Mateo 6:2 - Amazwi Yakwe Leza 2013

² “Caleka lino mukupeela uwila kuli umwi, mutaleka yauze yamanye, wakwe vino asomvi yakacita mu mang'anda ya mapepo nu mu misolo kuti antu yayalumbanye. Cumi namunena vino yene yapokelela cilambu cao.

Mateo 6:2 Iomraidhean Croise

Masamu 112:9

Waya ni nkumbu uku alanda, nga nu luse lwakwe nalo ulwa muyayaya. Alakwatisya amaka nu kucindikwa alacindikwa.

Masamu 37:21

Umuntu mwipe akakongola ukwaula nu kulipa. Lelo umusuma wene waya nu wila nu kupeela akapeela.

Mapinda 19:17

Wiyo akasakamala umulanda ala wakongwesya Yawe, nga nawe alamulipa ivisuma pali vino wacisile.

Mapinda 20:6

Antu avule yakaitanka apa luse lwao. Uzye aweni angazana umuntu umufuma cumi?

Kasambilizya 11:2

Uwaika uculuzi wako mu ncende zivule, endi mu ncende zivule, pano we muntu utange umanye isyamo lino lilakuponela mu nsi ii.

Ezaya 10:6

Nene namutumile ukuya ku kuzanza umutundu wa antu atamanya Leza, akambavya umwenzo, uku kupokolola ivisampwe, nu kuyiila nu kuyalyatola wa ntipa mu miseo.”

Ezaya 58:7

Ukwankanya icakulya cinu kuli yano yatakweti, ukupokelela apina umu ng'anda inu, yano yatakweti ukwakwikala. Ukwazwilizya antu yano mukulola ukuti kwene yasizya. Mutafisa ukulanga antu inu uku mwinu.

Ezaya 9:17

Ali cino Yawe atalaleka nanti wenga apa alumendo yayo kuti apusuke. Wene atalatezela nanti ana asyale, yano yalasya kumwi na yamukamfwilwa. Pano umutundu onsi ukapontela Leza nu kwifya. Ukavwanga ni vya uwelewele. Ali cino fwandi muli vyonsi vivyo Yawe atalezya ukuta ukusoka nanti ukuzunzula ikasa lyakwe.

Oseya 8:1

Yawe akuti, “Lizini intandala! Anisi yatiyuwa apa mpanga yane wakwe lyang'anda apapela pa nyama. Antu yane yavuna upangano wane, nu kusangukila amalamulo yane.

Mateo 15:7

Mwe yasomvi mwe! Ezaya wali ningo lino wasemile pali mwemwe, ati,

Mateo 16:3

Alino katondo, mwiyulu ndi mwaenza, kuya ni cipupu, mwemo mukati, ‘Imvula imatonya pano mwiyulu mwaenza nu kufutika.’ Mwemo lino mukaceceta iyulu, mukalanda vino muza ulaya, lelo mutangamanya vikucitika ndakai!

Mateo 22:18

Lelo lino Yesu wamanya mapange yao aipe, avwanga ati, “Mwe yasomvi mwe, uzye pacani mukungezya?

Mateo 23:5

Vyonsi vino yakacita ivya kuilanga pa manso ya antu. Si lolini vino yene yakapanga tumifuko twa mpapa twakusendelamo malembelo yakwe Leza, tuto tuno yakazwala pa mausyu na pa makasa yao. Yene yakatalimfya masempele ya vyakuzwala vyao.

Mateo 23:6

Yene yatemwa vifulo visuma pa vimulo nga ni vilimba vya ucindami mu mang'anda ya mapepo.

Mateo 24:51

Wene alamuvunuka cuze nupya alamusumbila ukunzi ku cifulo ca asomvi kuko kuno alalila nu kulumanya ncecete.

Mateo 5:18

Cumi namunena vino kufika lino iyulu ni nsi vilasila, pasi kalikalata kamwi nanti akalitoni kanono ka mu Masunde kano kalafumiziwapo, kufika lino vintu vyonsi vilafikiliziwa.

