii.

Yoane 5:41

“Nemo nsikulonda kulumbanyiwa na antu.

Yoane 7:18

Wino akuvwanga vyakwakwe, ala akuilondela mucinzi. Lelo wino akulonda mucinzi wakwe wino uwamutuma wene uwa cumi, nu usomvi usi munoli.

Yoane 8:50

Nemo nsikuilondela mucinzi. Lelo akunoli akalonda kuti ncindikwe, nupya aliwe akapingula.