Mateo 26:3 - Amazwi Yakwe Leza 2013

³ Lyene yasimapepo akalamba nga na aikolo yakongana mu ng'anda yakwe Kayafa, Simapepo Mukulu.

Mateo 26:3 Iomraidhean Croise

Masamu 56:6

Apa kukongana yakafisama, yakanteyamila muli vyonsi vino nkacita apakuti yankome.

Yelemiya 11:19

Nemo natontelile wa kana ka mfwele kano yakutwala ku kufyula. Nemo ntamanyile ukuti anene yakupangila ukuncita cimwi ala yakuti, “Mwe, lekini tukome Yelemiya, tumusinde wa cimuti cino cafikila apa nsita ya kulemba. Katumukome pakuti kutaca kuye nanti umwi uwa kumwiusya nupya.”

Yelemiya 17:27

Lelo ndi cakuti mwala mwakana kunjela, ukuwaka wanda wi Sabata nu muzilo, nu kukana ingila pa mpongolo zyakwe Yelusalemu ni civiya apa wanda wi Sabata, lyene mulaleka noce impongolo zizyo uku moto uno ulamalila amang'anda acindame amu Yelusalemu ukwaula kuti uzime.”

Mateo 26:69

Lyene Petulo watenzi mukasi ka musolo wi Tengo, nga umukazyana wenga uwamu yaomvi yakwe Simapepo Mukulu aiiza panoli amunena ati, “Nawe kwene wali pamwi na Yesu uwaku Galile.”

Mateo 27:27

Lyene asilika yatwala Yesu mu kasi ka musolo wi sano lya mulasi, yakonganika mpuka yonsi ya asilika kumuzinguluka.

Mako 14:54

Lelo Petulo wene amulondela katalamukila, apita mpaka nu mu musolo wa ng'anda yakwe Simapepo Mukulu. Aya aikala pali pamwi na yakalinda amu Ng'anda ikulu yakwe Leza, aota umoto.

Mako 14:66

Lino Petulo watenzi mu musolo wi Tengo, kwiza umukazyana wenga uwamu yaomvi yakwe Simapepo Mukulu.

Mako 15:16

Asilika yatwala Yesu mukasi ka musolo wi sano lya mulasi nu kwama impuka zya asilika.

Luka 22:55

Lyene lino yapemba umoto pakasi ka musolo wa nsaka ya milandu nu kwikala pansi, Petulo nawe waile aikala pansi pali pamwi nao.

Luka 3:2

na Anasi na Kayafa yali yasimapepo akulu. Pa nsita ilya Ilandwe lyakwe Leza lizile kuli Yoane mwana wakwe Zakaliya mu lwanga.

Yoane 11:57

Lelo yasimapepo akalamba na Afaliseo yapile ilamulo kuti umuntu umwi ndi angamanya ukuli Yesu, wene alinzile ayanene kuti yakamuleme.

Yoane 18:24

Caleka Anasi amutuma kuli Kayafa, Simapepo Mukulu, ala acinyefilwe.

Yoane 18:28

Lyene katondo tondo yafumya Yesu kwakwe Kayafa, yamutwala kwi sano lya mulasi. Ntunguluzi zya Ciyuda zyene zitingile mwi sano, zyoopa kukoweziwa, kuti zingalyako Cimulo ca Ucilo.