Mateo 5:8 - Amazwi Yakwe Leza 2013

⁸ Alongo antu amyenzo iswepe. Pano yalalola Leza.

Mateo 5:8 Iomraidhean Croise

Utandiko 32:30

Yakobo avwanga ati, “Nalola Leza na manso ntontonto kwaula ukufwa.” Acino atemela cifulo cici izina ati Peniwele.

2 Samueli 22:27

Wewe wamuzilo ku aziliziwe, lelo ukafulula antu yaukakasi.

Masamu 15:2

Awiyo akapita uwakaele, wiyo akacita ni vilungamane, wiyo akavwanga ivyacumi vyamu mwenzo wakwe.

Masamu 18:26

Uku antu aswepe imyenzo ukailanga ukuya umuswepe umwenzo. Lelo uku antu aipe myenzo, wemo ukailanga ukuti usi cuza wao.

Masamu 24:4

Awiyo uwa minwe yakaele nu wa mwenzo uswepe, nupya asipepa utuluwi nanti ukulaya ivyaufi.

Masamu 51:10

We Leza, mpeko umwenzo wa kuyela uwike munondi umwenzo upya uposye.

Masamu 51:6

Pamulandu wakuti watemwisya ulungi uwamu mwenzo, sokolola kunondi uwile wamano yako.

Masamu 73:1

Cumi kwene, Leza umusuma ku ina Izlaeli, uku antu akwata imyenzo iyakaele!

Mapinda 22:11

Umuntu wa mazwi akazanzya umwenzo, angatandana icuza na yamwene. Lelo umwene wene watemwa umuntu umutailwe.

Milimo 15:9

Atapusinye pakasi kakwe sweswe na alio, lelo wasangulwile myenzo yao pano yataile.

1 Kolinto 13:12

Ndakai tukulola vintu ciyeye kwati umwi lola. Lelo pa nsita iliiza tulalola cinso cakwe. Ndakai kumanya kwane kwa pali Leza kusi kufumaluke. Lelo lino insita iliiza kwene kulaya kufumaluke kwati kumanya kuno Leza wamanya nene.

2 Kolinto 7:1

Mwe yacuza, Leza uwacita malayo yaa. Acino tulinzile kufumako ku vintu vyonsi vino vikakowezya mili nga ni mipasi itu. Acino pa koopa Leza twaezya kuya amuzilo.

Tito 1:15

Vintu vyonsi ivisanguluke kuli yao akwata myenzo isanguluke. Lelo kusi cimwi icisanguluke kuli yao akowela nupya atataila. Yene yakwata kwelengenya kukowele ni myenzo yao yakowela.

Ayebulai 10:22

Caleka lekini tupalamile kuli Leza nu mwenzo uwa cumi nu utailo uwa mpomvu. Lekini tusunge myenzo itu iye iswepe, ni myelenganyizizye itu nayo iye ya untungwa kufuma ku viipe, ni mili itu ifulwe na manzi aswepe.

Ayebulai 12:14

Ezyini kwikala mu mutende na antu onsi, nu kwikala umi wamuzilo. Pano kusi umwi wino alalola Mwene kwaula kwikala umi wamuzilo.

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

Yakobo 3:17

Lelo mano yano yakafuma kwiyulu nkolelo yakatwazwa kuya asanguluke, acuvwano, mutembo nu kuyelezyanya. Yene yakatulenga kukwatisya mizu nga nu kucita vicitwa visuma. Yene yakatulenga kuntakwata vikanza nanti usomvi.

Yakobo 4:8

Mupalame kuli Leza, nga nawe amapalama kunomuli. Mwe yakaifya, namwe fulalini minwe inu! Mwe asomvi, namwe swefini myenzo inu!

1 Petulo 1:22

Pano mwasangulula myenzo inu pa kuyela cumi. Ndakai mungatemwana wa ina ataila. Lelo mulinzile kutwalilila kutemwana nu mwenzo onsi.

Umbwilo 22:4

Yene yalalola cinso cakwe, ni zina lyakwe lilalembwa pa mausyu yao.