Mateo 21:5 - Amazwi Yakwe Leza 2013

⁵ “Nenini antu amu musumba wa Zioni muti, ‘Lolini, Mwene winu akwiza kunomuli! Wene umufuke, nupya akwezile pali punda. Wene akwiza nupya akwezile pali mwana punda.’ ”

Mateo 21:5 Iomraidhean Croise

Utandiko 49:10

Intuwa ya wene ilikala mu makasa yakwe Yuda amanda pe, nga na amu mupanda wakwe yalateeka amanda pe. Inko zilaleta vya mawila kunoli. Nga yalamuvwila nu kumufukamila.

2 Samueli 16:2

Umwene Davidi auzya Ziba ati, “Uzye vivyo vyonsi ivyacani?” Ziba nawe aasuka ati, “Yapunda akupitapo aluko lwako we musambazi, imikate ni viseekwa ivyakulya aonsi, na waini uwakuti yamwe lino yatonta mu lwanga.”

1 Yamwene 1:33

ayanena ati, “Sendini intunguluzi zyane izya mwi tengo. Muleke Solomoni umwana wane akwele nu kupita pa nyumbu yane kololo, nga mumusukilile mutentemukile ku kafukoka ka Giooni.

1 Yamwene 10:26

Acino Solomoni akwata amaceleta ni mfwalasi. Amaceleta yayo yali izimbi lyonga ni myanda ini (1,400), nga imfwalasi nazyo yali amazimbi ikumi na yaili (12,000). Vyonsi vii wavisile uku Yelusalemu nga nu mu misumba yuze ipusanepusane.

Masamu 9:14

apakuti ningimilila inkolelo ya antu amu Yelusalemu nu kuyanena ivintu vyonsi vino nkakulumbanyizizyapo. Namazanga pano wemo wantuula.

Ezaya 12:6

Pundisyini nu kwimbila ni nsansa, mwe antu aku Zioni, pano Wamuzilo wilya waku Izlaeli wene umukulu pakasi kinu.”

Ezaya 40:9

Kwela apapela apa mwamba utali, we nkombe yakwe Yelusalemu. Yanga kasalanganye ilandwe lisuma! Usanzule ni izwi apa kusalanganya ilandwe lya nsansa mu Zioni. Utoopa foo apa kusanzula izwi, unene imisumba ya Ayuda uti, “Leza winu awiyo akwiza.”

Ezaya 62:11

Yawe akulaizya ku mitundu yonsi, mpaka nu kumpela yansi ati, “Nenini umukazyana mwana Zioni muti, Katuula wakwe awiyo akwiza. Ali ni cilambu ca kucimvya kwakwe, watakolezya ni visampwe vyakwe.”

Ezekelo 34:24

Nemo ne Yawe ndaya Leza wao, nu muomvi wane Davidi aliwe alayatungulula. Ivyalanda ne Yawe.

Ezekelo 37:24

Umuomvi wane Davidi aliwe alaya umwene wao. Yonsi kwene yalateekwa kuli kateeka wenga sile. Yalatontela na masunde yane ukwaula untelengu.

Oseya 1:7

Lelo nanti cili vivyo nemo ndatemwa amu mutundu wakwe Yuda, nupya ndayatuula uku maka yane, ne Yawe Leza wao. Ntalayatuula apakuomvya ulapwa, nanti amalupanga, nanti mfwalasi na asilika akakwela pa mfwalasi, ndi vino cikaya apakulwa inkondo, awe.”

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Mpendwa 24:19

Uluko lwa Izlaeli lulayalyatola Nu kulovya anisi asile kweneko.”

Mateo 11:29

Zwalini ikoli lyane, musambilile kunondi, pano nene wa mutembo, nupya nkaicefya mu mwenzo, nga mumazana upuzo mu myenzo inu.

Mateo 2:2

Alino yuzya yati, “Uzye wino watavyalwa nupya wino alaya Mwene wa Ayuda ali kwi? Pano twaweni lutanda ku ufumondaka, lwatumanyisya kuvyalwa kwakwe, nga twiza ku kumupepa.”

Mateo 2:6

‘Nawe Betelemu, mu mpanga yakwe Yuda, Usi munono muli yakateeka yakwe Yuda. Pano munuli mulafuma intunguluzi, ino ilaya akateeka wa antu yane aina Izlaeli.’ ”

Mateo 21:6

Alondezi yapita, yaya yacita vino Yesu wayanenyile.

Luka 24:27

Lyene Yesu ayalondolwela vyonsi vyaya mu mpapulo zyakwe Mose na yakasema, pamulandu wakwe umwisikulu.

Yoane 1:49

Natanaeli avwanga ati, “Kasambilizya wewe Mwana wakwe Leza! Wewe Mwene wa Izlaeli!”

2 Kolinto 10:1

Ne Paulo, nkumupapata, ne muno antu yakati nene cantete lino ndi namwe, lelo mupame lino nsi namwe. Kupitila mu ufuke nga nu luse lwakwe Klistu nkumupapata

Malango 17:16

Umwene atalinzile ukukwata imfwalasi zivule wakwe cimwi, nanti ukuleka antu yaswilile ku Eguputo ukuya kala imfwalasi nazyuze, pamulandu wakuti Yawe walanda ukuti antu yakwe yataca yezye ukuswilila ku Eguputo nupya.

Yakapingula 12:14

Wene wakweti ana aonsi amakumi yani na izikulu amakumi yatatu, nga cila wenga pali yaa wakwelanga pali punda wakwe umwisikulu. Abidoni watungulwile aina Izlaeli pa myaka cinani.

Yakapingula 5:10

Si simikini mwemuno mukakwela pa mfwalasi zitiswe nu kwikala pa vikalilo vyao vino yanzika na mwemuno mukapita mu museo pa ngazo, elenganyini pali cii.