Mateo 7:5 - Amazwi Yakwe Leza 2013

⁵ We musomvi we! Utale usisye mulando uli mwi linso lyako, alino umalola ningo pa kufumya akakona akali mwi linso lya munyonko.

Mateo 7:5 Iomraidhean Croise

Mateo 22:18

Lelo lino Yesu wamanya mapange yao aipe, avwanga ati, “Mwe yasomvi mwe, uzye pacani mukungezya?

Mateo 7:3

Pacani ukulolekesya akakona akali mwi linso lya munyonko, lelo utasakamile mulando uli mwi linso lyako?

Mateo 7:4

Uzye ungavwanga uli ku munyonko uti, ‘Mwinane, leka nkusisizye akakona mwi linso lyako,’ lino wemwisikulu uli nu mulando mwi linso lyako?

Mateo 7:6

“Mutapela yasimbwa vintu vyamuzilo, pano yalaseleukila kunomuli yamulume. Mutapela yakapoli vintu vicindame wa mawe yamutengo, pano yene yalavilyatola.

Luka 12:56

Mwe asomvi mwe! Mukalola milolekele ya pansi ni yulu alino mukalanda vino umuza ulaya. Lelo pacani mutamanyile kulola nu kwilula vya pa kasita ka ndakai?

Luka 13:15

Lyene Mwene nawe amunena ati, “Yasomvi mwe! Uzye wenga muli mwemwe asyasapula masae nanti punda wakwe kufuma mu luwa nu kumupeela manzi pa Sabata?

Luka 4:23

Yesu ayanena ati, “Cumi, mumangumila ipinda lii, likati, ‘Sing'anga, ipozye wemwisikulu. Ucite na kuno mwinu vino tuvwa wacita ku Kapenaumu.’”

Luka 6:42

Uzye ungavwanga uli ku munyonko uti, ‘Mwinane, leka nkusisizye kakona mwi linso lyako,’ lino wemwisikulu utaweni mulando uli mwi linso lyako? We musomvi we! Utale usisye mulando uli mwi linso lyako, alino umalola ningo pa kufumya akakona akali mwi linso lya munyonko.

Milimo 19:15

Lelo umupasi wankota uyavwanzya uti, “Namanya Yesu, namanya ni vya pali Paulo, nga mwemo mwemwe yaweni?”