Mateo 21:11 - Amazwi Yakwe Leza 2013

¹¹ Antu amwi umba yaasuka yati, “Wi ali kasema, Yesu uwaku Nazaleti, ku Galile.”

Mateo 21:11 Iomraidhean Croise

Mateo 2:23

Alino aya ikala mu musumba wa Nazaleti, kuti cifikiliziwe cino Leza wavwanzile kupitila muli yakasema, ati, “Alaamwa mwikazi uwamu Nazaleti.”

Mateo 21:10

Lino Yesu wingila mu Yelusalemu, mu musumba onsi mukaya na see. Alino antu yaauzya yati, “Uzye wii aweni?”

Mateo 21:26

Nupya tutangati, ‘Wafumizye ku antu!’ Swemo tukoopa antu pamulandu wakuti yene yasininkizya vino Yoane wali akasema.”

Mateo 21:46

Lyene yalonda nzila yakumulemelamo, lelo yoopa iumba pano antu yataile vino Yesu akasema.

Mako 6:15

Yamwi yavwanga yati, “A Eliya.” Yamwi nao yavwanga yati, “A wenga wamuli yakasema yampiti.”

Luka 13:33

Lelo uwilelo na mutondo, nu wanda walondelela, ndinzile ntwalilile nu ulendo wane. Pano citaine kuti kasema akomwe kuze suka mu Yelusalemu.

Luka 24:19

Nawe amuuzya ati, “Uzye vintu ci?” Nao yaasuka yati, “Vintu vyacitikile Yesu uwaku Nazaleti. Uwali a Kasema wa maka mu vicitwa nu mu mazwi pa manso yakwe Leza nga na pa manso ya antu onsi.

Luka 7:16

Onsi yuvwa intete, yalumbanya Leza yati, “Kasema mukulu wataloleka pakasi kitu! Leza wataiza ku kwazwa antu yakwe!”

Luka 7:39

Lino Mufaliseo uwamwamile walola cii, aivwanzya umwisikulu ati, “Ndu muntu wii akasema, wange amanye umwanaci wii akumukumya. Wange amanye nu musango wa umi wa ukakasi uno waya nao, pano wene wali a cizelele.”

Yoane 1:21

Nao yamuzya yati, “Uzye lyene wewe weni? Uzye wewe Eliya?” Nawe aasuka ati, “Asi nene Eliya.” Nao yamuzya yati, “Uzye ale wewe kasema wino tukalolela?” Nawe aasuka ati, “Awe.”

Yoane 1:25

yuzya Yoane yati, “Uzye wemo ndi usi Katuula uwalavilwe, nanti Eliya, nanti kasema wino tukalolela, pacani ukawatizya?”

Yoane 4:19

Umwanaci amunena ati, “Musambazi, lyene namanya vino wewe kasema.

Yoane 6:14

Caleka lino antu yalola cilangililo cino Yesu wacita yavwanga yati, “Cumi wii ali kasema wino malembelo yakati ali nu kwiza!”

Yoane 7:40

Caleka yamwi mwi umba lino yuvwa mazwi yaa, yati, “Umuntu wii akasema mu cumi!”

Yoane 9:17

Caleka nupya kwene Afaliseo yuzya umuntu uwali mpafu yati, “Wemo wavwanga vino wali wakupozya ku upafu wako. Uzye lyene wemo ukuti uli pa muntu wii?” Nawe aasuka ati, “A kasema.”

Milimo 7:37

Mose uwanenyile aina Izlaeli ati, ‘Leza alamutumila Kasema, wakwe vino wantuma, alaya uwa muli mwemwe kwene.’