Mateo 24:5 - Amazwi Yakwe Leza 2013

⁵ Pano antu aingi yalizila mwi zina lyane nu kuti, ‘Nene ndi Katuula uwalavilwe!’ Yene yalaponzya antu aingi.

Mateo 24:5 Iomraidhean Croise

Yelemiya 14:14

Lyene Yawe aasuka ati, “Ala yakasema yayo yakusema sile vyaufi umwi zina lyane. Asi nene nayatumile, awe. Ntayapiile ilamulo lyakulanda nanti izwi lyonga kunoyali. Ala vilolwa vino yene yamusemela ivyaufi nu kusowela kwao ukwa vintu vyauwelewele sile vino yakalola.

Yelemiya 23:21

Yawe wavwanga wati, “Ntatumile yakasema yayo, lelo nanti cali vivyo yene yaile kweneko. Ntayanenyile nanti cimwi, lelo nalyo kwene yasemile mwi zina lyane.

Yelemiya 23:25

Yawe akuti, “Nuvwa mpiti vino yakasema yalya yakalanda, yayo akasemela mwi zina lyane. Cila wenga akati, ‘Nindota iciloto! Nindota iciloto!’

Yelemiya 37:9

Yawe wati, “Ala mutaisomba mwe eneco muti aina Asilya yatiyafumilila kunotuli. Ala yatafumililako foo.

Mateo 24:11

Na yakasema yaufi aingi yalaloleka nu kusomba antu aingi.

Mateo 24:24

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo vikulu ni vizungusyo kuti yaponzye na asololwe kwene ndi cingaya.

Yoane 5:43

Nemo nizila mwi zina lyakwe Tata, namwe musikunzengela. Muze ndi angiza mwi zina lyakwe na lwakwe, wene mulamuzengela.

Yoane 8:24

Acino nali namunena vino mulafwila mu maifyo inu. Pano ndi mutataile vino nene ali nene kwene, mulafwila mu maifyo inu.”

Yoane 8:28

Caleka Yesu ayanena ati, “Alala mwatumpula Mwana wa Muntu, lyene mulamanya vino ‘Nene ali nene kwene.’ Alino mulamanya vino nsyaicitila cimwi nenga, lelo nkavwanga sile vino Tata wanena kuti mvwange.

1 Yoane 2:18

Mwe ana yane impela ili pipi! Mwanenyilwe ukuti mwanisi wakwe Klistu aliza. Ndakai anisi aingi yakwe Klistu yaloleka mpiti. Acino twati tumanya vino impela ili pipi.

1 Yoane 2:22

Uzye lyene aweni uwa ntumpu? Uwa ntumpu umuntu ali wensi wino akati Yesu asi Katuula uwalavilwe. Uwakana Tata nu Mwana, wene ali mwanisi wakwe Klistu.

1 Yoane 4:3

Muntu ali wensi wino asizumila Yesu Klistu ala wene atakwata Mupasi kufuma kuli Leza. Mupasi uno wakwata wene wafuma ku mwanisi wakwe Klistu. Muvwile ukuti wene uliza, nga nu kwiza wiza mpiti nupya uli muno nsi.

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.