Mateo 4:23 - Amazwi Yakwe Leza 2013

²³ Lyene Yesu apitana mu Galile monsi, ala akusambilizya mu mang'anda ya mapepo nu kukosola Ilandwe Lisuma lya Wene nga nu kupozya alwile ndwala zya misango yonsi.

Mateo 4:23 Iomraidhean Croise

Masamu 103:3

Aliwe akanjelela uluse kuli vyonsi vino nkaifya. Akapozya ni ndwala zyane zyonsi.

Masamu 74:8

Yatiyapanga nu kutulovya swensi pyu pyu pyu, nu koca incende zyonsi izyamuzilo umu mpanga.

Mateo 11:5

Impafu zikulola, vilema vikupita, yakwe tembwe yakupoziwa, yacipuuli yakuuvwa. Afwe yakututululwa, ni Landwe Lisuma likukosolwa ku apina.

Mateo 12:9

Lino Yesu wafuma kweneko, aingila mu ng'anda ya mapepo,

Mateo 13:19

Yao akauvwa mazwi yano yakalanda vya pa Wene wakwe Leza kwaula kuyamanyikisya, yakoline wa mbezu izyaponile umu mbali ya nzila. Lelo mwanisi wakwe Leza aiiza afumya mazwi yano atewa mu myenzo yao.

Mateo 13:54

aya ku musumba uwa kumwao. Alino atandika kusambilizya antu mu ng'anda ya mapepo. Lyene onsi yazunguka cuze yuzyanya yati, “Uzye aukwi kuno umuntu wii wafumya amano yaa, nga na maka yakucita vinjelengwe?

Mateo 14:14

Lino Yesu wapatuka mu wato, alola iumba likulu cuze, nga aya na mizu, apozya yao ali alwale.

Mateo 24:14

Ni Landwe Lisuma lii lya Wene lilakosolwa mu nsi yonsi kuya umboni ku antu amu nko zyonsi, alino mpelelekezyo iliiza.

Mateo 3:2

akuti, “Zenzukini, pano Wene wa mwiyulu wati upalama pipi.”

Mateo 9:35

Lyene Yesu apitana mu misumba nu mu mizi yonsi kwene, ino yali pipi na yemba uwaku Galile. Wene asambilizya mu mang'anda ya mapepo nu kukosola Ilandwe Lisuma lya Wene wakwe Leza, nu kupozya indwala zya misango yonsi, ni ndema.

Mako 1:14

Lino Yoane yamunyepa mu ng'anda yaminyololo, Yesu waile ku Galile ku kukosola Ilandwe Lisuma lyakwe Leza.

Mako 1:21

Yesu na alondezi yakwe iiza ku musumba wa Kapenaumu, na pa Sabata lyalondelilepo Yesu aya mu ng'anda ya mapepo atandika kusambilizya.

Mako 1:39

Lyene apita monsi mu mpanga ya Galile ala akukosola mu mang'anda ya mapepo nu kufumya mipasi yankota.

Mako 3:10

Lyene apozya antu aingi, na yonsi alwale yapupumilanga kuya kunoli pakuti yamukumye sile.

Mako 6:2

Pa Sabata atandika kusambilizya mu ng'anda ya mapepo. Antu aingi, amuvwile yazunguka cuze. Alino yauzyanya yati, “Uzye aukwi kuno umuntu wii wafumya vintu vii vyonsi? Amano ya musango ci apelwa kunoli, pakuti acita ivinjelengwe?

Mako 6:6

Wene azunguka cuze, pano antu yatakweti utailo munoli. Alino aya mu mizi yazingulwike ala akusambilizya antu.

Luka 10:9

Mupozye alwale ali mu musumba uo, alino muyanene muti, ‘Uwene wakwe Leza wati upalama kunomuli.’

Luka 13:10

Pa Sabata Yesu wasambilizyanga mu ng'anda imwi ya mapepo.

Luka 16:16

“Ivyalembwa mu mpapulo zyakwe Mose na zyakwe yakasema vyakosozilwe kufika mu manda yakwe Yoane Kawatizya. Kufuma papo kwene Ilandwe Lisuma lya Wene wakwe Leza likukosolwa, na wensi akwezya na maka kwingilamo.

