Mateo 27:2 - Amazwi Yakwe Leza 2013

² Alino yamunyepa yamusenda, nu kumupeela kuli Pilato uwali mulasi.

Mateo 27:2 Iomraidhean Croise

Utandiko 22:9

Lino yafika pa cifulo cino Mwene Leza wamunenyile, Abulaamu akuula kavuwa alonga ni nkwi papela. Anyepa Isaki umwana wakwe umonsi nga amulambalalika pa kavuwa, alino amwika papela pa nkwi.

Mateo 20:19

Alakoopelwa ku Akulukuwa yano alamusaalula, yalamuma ivikoti nga nu kumutana pa lupanda. Lelo pa wanda wakulenga yatatu alazyukuka aye umumi.”

Mateo 28:14

Mulasi ndi uvwa cii, tulasininkizya kunoli ukuti mwemwe yakaele. Acino mwemo mutakwata nanti masakamiko yamwi.”

Luka 13:1

Pa kasita kaka kwali antu anenyile Yesu pamulandu na ina Galile yano Pilato wakomile lino yapelanga impolelwa kuli Leza.

Luka 20:20

Lino yakwata kasita kasuma, yatuma inengu izyaicisile kwati zya cumi, pakuti ziteye Yesu mu mazwi yano walandanga, kuti zingamupeela mu makasa ya mulasi uwali na maka pa uteko.

Luka 23:1

Lyene iumba lyonsi likatuka limutwala kuli Pilato.

Luka 23:12

Uwanda kwene ulya Helodi na Pilato yatandana ucuza, pano yalanga yapatana.

Luka 3:1

Cali mu mwaka uwalenga ikumi na isano ala Kesa Tibelyasi umwene waku Loma, lino Pontio Pilato nawe wali umulasi wa mpanga ya Yudeya. Helodi wali kateeka wa mpanga ya Galile. Na Filipi mwina wakwe wali kateeka wa mpanga ya Itulia na Tulankoniti. Lisaniya nawe wali kateeka wa mpanga ya Abilene,

Yoane 18:12

Lyene vita vya uteko wa Ciloma pamwi nu mukalamba wakwevyo nga ni ntunguluzi zya Ciyuda, yalema Yesu nga yamunyepa.

Yoane 18:24

Caleka Anasi amutuma kuli Kayafa, Simapepo Mukulu, ala acinyefilwe.

Yoane 18:28

Lyene katondo tondo yafumya Yesu kwakwe Kayafa, yamutwala kwi sano lya mulasi. Ntunguluzi zya Ciyuda zyene zitingile mwi sano, zyoopa kukoweziwa, kuti zingalyako Cimulo ca Ucilo.

Milimo 12:6

Usiku lino utali uce pa wanda uno Helodi walondanga kumuleta kuti amuvunuke pa manso ya antu, Petulo waizi pakasi kakwe yakalinda yaili. Wanyefilwe ni minyololo iili, kwali na yakalinda pa mpongolo ya ng'anda yaminyololo.

Milimo 21:33

Lyene musika mukalamba aya kuli Paulo, amulema, nga apeela ilamulo kuti yamunyepe mu minyololo iili. Lyene auzya ati, “Uzye umuntu wii, aweni, nupya icani cino watacita?”

Milimo 22:25

Lelo lino yamunyepa kuti yamume, Paulo auzya musika ati, “Uzye ica nsambu ukuma umwina Loma vikoti lino atali apingulwe mu cilye?”

Milimo 22:29

Lilyo kwene asilika apalime kuti yatandike kuma Paulo nu kumuuzya mauzyo yafumapo. Lyene musika mukalamba auvwa intete pa kumanya vino Paulo umwina Loma, nu kuti watanyepa Paulo mu minyololo.

Milimo 24:27

Pacisila ca myaka iili, Polokia Fesito atoola cifulo ca ulasi wakwe Felikisi. Lelo pano Felikisi walondanga kutasiwa na Ayuda, asya Paulo mu ng'anda yaminyololo.

Milimo 28:20

Acino nali nuzya kuti tulolane nga tulande namwe. Pano nati nyepwa mu minyololo pamulandu wakwe wiyo wino aina Izlaeli yakupaalila!”

Milimo 3:13

Leza wakwe Abulaamu, Isaki na Yakobo, Leza wa vikolwe vitu uwapela lulumbi kuli Yesu muomvi wakwe. Mwemo mwamupile ku ntunguluzi zya Ciyuda mumukana pa manso yakwe Pilato, nanti angala Pilato wakasi kuti amusapule.

Milimo 4:27

Pano cumi Helodi na Pontio Pilato yakongine mu musumba pamwi na Akulukuwa nga na ina Izlaeli kuti yalwisye Yesu, umuomvi wako uwamuzilo, wino wasolwile. Yoa 18:28

Milimo 9:2

kuti angamupeela ya kalata akuimanyisya ku ntunguluzi zya Ciyuda mu mang'anda ya mapepo ku Damasiko, pakuti ndi wazanyileko yamwi akalondela nzila ya Mwene, akwate maka aku yalema onsi, aonsi na anaci, ayatwale ku Yelusalemu.

1 Timoti 6:13

Nkukupeela ilamulo pa manso yakwe Leza, wino akapeela umi ku vintu vyonsi, nga na pa manso yakwe Klistu Yesu, wino pakupeela umboni pa manso yakwe Pontio Pilato walanzile cumi cico. Nakunena ukuti

2 Timoti 2:9

Pamulandu wa kukosola Ilandwe Lisuma, nemo nkacula nu kunyepwa mu minyololo kwati nene cipondo. Lelo mazwi yakwe Leza yene yatanganyepwa mu minyololo.

Ayebulai 13:3

Mwaiusya anyepwe, nupya mwayasakamala kwati mwanyepwa nao mu ng'anda yaminyololo. Mwaiusya yao akucula nupya mwayasakamala kwati namwe kwene mukucula ndi vino yakucula.

Yakapingula 15:12

Nayo iyamunena yati, “Twatitwiza kuti tukunyepe nu kukupeela ku ina Filisti.” Samusoni nawe ayanena ati, “Lapini ukuti musikunkoma mweisikulu.”