Mateo 7:21 - Amazwi Yakwe Leza 2013

²¹ “Asi muntu wensi akangama ati, ‘Mwene, Mwene’ alingila mu Wene wa mwiyulu, suka sile yao akacita kulonda kwakwe Tata uwa mwiyulu.

Mateo 7:21 Iomraidhean Croise

Mateo 12:50

Pano wino wensi akacita kulonda kwakwe Tata uwa mwiyulu, wene ali mwina wane, na kaci wane na mayo.”

Mateo 16:17

Yesu amunena ati, “Walongo a wewe, Simoni mwana wakwe Yoane. Pano pasi umuntu uwataumbula cii kunuli. Lelo Tata uwa mwiyulu uwatakuumbwila.

Mateo 18:10

“Cenjelini mutezya kuti musule wenga uwamu ana yaa anono. Pano nsita zyonsi angeli yao aakayalinda, yene yakaikala pipi na Tata wino ali mwiyulu. [

Mateo 18:19

“Nupya namunena vino yaili munomuli ndi yazumilizyanya muno nsi cimwi nu kulenga mwi pepo, cino yalenga cilapelwa kunoyali na Tata uwa mwiyulu.

Mateo 18:3

Ayanena ati, “Cumi namunena, ndi mutasenwike nu kuicefya wa ana anono, mutalingila mu Wene wa mwiyulu.

Mateo 18:35

“Mu musango uli onga avino Tata uwa mwiyulu alamucitila ndi musyakwelela anyonko ni myenzo yonsi.”

Mateo 19:24

Nupya namunena vino cangupalila ingamila kupuzya mwi linso lya nsindano, kuluta mukama ukwingila mu Wene wakwe Leza.”

Mateo 25:10

Lelo lino yao ali viwelewele yaciliya ku kukala mafuta, siwinga nawe asyala aiiza. Akazyana yao aiteinye iingila pamwi nawe mu ng'anda umwali cimulo ca winga. Alino cisasa ciyalwa.

Mateo 25:21

Mwene wakwe nawe amunena ati, ‘Wacita ningo we muomvi musuma nupya uwakutailwa! Wali uwakutailwa pa vintu vinono. Caleka namakucita kangalila pa vintu vingi. Iza uzange pamwi nani!’

Mateo 26:39

Apita katalamukila panono, afukama pansi ainime, nga apepa ati, “Tata ndi cingaya, leka ulwako luu lwa ucuzi lusisiwe kunondi. Kusi kulonda kwane, lelo kulonda kwako kucitike.”

Mateo 26:42

Nupya aswilila iila lyakwe ciili, apepa ati, “Tata, ndi citangaya kuti lwako luu lwa ucuzi lusisiwe kunondi suka nkamwemo, leka kulonda kwako kucitike.”

Mako 3:35

Pano wino wensi akacita vino Leza akalonda, wene ali mwina wane, na kaci wane, na mayo.”

Mako 9:47

Nanti linso lyako lyakulenga ukwifya litonkole! Cakuzipila kwingila mu wene wakwe Leza ni linso lyonga kuluta kuya na manso yaili nu kusumbwa mu Gehena.”

Luka 11:28

Lelo Yesu amunena ati, “Alongo ayao akauvwa mazwi yakwe Leza nu kuyayela.”

Luka 13:25

Mwine wa ng'anda alakatuka nu kuyali cisasa. Lyene mulimilila panzi nu kutandika kukonkonsya ku cisasa nu kuti, ‘Mwene, tuyulileko!’ Nawe alaasuka ati, ‘Ntamanyile kuno mufumile.’

Luka 18:25

Cangupalila ingamila kupuzya mwi linso lya nsindano, kuluta mukama ukwingila mu Wene wakwe Leza.”

Luka 6:46

“Pacani mukungama mukuti, ‘Mwene, Mwene,’ lelo musikulondela vino nkumunena?

Yoane 14:7

Ndi mwamanyile nene, nga mwamanya na Tata kwene. Kufuma ndakai mwati mumumanya nu kumulola.”

Yoane 15:23

Wino wensi uwampata ala wapata na Tata kwene.

Yoane 3:5

Yesu aasuka ati, “Cumi, nakunena vino, umuntu ndi atavilwe ku manzi na kuli Mupasi Wamuzilo, wene atangingila mu Wene wakwe Leza.

