Mateo 2:8 - Amazwi Yakwe Leza 2013

⁸ Alino ayanena ati, “Yangini ku Betelemu mukalondelezye ningo pamulandu wa mwana wilya. Lino mwamuzana mwize munene zuwazuwa kuti nani kwene nkaye nkamupepe.”

Mateo 2:8 Iomraidhean Croise

2 Samueli 17:14

Alino Abusalomu na ina Izlaeli yonsi yavwanga yati, “Umpandamano wakwe Husyai umwina Aliki wazipa ukuluta wakwe Aitofeli.” Pasi pano Yawe akweti ipange lya kuvulunganya umpandamano wakwe Aitofeli kuti alete uzanzo pali Abusalomu.

1 Yamwene 19:2

Fwandi Yezebele muka Aabu nawe pali pakutuma inkombe kuli Eliya kuti zikamunene ziti, “Icumi nalapa yakatai yandepule! Mutondo pa nsita ndi ikwene, indi nu kucita kuli wewe umusango uli umwi kwene nga uno wacitile yakasema.”

Mapinda 21:30

Amano, ukwiluka kwa vintu, nanti ukupandwa amano, vii vyonsi ivya ciwelewele sile ndi cakuti visikulola kuli vino Yawe akalonda.

Nyimbo zya ndosya 3:37

Uzye aweni angalandapo cimwi nu kucitika cicitike, ndi cakuti Umwene aliwe atakasi?

Mateo 2:1

Pacisila lino Yesu wavyalwa mu musumba wa Betelemu mu Yudeya, mu manda yalya lino Helodi wali umwene, antu yamano amanyanga vintu mu kusambilila pa ntanda yafuma ku ufumondaka, iiza ku Yelusalemu.

Mateo 2:7

Lyene Helodi aama antu yamano yalya kumbali ayauzya ningo mu nkama insita lino lutanda lwalolike.

Mateo 2:9

Pacisila lino antu yamano yuvwa ku mwene yapita. Nu lutanda luno yaweni ku ufumondaka luyakolelela luya lwimilila papela pano mwana wali.