Luka 20:1

Uwanda umwi lino Yesu wasambilizyanga antu mu Ng'anda ikulu yakwe Leza nu kukosola Ilandwe Lisuma, yasimapepo akalamba na yakasambilizya ya Masunde, pali pamwi na aikolo, iiza kunoli.

Luka 4:14

Lyene Yesu aswilila ku Galile, na maka yakwe Mupasi Wamuzilo yali nawe. Ilandwe lya pali aliwe lisalangana mu mpanga yonsi yapalime kuku.

Luka 5:17

Uwanda umwi lino Yesu wasambilizyanga, Afaliseo na yakasambilizya ya Masunde yamwi apano yali. Yene yafumile mu mizi yonsi yamu Galile nu mu Yudeya nu ku Yelusalemu. Wene wapilwe amaka ya Mwene akupozya alwale.

Luka 6:17

Yesu pamwi na atumwa yatentemuka umwamba, iimilila apatambalale. Lyene iumba likulu cuze lya alondezi ni umba lya antu afumile ku Yudeya nu ku Yelusalemu nu ku misumba yamu nkumba yakwe Tuli na Sidoni,

Luka 6:6

Pa Sabata lyuze Yesu waile mu ng'anda ya mapepo nu kusambilizya, umwali umuntu uwali ni cizanza cilemale cilunji.

Luka 7:21

Pa nsita kwene ilya Yesu apozya alwale aingi alwile ndwala zya misango na misango, na ali ni mipasi yankota, nga nu kuleka impafu kuti zyalola.

Luka 7:22

Lyene anena nkombe zyakwe Yoane ati, “Pitini, mukanene Yoane vintu vino mwati mulola nu kuuvwa. Mumunene muti mpafu zikulola, vilema vikupita, yakwe tembwe yakupoziwa, yacipuuli yakuuvwa. Afwe yakututululwa, ni Landwe Lisuma likukosolwa ku apina.

Luka 8:1

Pacisila Yesu apita mu misumba nu mu mizi ala akukosola Ilandwe Lisuma lya Wene wakwe Leza. Alondezi ikumi na yaili yali nawe,

Luka 9:11

Lelo lino maumba yamanya cii, yamulondela. Nawe ayazengela, ayasambilizya pamulandu wa Wene wakwe Leza, nga apozya na yao alondanga kupoziwa.

Luka 9:60

Yesu amunena ati, “Leka afwe yazike afwe yao. Wemo pita ukakosole vya Wene wakwe Leza.”

Yoane 18:20

Yesu amunena ati, “Nsita zyonsi navwanganga paswe kuli cila muntu. Kusambilizya kwane konsi kwacitwanga mu mang'anda yamapepo, nga nu mu Ng'anda ikulu yakwe Leza, muno Ayuda yonsi yakongananga. Ntatala navwanga cimwi mu nkama.

Yoane 6:59

Yesu wavwanzile vintu vii ala akusambilizya mu ng'anda ya mapepo ku Kapenaumu.

Yoane 7:1

Pacisila ca vintu vii, Yesu wapitanga mu Galile, atakasi kupitana mu Yudeya pano Ayuda yalondanga kumukoma.

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

Milimo 18:4

Cila Sabata wayanga ku ng'anda ya mapepo ala akwezya kutonsya Ayuda na Agiliki kuti yazumile.

Milimo 20:25

“Napitana monsi munomuli, ala nkukosola ilandwe lya pa Wene wakwe Leza. Ndakai, yamwi amunomuli yatalandola nupya.

Milimo 28:31

Wakosolanga pamulandu wa Wene wakwe Leza nu kusambilizya ivya pamulandu wa Mwene Yesu Klistu, ala akulanda nu kupama ukwaula umwi uwakumulesya.

Loma 10:15

Uzye yangakosolelwa uli ndi umwi atatumilwe? Ndi vino calembwa mu malembelo cati, “Lolini vino cazipa kulola ingazo zyakwe yao akwiza ku kukosola Ilandwe Lisuma!”