Mateo 3:8 - Amazwi Yakwe Leza 2013

⁸ Mwaomba imilimo isuma yakulanga vino mwati muzenzuka.

Mateo 3:8 Iomraidhean Croise

Yelemiya 26:13

Ali cino fwandi mwemo zifini sile inzila zinu ziipe, muvwe amazwi yakwe Yawe Leza winu, alino nawe amaelenganyapo akane nu kumuponyezya isyamo lino watasowela panomuli.

Yelemiya 36:3

Nalimwi Ayuda ndi cakuti yuvwa uyi onsi uno napingila kuyacitila, yangafuntuka ku nzila zyao iziipe, apakuti nani njuvwileko uluse ku uyi wao nu ku maifyo yao.”

Mateo 21:32

Pano Yoane wizile kunomuli nu kumulanga vino mungalondela nzila ya wololoke wakwe Leza, lelo mutamutaile. Yakasonkisya na yacizelele yene yamutaile. Lelo mwemo nanti angala mwaweni cii, mutazenzwike nu kumutaila.”

Luka 3:8

Mwaomba imilimo isuma yakulanga vino mwati muzenzuka. Nupya mutainena mu myenzo inu ukuti Abulaamu ali cikolwe cinu! Nkumunena vino Leza angasenula amawe yaa ukuya ana yakwe Abulaamu.

Milimo 26:20

Kutandikila mu Damasiko nu kwiza mu Yelusalemu nga nu mu mpanga yonsi ya Yudeya nga ni ya Akulukuwa, nakosozile ukuti yalinzile kuzenzuka yataile muli Leza, nu kucita ivintu ivyakulanga ukuti yati yazenzuka.

Efeso 5:8

Mpiti mwali wa antu akaikala mu mfinzi, lelo ndakai mwemwe antu amu luswepo pano mwemwe antu ya Mwene. Acino mwacita vintu wa antu amu luswepo

Efeso 5:9

nga nu kuleka luswepo lwinu lulete uzombozi ukulu cuze uwa micitile isuma, uwololoke, nga ni cumi.

Filipi 1:11

Nga umi winu ulavulilwa vizao vyawololoke ivikaizila muli Yesu Klistu ku kuleta lulumbi nu kulumbanyiwa kwakwe Leza.