Mateo 6:16

“Nupya lino mukuizilizya ukulya mutaya wa asomvi, akanyomeka mausyu yao pakuti antu yamanye vino yati yaizilizya ukulya. Cumi namunena nati, yene yapokelela cilambu cao.

Mateo 6:3

Lelo lino ukupeela uwila kuli umwi, utaleka umuntu umwi amanye cino ukucita,

Mateo 6:5

“Na lino mukupepa, mutakolana wa asomvi! Yene yatemwa kwimilila nu kupepa mu mang'anda ya mapepo nu mu masansa ya miseo, kuti yalolwe na antu. Cumi namunena vino, yene yapokelela cilambu cao.

Mateo 7:5

We musomvi we! Utale usisye mulando uli mwi linso lyako, alino umalola ningo pa kufumya akakona akali mwi linso lya munyonko.

Mako 12:39

Yano atemwa kwikala pa vilimba vya ucindami mu mang'anda ya mapepo na pa vifulo visuma pa vimulo.

Mako 7:6

Yesu nawe ayaasuka ati, “Ezaya wali ningo lino wasemile pali mwemwe! Mwe yasomvi, wakwe vino walemvile ati, ‘Leza ati, antu yaa, yakancindika sile mu mazwi yao. Lelo melenganyo yao yali kutali kufuma kunondi.

Luka 11:41

Lelo pelini vino vili mu mbale ku apina, alino myenzo inu imasanguluka.

Luka 11:43

“Kalanda kunomuli mwe Afaliseo! Mwatemwa ivilimba vya ucindami mu mang'anda ya mapepo nu kulamukwa nu mucinzi mu masokoni.

Luka 12:33

Kazyini vyonsi vino mukweti, mupele impiya ku apina. Ilondelini vikwama visyapunguka. Nu kusunga vyuma vinu mwiyulu muno vitalatala vipunguke, pano aiivi yatangafikako nu kwiya, nu wonyi nao utangalya vyuma vivyo.

Luka 12:56

Mwe asomvi mwe! Mukalola milolekele ya pansi ni yulu alino mukalanda vino umuza ulaya. Lelo pacani mutamanyile kulola nu kwilula vya pa kasita ka ndakai?

Luka 13:15

Lyene Mwene nawe amunena ati, “Yasomvi mwe! Uzye wenga muli mwemwe asyasapula masae nanti punda wakwe kufuma mu luwa nu kumupeela manzi pa Sabata?

Luka 20:46

“Cenjelini kuli yakasambilizya ya Masunde, yano atemwa kutandala ni mingila yao itali nu kulamukwa nu mucinzi mu masokoni. Yano atemwa kwikala pa vilimba vya ucindami mu mang'anda ya mapepo na pa vifulo visuma pa vimulo.

Luka 6:24

“Lelo kalanda kuli mwemwe mwe akama. Pano mwemo mwapokelela mpiti upemwilo.

Luka 6:42

Uzye ungavwanga uli ku munyonko uti, ‘Mwinane, leka nkusisizye kakona mwi linso lyako,’ lino wemwisikulu utaweni mulando uli mwi linso lyako? We musomvi we! Utale usisye mulando uli mwi linso lyako, alino umalola ningo pa kufumya akakona akali mwi linso lya munyonko.

Yoane 13:29

Pano Yuda wali akasunga wa cipao ca mpiya, alondezi yamwi yelenganya vino Yesu watamunena kuya kala vintu vino yulilwe pa kuzevya cimulo, nanti kuti akapele cimwi ku apina.

Yoane 5:41

“Nemo nsikulonda kulumbanyiwa na antu.

Yoane 5:44

Uzye mungantaila uli, mwe muno mukacindikana mweisikulu, lelo mucinzi uno wafuma kuli Leza wenga, musyakuulonda?