Yoane 5:17

Lelo Yesu nawe ayanena ati, “Tata lyonsi akacita vintu wakwe cii, acino nani kwene ndinzile kucita wakwe cii.”

Yoane 6:40

Pano kulonda kwakwe Tata kwakuti wensi uwalola Mwana nu kumutaila, wene alaya nu umi wape, nga nani ndaleka azyukuke pa wanda wampelelekezyo.”

Yoane 7:17

Wino wensi akasi kucita kulonda kwakwe Leza wene angamanya ndi cakuti vino nkusambilizya vyafuma kuli Leza nanti nkuvwanga sile vyakwane.

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Loma 12:2

Mutakolana na antu amu nsi mu miyele yao, lelo lekini Leza apindulule myenzo inu kuti myelenganyizizye inu iye ipya. Lyene mulaya na maka akumanya kulonda kwakwe Leza, mulamanya vintu visuma pamwi ni vikamuzanzya.

Loma 2:13

Pano kusi uku kuvwa sile Masunde ukukalenga kuti antu yaye aololoke pa manso yakwe Leza, lelo ukukucita vino Masunde yataka ukukalenga.

Efeso 6:6

Mutaomba sile ningo lino yakumwangalila, ngati mukulonda kutasiwa na antu. Lelo mwaomba milimo wa azya yakwe Klistu, kuomba ni myenzo inu yonsi kucita vino Leza akulonda.

Kolose 4:12

Epafula cilundwa cuze ca mwi umba linu, nupya muomvi wakwe Klistu Yesu, nawe kwene wamulamuka. Wene akamupepela lyonsi na maka, ala akulenga Leza kuti aleke muye akomeleke wa ina Klistu atumpuluke nupya afumaluke mukuyela kulonda kwakwe Leza.

1 Tesalonika 4:3

Leza akulonda kuti muye amuzilo nupya antungwa cuze kufuma ku ulongozyo.

1 Tesalonika 5:18

nupya mwataizya Leza muli vyonsi. Vii avino Leza akalonda kuti mwacita mu umi winu muli Klistu Yesu.

Tito 1:16

Yene yakati yamanya Leza, lelo vicitwa vyao vikayasinila ukuti mu cumi yatamumanya. Yene yaya nu lupato nupya yasyayela Leza. Yene yasi antu ampomvu angacita cisuma cili consi.

Ayebulai 13:21

Leza wino akapeela mutende amupeele visuma vyonsi vino vikalondekwa pakuti mucite kulonda kwakwe. Nkupepa kuti muli Yesu Klistu, wene acite munotuli vyonsi vino vingamuzanzya. Lulumbi lupelwe kuli Klistu manda pe! Ameni.

Ayebulai 4:6

Nalikwene Leza wateyanya kuti antu yamwi yalingila mu kupuza kwakwe. Lelo auvwile Ilandwe Lisuma nkolelo yatingile pamulandu wakuntayela.

Yakobo 1:22

Mutaisomba mweisikulu pa kuvwa sile mazwi yakwe Leza. Lelo mulinzile kucita vino mazwi yalanda.

1 Petulo 2:15

Pano Leza akulonda kuti vicitwa vinu visuma vileke kulanda kwa ututu kwa antu awelewele kusile.

1 Petulo 4:2

Kufuma ndakai lino mucili muno nsi mulinzile kuleka umi winu watungululwa nu kulonda kwakwe Leza. Mutaleka vilondwa vya untunze vyamutungulula.

Umbwilo 2:27

Yalateeka inko ni nsonzo ya cela, nu kuzivungola wa ntendo ku maka ali yonga na yano nemo napokelile kufuma kuli Tata.

Umbwilo 22:14

Alongo ayao yano yakafula mingila yao nu kuiswefya, pakuti yaye ni nsambu ya kulya vizao kufuma ku muti uno ukapeela umi nga nu kwingila pa mpongolo zya musumba ukulu.

Umbwilo 3:5

Wiyo alacimvya alazwikwa vizwalo vitiswe wakwe yakwene nga nani ntalafuta zina lyakwe mu lupapulo lwa antu aumi. Pa manso yakwe Tata na angeli yakwe ndalanda paswe ukuti uwakwane.