Mateo 22:4 - Amazwi Yakwe Leza 2013

⁴ Nupya atuma aomvi yauze ayanena ati, ‘Pitini, kanenini yao amilwe ukuti nati nteyanya cimulo. Nati nkoma tucipambasi twine nupya tunone. Vintu vyonsi vyati viteyanyiziwa. Izini ku cimulo ca winga.’

Mateo 22:4 Iomraidhean Croise

Neemiya 9:17

Ivikana ukuyela, iviilila ni vinjelengwe vino wacisile apakasi kao. Vyumalala imyenzo nu kusolola intunguluzi yakuyaswilizya mu uzya ku Eguputo. Lelo wewe Leza wa luse, uwa cikuku na mizu, asisoka zuwa. Amizu yako akulu. Acino wemo utayatazyezile.

Masamu 86:5

We Yawe, wemo wewe musuma, nupya ukayelela uluse, wakwatisya nu luse kuli yonsi akakupepa.

Mapinda 15:17

Imbale ya musalu pamwi ni citemwiko, yazipapo ukuluta ing'ombe yamanona nu lupatopo.

Lwimbo lwakwe Solomoni 5:1

We mutemwikwa wane, nawinga wane, ala nemo natimfika mu calo cane. Nkuzombola usule wane ni vintu vyane vya mununko usuma. Nkulya uci wane na nacisenga wane uwa uci. Nkumwa waini wane ni ziya lyane. Mwemuno mwakundana, lyangini nu kumwa. Mwemuno mwakundana mwangini sile wakwe cimwi.

Mateo 21:36

Nupya aca atuma aomvi yauze aingi. Lelo nao kwene yayacita cili conga.

Mateo 22:5

Lelo yao amilwe yatiisileko mano. Yamwi yaya ku vyalo vyao nga na yamwi yaya ku milimo yuze ya uculuzi.

Mateo 22:8

Alino anena aomvi yakwe ati, ‘Cimulo ca winga cati citeyanyiziwa, lelo yao amilwe yatasakamile ukwiza.

Luka 14:17

Lino nsita yafisile iya cimulo, atuma muomvi ku kunena amilwe ati, ‘Izini, pano vyonsi viteyanye.’

Milimo 1:8

Lelo lino Mupasi Wamuzilo aliza panomuli, mulazuziwa na maka, mulaya yakambone yane mu Yelusalemu, mu Yudeya na monsi mu Samaliya, nga nu kufika na kuno insi yapela.”

Milimo 13:46

Lelo Paulo na Banaba yavwanga nu kupama yati, “Cali campomvu kuti tutandikile kukosola mazwi yakwe Leza kunomuli. Lelo pakuti mwayakana nu kuipingwila vino mutalingine kuya nu umi wape, swemo tumamusya nu kuya ku Akulukuwa.

Loma 8:32

Cumi Leza atakanyizye kufima Mwana wakwe, lelo wamupile pamulandu witu swensi! Vino wene watupile Mwana wakwe, uzye lyene atalatupela vintu vyonsi uwila?