Mateo 8:3 - Amazwi Yakwe Leza 2013

³ Yesu atambalika ikasa lyakwe amulemelela, nga amunena ati, “Nkasi, pola!” Lilyo kwene umuntu apoziwa kuli tembwe,

Mateo 8:3 Iomraidhean Croise

Utandiko 1:3

Alino Leza avwanga ati, “Kakuye uluswepo,” nu luswepo iluyako.

2 Yamwene 5:11

Lelo Naamani wene apakulola vivyo, asoka sana nu kufumapo nga avwanga ati, “Nemo nali nkwelenganya ukuti amafumila apanzi pakuti tulolane nawe, alino apepe kuli Yawe Leza wakwe nga aswelule ikasa lyakwe pa vilonda vyane, alino ampozye kuli tembwe!

2 Yamwene 5:14

Naamani ali pakuya uku luzi lwa Yodani, aitimpika mwenemo amaila cinimbali, wakwe muno Elisya walandile, nu kupola apola. Umwili wakwe Naamani iutelepa sile ningo, kwati akanya akacivyalwa, ali vino wene aswefiwa.

Masamu 33:9

Lino wavwanzile sile insi ipangwa. Ukwi zwi lyakwe sile ivintu vyonsi iviyako.

Kufuma 4:7

Lyene Yawe anena Mose ati, “Ingizya ikasa lyako mu mwingila wako nupya.” Caleka Mose acita vivyo kwene. Nga lino Mose wafumyamo ikasa lyakwe nupya, alola ukuti lyatilipola, liya wa mwili wakwe onsi.

Mateo 12:13

Lyene anena umuntu ati, “Ololola cizanza cako.” Nawe aololola, nga ciya icipuma nupya, wakwe vino cuze cali.

Mako 1:41

Yesu aya na mizu kunoli, atambalika ikasa lyakwe amulemelela. Amunena ati, “Nkasi, pola!”

Mako 4:39

Yesu akatuka, alesya cipupu ati, “Myalala!” Alino anena na maimbi ati, “Lalini!” Lyene cipupu cimyalala, nga kuya cele.

Mako 5:41

Amulemelela ikasa amunena ati, “Talita kumi,” kuli kuti, “Kaci we nakunena nati katuka!”

Mako 7:34

Lyene Yesu alingamila kwiyulu, aisya umwenzo, amuvwanzya ati, “Efata,” kuli kuti, “Yulika!”

Mako 9:25

Yesu alola iumba likupalamila kunoyali. Alino akalipila mupasi wankota ati, “We mupasi wankota wakwe ucipuuli na uciulu, nakunena kuti ufume mu mulumendo nupya utakaswilile munoli.”

Luka 4:27

Pa nsita yakwe kasema Elisya, kwali antu aingi mu Izlaeli alwile tembwe. Lelo kutali nanti wenga munoyali uwapoziwe, suka sile Naamani umwina Silya.”

Luka 5:13

Yesu atambalika ikasa lyakwe amulemelela, nga amunena ati, “Nkasi, pola!” Lilyo kwene tembwe auluka ku muntu.

Luka 7:14

Lyene apalama akumya icintamba, na antu asenzile icintamba iimilila. Yesu avwanga ati, “Mulumendo, nakunena, katuka!”

Yoane 11:43

Pacisila lino wavwanga vii, alaizya ni zwi likulu ati, “Lazalo, fuma.”

Yoane 15:24

Ndi pakasi kao ntizile ncita vintu vino umuntu nanti wenga atatala wacita, nga yasi nu mulandu wa kwifya. Lelo yalola vino nacita, nga yapata Tata pamwi nani kwene.

Yoane 5:21

Pano vino Tata akatutulula afwe nu kuyapela umi, avino nu Mwana kwene akapeela wino akasi umi.