Mateo 7:15 - Amazwi Yakwe Leza 2013

¹⁵ “Cenjelini na yakasema yaufi, yano akaiza kunomuli mu ufuke kwati umwana wa mfwele, lelo mukasi kao yakoline wa mimbulu ikali.

Mateo 7:15 Iomraidhean Croise

1 Yamwene 13:18

Alino kasema wilya umukote amunena ati, “Nani kwene nene kasema wakwe Yawe. Nga api lamulo lyakwe Yawe umungeli waliwanena wati, ‘Uwele nawe nanti iila lyonga ukwako, kuti akalye cakulya nu kumwa amanzi.’ ” Lelo kasema wilya umukote ala akutumpoka sile.

Yelemiya 29:21

Yawe Wamaka yonsi, Leza wa ina Izlaeli walanda pamulandu wakwe Aabu umwana wakwe Kolaiya na Zedekiya umwana wakwe Maaseya, yano yakasema vyaufi mwi zina lyakwe, wavwanga wati, “Ndayapeela mu makasa yakwe Nebukadineza umwene waku Babiloni. Nawe alayakoma, nu kuilolela mulailolela mwe eneco.

Yelemiya 29:32

Fwandi lyene namafulula Syemaya umwina Neelamu kumwi na akazi kakwe. Apa antu yakwe Aonsi patalasyala nanti wenga mu mutundu uu, wino alikala umupuma nu kulola isyuko lino ndapeela ku mutundu wane. Pasi pano wene wasambilizya antu vya kutalamila Yawe.’” Ivyalanda Yawe.

Ezekelo 13:16

yakasema ya ina Izlaeli yano yasesemelanga Yelusalemu nu kumulolela ivilolwa vya longo, lino kutali nu longo. Ivyalanda ne Yawe Simwandalali.’ ”

Ezekelo 13:22

Pano uku ufi winu mukacuzya imyenzo ya mulungami, wino nemo nsyacuzya foo. Alino mukakomelezya nu mwipe apakuti atata ivicitwa vyakwe iviipe, lelo asyukile nupya uumi.

Ezekelo 22:25

Intunguluzi zyao zili kwati a yacisama akung'anza pa nsita ino yakutakanya inyama ino yalemile. Intunguluzi zikakoma antu nu kuyapoka impiya, ni vyuma vyao vyonsi, zikalenga ukuti yamangu aingi yasyale yamukamfwilwa.

Ezekelo 22:27

Akalamba ya uteko nayo kwene yaya wa mimbulu ino ikutakanya inyama ino yatilema. Yene yakakoma antu pakuti yalonkelemo icuma.

Danieli 11:34

Lino ukukomwa kucili kukutwalilila, antu yakwe Leza yalaazwiliziwa panono, nanti angala aingi ailundanya kuno yali yalacita cico pamulandu sile wakwe ukaitemwe.

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Zakaliya 13:4

Insita iyo ndi yafika kutalaya kasema nanti wenga alayuvwa pa vilolwa vyakwe, nanti kuzwala vyakuzwala vya usemo pakuti atumpoka ukuti akasema.

Mateo 10:17

Lelo mucenjele na antu, pano yalamutwala ku vilye vya milandu, nupya yalamuma ivikoti mu mang'anda ya mapepo.

Mateo 16:11

Uzye na ndakai kwene mutali mumanye kuti ntakulanda kunomuli pamulandu wa mikate? Lelo cenjelini ku citutumusi ca Afaliseo na Asaduki”

Mateo 16:6

Yesu ayasoka ati, “Cenjelini nupya muye apempukile ku citutumusi ca Afaliseo na Asaduki.”

Mateo 24:11

Na yakasema yaufi aingi yalaloleka nu kusomba antu aingi.

Mateo 7:14

Lelo mpongolo yakwingilila ku umi iifyenkane. Nu museo wakuilamo wene watala kulondela, cakuti antu akauzana anono sile.

Luka 12:15

Lyene watwalilile kuvwanga kuli onsi ati, “Mucenjele nu kuicingilila ku lwiswa lonsi. Pano umi wa muntu utaya mu wingi wa vintu vino wakwata, usi mulandu nanti angaya ni vyuma vingi.”