Yoane 7:18

Wino akuvwanga vyakwakwe, ala akuilondela mucinzi. Lelo wino akulonda mucinzi wakwe wino uwamutuma wene uwa cumi, nu usomvi usi munoli.

Milimo 10:2

Wene wali umuntu uwacindike Leza. Konelio pamwi na amu ng'anda yakwe yoopanga Leza. Wene wazwilizyanga Ayuda pakulu cuze, nupya wapepanga Leza lyonsi.

Milimo 10:31

avwanga ati, ‘Konelio! Leza watauvwa ipepo lyako nu kumanya imilimo yako iya luse.

Milimo 10:4

Nawe alolekesya mungeli, auvwa intete amunena ati, “Musambazi kuli cii?” Mungeli aasuka ati, “Leza watazangila mu mapepo yako nga nu wila uno ukapeela ku apina.

Milimo 11:29

Lyene alondezi yonsi yuvwana ukusangula vya kutuma ku kwazwa aina Klistu yauze aku Yudeya, nga cila muntu asangula kulingana na pano akwatile.

Milimo 24:17

“Pacisila ca myaka ingi pano nafumile ku Yelusalemu, nupya naile kweneko kuti ntwalile antu amu luko lwane uwila uno yantumilizye nga na kuti nkapele impolelwa.

Milimo 9:36

Mu Yopa mwali mulondezi umwanaci izina lyakwe a Tabita (Izina lyakwe mu Cigiliki a Dokasi, cikusenula mpombo). Wasumvile insita yakwe yonsi mu kuomba milimo isuma nu kukumbusuka apina.

Loma 12:8

Ndi twapelwa uwila wa kukomelezya yauze, mu cumi tulinzile kuyakomelezya. Wino wensi akwankana na auze vintu vino akweti, mu cumi alinzile apeele kwaula kuitemwa. Wino wensi ali pa utunguluzi, mu cumi alinzile aombesye ningo. Wino wensi akucitila auze milimo ya luse, mu cumi alinzile acita ni nsansa.

1 Kolinto 13:3

Ningapela vyonsi vino nkweti nu kupeela mwili wane kuti antu yawoce. Lelo ndi ntakweti kutemwa, ale pasi usuma umwi.

Galatiya 2:10

Cintu cino yene yuzizye sile kunotuli cakuti tulinzile kwiusya kusakamala apina aya mwi umba lyao, na cii cili cino nalondesyanga kucita.

Efeso 4:28

Muntu wino wiyanga alinzile kuta kwiya, nga atandike kuomba kwaula usomvi kuti azanilemo uwikazi nga nu kwankanya kweneko apina.

1 Tesalonika 2:6

Swemo tutezizye kulonda lulumbi kufuma kunomuli nanti antu yauze,

1 Timoti 6:18

Uwayanena kuti yacita visuma, nu kuya akama mu milimo isuma, nu kupeela kwaula lusoko, yaye aiteyanye kwankanyako yauze.

Filimoni 1:7

We mwinane mukundwe, kutemwa kuno wakwata kwatuletela luzango lukulu nu ukomelezyo cuze! Wemo wasansamusya myenzo ya antu yakwe Leza onsi.

Ayebulai 13:16

Mwaiusya kucita visuma nu kwazwana pano vintu vii vikoline wa mpolelwa zino zikazanzya Leza.

1 Petulo 4:11

Wino wensi akakosola alinzile kukosola mazwi yakwe Leza. Wino wensi akatumikila alinzile kutumikila na maka yano Leza akamupeela, pakuti Leza atasiwe muli vyonsi. Klistu awino alalenga kuti cii cicitike. Lulumbi na maka ivyakwakwe manda pe. Ameni.

1 Samueli 15:30

Saulo nawe avwanga ati, “Natinifya. Lelo napapata ncindike sile nanti iila lyonga pa manso ya ntunguluzi zya antu yane na pa manso ya ina Izlaeli. Katuswilile sile swensi pakuti inje nkafukame nu kupepa Yawe Leza wako.”