Mateo 3:7 - Amazwi Yakwe Leza 2013

⁷ Lelo lino walola Afaliseo na Asaduki aingi yakwiza kuno wawatizyanga, ayanena ati, “Mwe ana ya nzoka mwe! Uzye aweni uwamucelula kuti muutuke ukali wakwe Leza uno ukwiza?

Mateo 3:7 Iomraidhean Croise

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

Mapinda 28:4

Wiyo akatazyela amasunde waya uku lusansa lwa antu aipe. Lelo wiyo akalondela amasunde akayakanya.

Ezaya 59:5

Uyi uno mukacitila auzo wakolana nu usungu uwaya mu mayayi ya nzoka yano zikata, nanti wa citeyo icaya mwi sumbo lyakwe pengauyo, wino walya lyonga ala wafwa. Ndi mwatama iyayi lyonga ala mwafuma inzoka!

Yelemiya 51:6

Puukini mufume kuko ku Babiloni. Cila muntu apususye umi wakwe. Mutaleka mulowelele pamulandu wa uyi wakwe. Insita ya cilanduzi cakwe Yawe yakulinganya pali vino yacisile yatifika.

Yelemiya 6:10

Nga nani naasuka inti, “Uzye aweni wino ninganena nawe auvwe? Cumi kwene amatwi yao yapulama, yatange yakutike foo. Amazwi yakwe Yawe yasulwa kunoyali. Yene yasiyazengela, awe.

Mateo 12:24

Lelo lino Afaliseo yuvwa cii, yavwanga yati, Awe! “Kupitila sile muli Belezebu, mwanangwa wa mipasi yankota, amuno akafumizya mipasi yankota.”

Mateo 12:34

Mwe ana ya nzoka mwe! Uzye mungavwanga uli vintu visuma lino mwemwe yaipe? Pano mulomo ukavwanga vintu vizile mu mwenzo.

Mateo 15:12

Lyene alondezi iiza kunoli yamuzya yati, “Uzye watumanya vino Afaliseo yafwitoka pali vino walanda?”

Mateo 16:1

Lyene Afaliseo na Asaduki yamwi iiza kuli Yesu kuti yamwezye mu mazwi. Caleka yamuzya kuti acite cilangililo ca cinjelengwe cakusininkizya vino wene watumwa na Leza.

Mateo 16:6

Yesu ayasoka ati, “Cenjelini nupya muye apempukile ku citutumusi ca Afaliseo na Asaduki.”

Mateo 22:15

Lyene Afaliseo yapita, yapangana vya kumuteya mu mauzyo.

Mateo 22:23

Pa wanda uwo kwene Asaduki (yano akati antu yatalazyukuka kufuma ku afwe), iiza kuli Yesu yamunena yati,

Mateo 22:34

Lelo lino Afaliseo yuvwa vino Yesu watamyalalika Asaduki, yakongana pali pamwi.

Mateo 23:33

“Mwe nzoka mwe! Mwe ana ya nzoka mwe! Uzye mulapusuka uli ku uvunuko uwamu Gehena?

Mateo 5:20

Lyene namunena vino mulaposiwa kwingila mu Wene wa mwiyulu, suka sile ndi mukucita ivyawololoke pa manso yakwe Leza kuluta yakasambilizya ya masunde na Afaliseo.

Mako 12:13

Lyene yamutumila Afaliseo yamwi na antu yakwe Helodi kuti yamuteye mu mauzyo.

Mako 12:18

Lyene Asaduki, yano akati antu yatalazyukuka kufuma ku afwe iiza kuli Yesu yamuzya yati,

Mako 8:15

Yesu ayasoka ati, “Cenjelini nupya muye apempukile ku citutumusi ca Afaliseo na Helodi.”

Luka 16:14

Lyene Afaliseo lino yuvwa vii yasoweka Yesu, pano yatemilwe vyuma.

Luka 18:11

Mufaliseo aimilila apepa mu mwenzo wakwe ati, ‘Nakutaizya, we Leza, pano nemo ntakolana na antu yauze ali wa antu alwiswa, aucenjezi, akalongozya nanti yao ali wakwe kasonkisya kwene wii.

Luka 7:30

Lelo Afaliseo na yakasambilizya ya Masunde pakukana kuwatiziwa na Yoane, yasuzile vino Leza walondanga kuyacitila.

Yoane 1:24

Lyene yamwi atumilwe, ali Afaliseo

Yoane 8:44

Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

Yoane 9:40

Afaliseo yamwi yano ali nawe yuvwa vintu vii, nga yamuzya yati, “Uzye naswe kwene sweswe mpafu?”

Milimo 15:5

Lelo ataile yamwi ali mu kaungwe ka Afaliseo, iimilila yavwanga yati, “Akulukuwa yalinzile kusilamulwa nu kunenwa kuti yayela Masunde yakwe Mose.”

Milimo 20:31

Pempulini, lyene nu kwiusya ukuti pa myaka itatu, musanya nu usiku, namusambilizye cila wenga, na minsozi.

Milimo 26:5

Yene lyonsi yamanya, ndi yakasi kupeela umboni, kufuma ku kutandika mu umi wane onsi nikala wa Mufaliseo inkonko.

Milimo 5:17

Lyene Simapepo Mukulu na yano wali nao nga na yao amwi umba lya Asaduki yaya nu uzuwa cuze pa atumwa. Caleka yelenganya kucitapo cimwi.

Loma 1:18

Lyene ukali wakwe Leza wati usokoloka kufuma kwiyulu pamulandu wankota na maifyo ya antu, pano inkota zyao ziipe zikacilikizya icumi kuti citamanyika.

Loma 5:9

Ndakai twacitwa kuya aololoke pa manso yakwe Leza mu mfwa yakwe Klistu. Caleka kuluta pali cii, alatutuula nu ku ukali wakwe Leza.

1 Tesalonika 1:10

Nupya yakalanda pa kulolela kuno mukalolela Yesu Mwana wakwe kuti aiize kufuma mwiyulu. Leza wamuzyukwile kufuma ku afwe, nga pa wanda wa upinguzi Yesu alatutuula ku ukali wakwe Leza ukwiza.

Ayebulai 11:7

Utailo uwalenzile kuti Nowa auvwe kusokwa kwakwe Leza pa vintu vino vyali nu kwiza, vino atatazile alola. Wene wayelile Leza nu kupanga cange muno aliwe na amu ng'anda yakwe yatuuzilwe. Cii calenzile kuti antu amu nsi yavunukwe, nga Nowa nawe apokelele uwila wa wololoke uno ukapelwa kuli yao ataila.

Ayebulai 6:18

Lyene vintu vii viili, ulayo nu mulapo, vitangasenulwa nupya Leza pa kuviomvya atange atumpoke. Caleka swe muno twacingililwa na aliwe tukakomeleziwa cuze nu kulemasya na maka ku upaalilo uno uli nkolelo itu.

1 Yoane 3:10

Uu uli upusano apaswe, uwaya pakasi ka ana yakwe Leza nga na ana yakwe Ciwa. Muntu wensi asyacita visuma nanti kutemwa mwina wakwe wene asi mwana wakwe Leza.