Mateo 22:3 - Amazwi Yakwe Leza 2013

³ Alino atuma aomvi yakwe kuli yano amilwe, ku kuyanena kuti iize ku cimulo ca winga. Lelo nao yakana kwiza.

Mateo 22:3 Iomraidhean Croise

Masamu 68:11

Yawe wakonkomizye na ana yakwe, inkombe zyakusalanganya amazwi iziti,

Ezaya 30:15

Ala nemo ne Leza Wamuzilo wakwe Izlaeli, nkumunena mwe antu nati, “Welulukini sile kunondi. Mwamfukilila ningo. Lyene alino mumakwatanga amaka nu kwikala mumaikala ukwaula kusakamala nanti cimwi.” Lelo mwemo vivyo avino mukakana.

Yelemiya 25:4

Mutali akuti munguvwa nanti ukusumbako amano nanti angala Yawe watwalililanga kumutumila aomvi yakwe yakasema.

Yelemiya 35:15

Kwaula nu kutonta nkamutumila lili lili aomvi yane, yakasema akamunena ukuti mufuntuke cila wenga ku nzila zinu ziipe, muzifye ni vicitwa vinu. Mutalondela tuleza tuze utuluwi nu kututumikila, pakuti muce mwikale mu mpanga ino napiile kuno muli nu ku vikolwe vinu. Lelo mwemo mutuvwile kunondi nanti panono.

Oseya 11:2

Lelo lino natwalilile ukumwama, nawe alunduluka ukufuntuka kunondi. Apeela ni mpolelwa kuli Baali nga nu kocela ubani amaunkolanya yayo.

Oseya 11:7

Antu yane yakonkowezya ukumfutatila. Acino yene yalakuuta pamulandu wi koli ilili pano yali nga lelo kusi nanti umwi alayafumizya.

Zefaniya 1:7

Mwikale cele pa manso yakwe Yawe Simwandalali! Pasi pano uwanda wakwe Yawe wati upalama. Yawe wateyanya impolelwa. Wene wapaatula antu yano waama.”

Mateo 21:34

Lino nsita yakuzombola yafisile, atuma aomvi yakwe ku alimi kuti yakatole mulingo wakwe uwa vizao vya matingi.

Mateo 23:37

“Mwe antu amu Yelusalemu, Yelusalemu! Mwakoma yakasema nu kutama na mawe inkombe zino Leza watuma kunomuli. Amaila yanga yano nalondanga kumufukatila, wakwe vino nyinankoko akafukatila ana mu maapa yakwe, lelo mutanzumilizya!

Mateo 3:2

akuti, “Zenzukini, pano Wene wa mwiyulu wati upalama pipi.”

Mateo 9:15

Yesu aasuka ati, “Uzye asukilizi ali pa cimulo ca winga yangikala akungumale lino yali pamwi na siwinga? Citangaya vivyo! Lelo manda yaliza lino siwinga alasendwa kufuma pano yali, lyene alino yalaizilizya ukulya.

Luka 13:34

“Mwe antu amu Yelusalemu, Yelusalemu! Mwakoma yakasema nu kutama na mawe inkombe zino Leza watuma kunomuli. Amaila yanga yano nalondanga kumufukatila, wakwe vino nyinankoko akafukatila ana mu maapa yakwe, lelo mutanzumilizya!

Luka 15:28

Silenzi asoka cakuti akana nu kwingila mu ng'anda. Caleka isi afuma, amupapata kuti aingile.

Luka 19:27

Lelo anisi yane yano atalondanga kuti inje mwene wao yaletini kuno nu kuyakoma pa manso yane.’”

Yoane 5:40

Lelo nalyo kwene mwemo mutakasi kwiza kunondi kuti muye nu umi wape.

Milimo 13:45

Lino Ayuda yalola wingi wa antu, yuvwa uzuwa cuze, yalanda mazwi ya miponto akukanya vino Paulo wavwanganga.

Loma 10:21

Lelo pamulandu wa ina Izlaeli Leza wavwanzile ati, “Uwanda onsi nakonzolwile makasa yane kuti nzengele antu atalame nupya akansangukila.”

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?

Ayebulai 9:15

Pamulandu kwene uu, Klistu ali muntu wakukundanya antu na Leza mu upangano upya pakuti yao yano Leza waama yangapokelela upolelelo wape uno Leza walavile. Cii cingacitwa pamulandu wakuti Klistu wafwile, ni mfwa yakwe ikakulula antu ku maifyo yano yacisile lino upangano wankolelo waombanga.

Umbwilo 22:17

Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.

1 Samueli 9:13

Lino mumaingila mu musumba mumamuzana ale atacili aye pa kavuwa pa mwamba ku kulya. Antu yatangatandika ukulya lino wene atacili waya kweneko, pano wene alinzile apolelele impolelwa lino yao amilwe yatali yalye. Fwandi pitini mutumbele umwamba, nga mumaya mukamuzane likwene.”