Mateo 27:1 - Amazwi Yakwe Leza 2013

¹ Lyene katondo, yasimapepo akalamba onsi, nga na aikolo yalanzyanya vya kucita pa kukoma Yesu.

Mateo 27:1 Iomraidhean Croise

Masamu 2:2

Yamwene yao yasakatuka, ni ntunguluzi zyao yapangila Yawe, pamwi nu musololwe wakwe.

Masamu 31:13

Nkuuvwa kuno anisi yane aingi yakutotozana, Yene yakungoofya monsi monsi. Yene yakumpangila, yakumana akapi kuti yankome.

Masamu 71:10

Anisi yane, akulonda uku nkoma, yakavwangila capamwi yonsi nu kumpingila.

Mika 2:1

Kalanda ku antu akapanga ukucita inkota, na kuli yao yano usiku onsi yakaelenganya ukucita iviipe. Lino yazyuka akatondo iyatandika ukucita iviipe, pano ala yakweti amaka.

Mateo 23:13

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukayalila antu kunzi kuti yatingila mu Wene wa mwiyulu. Mweisikulu musyaingilamo nupya mukayalila yano akalonda kwingilamo. [

Mako 15:1

Lyene katondo, yasimapepo akalamba, aikolo Ayuda, yakasambilizya ya Masunde, pamwi ni nkombe zya mwi Tengo zyonsi, yakongana, yalanzyanya vya kucita. Alino yamunyepa, yamusenda nu kumupeela kuli Pilato.

Luka 13:1

Pa kasita kaka kwali antu anenyile Yesu pamulandu na ina Galile yano Pilato wakomile lino yapelanga impolelwa kuli Leza.

Luka 22:66

Lyene lino waca, aikolo, yasimapepo akalamba, na yakasambilizya ya Masunde yakongana pali pamwi, yaleta Yesu mwi Tengo lyao.

Yoane 18:28

Lyene katondo tondo yafumya Yesu kwakwe Kayafa, yamutwala kwi sano lya mulasi. Ntunguluzi zya Ciyuda zyene zitingile mwi sano, zyoopa kukoweziwa, kuti zingalyako Cimulo ca Ucilo.

Milimo 5:21

Lino atumwa yuvwa cii, pa macaca iingila mu Ng'anda ikulu yakwe Leza, yatandika kusambilizya. Simapepo mukulu na yano ali nawe yaama aikolo ya Ayuda yonsi pamwi kwi Tengo. Lyene yatuma antu ku ng'anda yaminyololo kuti yakalete atumwa kwi Tengo.

Yakapingula 16:2

Lino aikazi amu Gaza yuvwa ukuti Samusoni wataiza, nga iyakongana pamwi nu kumuteyamila usiku onsi pa mpongolo ya musumba.

1 Samueli 19:11

Usiku kwene ulya Saulo atuma aomvi akuyalengula ku ng'anda yakwe Davidi pakuti yace yamukome akatondo. Lelo Mikala, umuci wakwe Davidi, amusoka, ati, “Usiku wi lelo ndi cakuti ututwike, mutondo ale yatiyakukoma.”