Mateo 8:13 - Amazwi Yakwe Leza 2013

¹³ Lyene Yesu anena musika ati, “Pitanga, cimacitika ndi vino watutaila.” Nu muomvi wakwe apoziwa kasita kwene kako.

Mateo 8:13 Iomraidhean Croise

Kasambilizya 9:7

Twalilila, uwalya ivyakulya vyako nu kusansamuka. Uwamwa waini wako nu kuzanga, pano ndakai Leza watazumilizya kuti wacita cico.

Mateo 15:28

Alino Yesu nawe amunena ati, “Mwanaci we, utailo wako ukulu cuze! Umacitilwa cino ukulonda.” Lyene mwana wakwe kaci apoziwa pa kasita kwene kako.

Mateo 17:20

Alino nawe aasuka ati, “Apamulandu wakuti mukweti utailo unono.” Cumi namunena vino, “Ndi mukweti utailo nanti unono wa lumbezu lwakwe musunta, munganena umwamba uu muti, ‘Sungutila’ nga nao ulasungutila. Kusi cimwi cino mungaposiwa kucita.” [

Mateo 8:4

Yesu amunena ati, “Utanena umuntu nanti umwi pali cii. Lelo yanga kuli simapepo kuti akakulole, upele impolelwa ino Mose wamunenyile, pakuti yonsi yasininkizye vino watupoziwa.”

Mateo 9:22

Lelo Yesu aseleuka amulola, amunena ati, “Kaciwe, teku mwenzo utasakamala! Utailo wako wakupozya.” Pa kasita kwene kako mwanaci apola.

Mako 7:29

Alino Yesu nawe amunena ati, “Apa kwaasuka kwako, swilila ku ng'anda, umazana mupasi wankota wati ufuma mu mwana wako!”

Mako 9:23

Yesu nawe aasuka ati, “Pacani wati ndi cingacitika? Icintu consi icangupale ku muntu wino ali nu utailo.”

Yoane 4:50

Yesu nawe amunena ati, “Pitanga mwana wako amaya umumi.” Musika nawe ataila mazwi yano Yesu wavwanzile kunoli, nga apita.