Mateo 24:6 - Amazwi Yakwe Leza 2013

⁶ Muluvwa inkondo ni mpupilizi zya nkondo kutali, lelo mutakasakamale. Vintu vii vilinzile kucitika, lelo visikulanga ukuti mpelelekezyo yatifika.

Mateo 24:6 Iomraidhean Croise

Masamu 112:7

Asioopa nanti panono ndi cakuti yamwikwila isyamo. Wene waya umuposye apamulandu sile uwakutaila muli Yawe.

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

Ezaya 7:4

Uye ukamuceule, umunene ateke umwenzo, atuvwa intete nupya atasakamala. Pano icipyu ca mwene Lezini na antu yakwe aina Alamu, ni cipyu ca mwene Peka umwana wakwe Lemaliya vitange vicite umuntu nanti cimwi. Pano antu yayo yali sile wa cunsi icikufutumuka uku tusonsololo twili.

Yelemiya 47:6

Mwemo mukuti, ‘Iye mwe, we lupanga lwakwe Yawe, ulapuza lilaci? Sungala uswilile mu cituwo cako, nenuka, ikala cele.’

Ezekelo 21:28

“We mwana wa muntu sema amazwi yane. Kafisye amazwi yano ne Yawe Simwandalali nkunena aina Amoni, akatukola intusi aina Izlaeli. Kayanene uti, ‘Ala ulupanga alulo, lukulonda ukusalipa. Lwatilukulumbikilwa ukusalipa, nu kumyantula wa nkuwa.

Mateo 2:3

Lino mwene Helodi wacuvwa, wene pali pamwi na amu Yelusalemu yonsi yasakamikwa.

Mateo 24:14

Ni Landwe Lisuma lii lya Wene lilakosolwa mu nsi yonsi kuya umboni ku antu amu nko zyonsi, alino mpelelekezyo iliiza.

Mateo 26:54

Lelo malembelo asowela kuti cilinzile cicitike ndi cikwene, yangafikiliziwa uli?”

Luka 21:19

Mukuposya kwinu, mulaya nu umi.

Luka 21:9

Lino muluvwa nkondo nga ni mpanzela, mutakasakamale. Vintu vii vilinzile kucitika nkolelo, lelo italaya ili mpelelekezyo.”

Luka 22:37

Acino namunena vino icalembwa mu malembelo pamulandu wane, icikati, ‘Wapendilwe ukufwa pamwi na yakaifya,’ cili nu kufikiliziwa.”

Yoane 14:1

Yesu anena alondezi yakwe ati, “Mutaleka myenzo inu yaaziwa. Tailini Leza, mutaile nani kwene.

Yoane 14:27

“Namusila mutende, mutende wane auno namupeela. Ntamupile mutende ndi vino amu nsi yakapela. Mutaleka myenzo inu yaaziwa, nanti kuvwa intete.

2 Tesalonika 2:2

mutaleka ciye cangupale kuvulunganyiziwa nu kwanolwa na antu yano yakati Wanda wa kwiza kwa Mwene wiza mpiti. Na manye antu yakaelenganya ukuti swemo twavwanzile cii lilyo lino twasemanga nanti kukosola, nanti lino yawelenzile kalata witu umwi.

Umbwilo 6:4

Alino kwiza imfwalasi yuze iyenzu. Wino uwakwezilepo wapilwe amaka akuleta ulwi mu nsi, pakuti antu yakomane. Wene wapilwe lupanga lukulu.