Mateo 23:13 - Amazwi Yakwe Leza 2013

¹³ “Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukayalila antu kunzi kuti yatingila mu Wene wa mwiyulu. Mweisikulu musyaingilamo nupya mukayalila yano akalonda kwingilamo. [

Mateo 23:13 Iomraidhean Croise

Luka 11:52

“Kalanda kunomuli mwe nkonkotela zya Masunde. Mwasunga imfungulo ino ikayula ku kumanya vya pali Leza. Mwemo mweisikulu mwaposiwa ukwingilamo, nga mukalesya yano akwezya ukwingilamo.”

Mateo 23:29

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mwakuulila yakasema malindi nu kuyemvya vipilala vya pa malindi ya antu aololoke.

Mateo 23:27

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukoline na malindi yano yatakasa nu mula kunzi yano kunzi yakaloleka ayembe, lelo mukasi kakweyo mwazula mafupa ya antu afwe nga ni vintu vyonsi viole.

Mateo 23:23

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukapela kuli Leza cikumi ca pa vilimwa vyonsi ivikanunkizya vyakulya vili wakwe kanyenze ni vinzali. Lelo mwatazyela vintu vikulu kuluta, vyamu Masunde wakwe vii. Upinguzi wa mulinganya, mizu nu ufuma cumi. Mulinzile mwacita vii vyonsi kwaula kutazyela vimwi.

Zakaliya 11:17

Kalanda kuli kacema wii ciwelewele ca muntu! Wene watatazyela imfwele! Maka yakwe yalasilila umu nkondo. Ikasa lyakwe liluuma liye na ndi, na manso yakwe yalapafula!”

Milimo 8:1

Na Saulo wazumilizye ukukomwa kwakwe Sitivini. Pa wanda kwene ulya iuvi mu Yelusalemu litandika kuzunyiwa cuze. Onsi ataila, yasalangana mu miputule yonsi yamu Yudeya nu mu Samaliya. Suka sile atumwa.

2 Timoti 4:15

Cenjela nu muntu wii, pano wene wakanyanga maka ilandwe lino twakosolanga.

Ezaya 33:14

Aikazi yamu Zioni yati yoofiwa, antu atamanya Leza yakuizakazila uku ntete. Yakulanda yati, “Mipingwile yakwe Leza yaya wa moto usita ukoca. Uzye aweni pali sweswe angapusuka ku moto wamusango ndi uo?

2 Timoti 3:8

Wakwe vino Yanesi na Yambulesi yalwisyanga Mose, vivyo kwene antu yaa yakalwisya cumi. Antu yaa a myenzo yaukakasi nu utailo wao usi uwa mpomvu.

Milimo 13:8

Lelo Elima, (Elima kuli kuti uwa malele), wene ayalesya ala akwezya ukucicintila mulasi kuti atataila Ilandwe Lisuma.

Milimo 5:40

Lyene yaama atumwa kwingila nga, yayuma vikoti, yayapeela ni lamulo kuti yatakezye nupya kuvwanga mwi zina lyakwe Yesu. Alino yaleka yapita.

Milimo 5:28

“Twamupile ilamulo nu kukonkomezya kuti kutaya umuntu umwi uwakusambilizya mwi zina lya muntu wii,” lelo “Lolini cino mwati mwacita! Mwati musalanganya usambilizyo winu mu Yelusalemu monsi, nga mukasi kuti sweswe tuye nu mulandu wa kukoma muntu kwene wii?”

Yoane 9:34

Nao yamunena yati, “We muno wavyalwa nu kukula mu maifyo, uzye ukwelenganya vino ungasambilizya sweswe?” Alino yamuzinga mu ng'anda ya mapepo.

Yoane 9:24

Afaliseo nupya yaama umuntu iila lyakwe ciili, wino uwali impafu, alino yamunena yati, “Lumbanya Leza! Twati tumanya vino umuntu wino watakupozya wene akaifya.”

Yoane 9:22

Akwasi yakwe yavwanzile cii pano yoofile intunguluzi zya Ciyuda pano ala zyazumilizyanya ukuti, wensi amataila vino Yesu ali Katuula, wene amazingwa mu ng'anda ya mapepo.

Mateo 23:25

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mwemo mukafula ingako ni mbale kunzi, lelo mukasi zizilemo vintu vino mwapoka mu ukakasi nu kuitemwa.

Mateo 3:7

Lelo lino walola Afaliseo na Asaduki aingi yakwiza kuno wawatizyanga, ayanena ati, “Mwe ana ya nzoka mwe! Uzye aweni uwamucelula kuti muutuke ukali wakwe Leza uno ukwiza?

Mateo 23:16

“Kalanda kunomuli mwe ntunguluzi mpafu! Mukasambilizya ukuti umuntu ndi walapa mwi zina lya Ng'anda ikulu yakwe Leza, wene atalinzile kufikilizya mulapo wakwe. Lelo mukalanda ukuti umuntu ndi walapa mwi zina lyakwe zaabu wamu Ng'anda ikulu yakwe Leza, wene alinzile afikilizye mulapo wakwe.