Luka 6:26

“Kalanda kuli mwemwe ndi antu yonsi yamuvwangila visuma. Pano vivyo kwene avino ni vikolwe vyao vyavwangile antu aufi yano yakailanda ukuti yene akasema.

Yoane 10:12

Lelo wino walembwa sile incito, asi mucemi, nga ni mfwele zisi zyakwakwe, lino walola mumbulu ukwiza, amasya mfwele autuke. Nu mumbulu wize uleme yonga nga ni zyuze zipasike.

Milimo 13:40

Lyene, cenjelini, pakuti vino yakasema yavwanzile vitakamucitikile, vikati,

Milimo 13:6

Alino yapita yasalala cilila yafika ku musumba wa Pafosi, yazana umuntu umwi uwa malele, wino izina lyakwe a Ba-Yesu, u Muyuda wino waitakanga vino akasema.

Galatiya 2:4

nanti angala yamwi yalondanga ukuti avino ciye. Antu yaa, iizanga kwati nayo yataila, lelo yene yasokelelanga mwiumba litu wa nengu, pakuti yangalondelezya untungwa uno twakwata muli Klistu. Yene yalondanga kutucita azya.

Efeso 4:14

Alino tutalaya wa ana anono mu micitile. Yene yakasombwa na masambilizyo ya antu asomvi. Masambilizyo yaa yakoline wa miza ino ikasunka maimbi kufuma pa cifulo conga kuya nu ku cuze,

Efeso 5:6

Mutaleka umuntu umwi amusombe na mazwi auwelewele, pano pamulandu wa vintu vii ukali wakwe Leza ukwiza pali yao asyamuyela.

Filipi 3:2

Cenjelini na antu ankalwe wakwe yasimbwa. Kuli kuti yakacita ya viipe aonsi akakonkowezya kuceka nkanda ku mili.

Kolose 2:8

Mutaleka umuntu nanti umwi amutumpike na mazwi a uwelewele. Mazwi yao yangaloleka kuya a mano, lelo kusambilizya kwao ukwa misango ya vintu vyamu nsi visi vya pali Klistu.

2 Timoti 3:13

nga antu aipe, nupya asomvi yene yalipisya kuluta, yala yakusomba antu yauze nga na isikulu kwene.

2 Timoti 4:3

Insita iliiza lino antu yatalauvwa ku usambilizyo wa cumi. Lelo yene yalalondela vilondwa vyao aisikulu, nupya yalalonda yakasambilizya aingi yano alayazanzya pa kuyanena sile vintu vino yene yakulondesya kuuvwa.

2 Petulo 3:17

Lelo mwemo yacuza, mumanyile cii mpiti. Cenjelini, kuti kuluvyanya kwakwe yakaifya kutamutungulula kuti mupone mu utailo.

1 Yoane 4:1

Mwe yacuza akundwe, mutataila yonsi akati yakwata Mupasi Wamuzilo. Lelo muyezye nu kumanya ndi cakuti mupasi uno yakwata wafuma kuli Leza. Pano yakasema yaufi aingi yasalangana konsi muno nsi.

Yuda 1:4

Pano antu yamwi yakaifya, yasokelela munotuli ukwaula kumanyika. Nupya yakasenula ilandwe lya pa cikuku cakwe Leza witu pakuti yaipele insambu pa miyele yao ya winyi. Yene yakana Yesu Klistu, Musambazi nupya Mwene witu wenga sile. Antu yaa yalavunukwa ndi vino calembwa mpiti mu malembelo.

Umbwilo 16:13

Lyene ndola mipasi ikowele itatu yalolike wakwe yacula. Onga ufuma mu mulomo wa cizoka, umwi mu mulomo wa cilyanyi, nauze mu mulomo wakwe kasema waufi.

Umbwilo 17:6

Naweni ukuti mwanaci wakolike uwazi wa antu yakwe Leza nga nu wazi wakwe yao akomilwe pamulandu wa kuyela Yesu. Lino naweni mwanaci nzunguka cuze.

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

Umbwilo 20:10

Lyene Ciwa wino uwayasomvile, wasumvilwe muli yemba wa moto na maluti, amuno alanga yati yasumbilamo cilyanyi pamwi na kasema waufi. Muu, amuno yalapya musanya nu usiku manda pe.