Mateo 2:13 - Amazwi Yakwe Leza 2013

¹³ Lino antu yamano yaswilila kumwao, mungeli wa Mwene aloleka kuli Yosefu mu ciloto amunena ati, “Katuka, senda mwana na nyina utukila ku Eguputo. Kikale kweneko kufika lino ndakunena, pano Helodi amalondelezya ukuli mwana wiyo kuti amukome.”

Mateo 2:13 Iomraidhean Croise

1 Yamwene 11:17

Lelo Hadadi apuukila ku Eguputo pamwi ni nkombe zimwi zya ina Edomu, zizyo izyatumike isi. Pa nsita iyo Hadadi wali umwana munono.

1 Yamwene 3:5

Kuku kwene ku Gibyoni, Yawe pali pakulolekela kuli Solomoni usiku mu ciloto. Yawe pali pakumunena ati, “Lenga cino ungatemwa kuti inkupeele.”

Yobo 33:15

Leza akalandila antu umu viloto numu vilolwa vya usiku, lino yatiyalala nu kukasula utulo pa misanzi yao.

Yobo 33:17

Ali pakuti ayafuntusye uku micitile iipe, nu kucefyanya icilumba kunoyali.

Kufuma 1:22

Pa kusyalikizya umwene wilya apeela ilamulo ku antu yakwe yonsi ati, “Mwana wensi umonsi uwavyalwa ku Ayebulai alinzile asumbwe mu Luzi lwa Nailo. Lelo ana yao yakaci yonsi muyata sile.”

Mateo 1:20

Lelo lino acili akwetetwila cii, mungeli wa Mwene aloleka kunoli mu ciloto amunena ati, “Yosefu, uwamu mupanda wakwe Davidi, utaya na ntete zya kutwala Maliya ukuya muci wako. Pano watasenda indilwa kupitila mu maka yakwe Mupasi Wamuzilo.

Mateo 10:23

Lelo lino antu amu musumba umwi yamucuzya, utukilini ku musumba uze uli pipi na kuko. Cumi namunena vino mutalamala kuomba milimo mu mizi yamu Izlaeli lino Mwana wa Muntu atali kuti aiize.

Mateo 2:12

Lyene lino yacelulwa na Leza mu ciloto kuti yataswilila kuli Helodi, yapita museo uze kuya ku mpanga ya kumwao.

Mateo 2:14

Caleka Yosefu akatuka usiku atoola mwana na nyina, nga apita ku Eguputo.

Mateo 2:16

Lyene Helodi lino wamanya vino antu yamano yamutumpoka asoka cuze, atuma asilika yamwi ku kukoma ana yonsi aonsi ali ni myaka iili ya kuvyalwa nu kwiza pansi, ali mu Betelemu nu mu ncende izyapalime. Cii cali kulingana na vino antu yamano yamunenyile pamulandu na kasita, lino yaweni lutanda.

Mateo 2:22

Lelo lino uvwa vino Akelao akuteeka mu Yudeya mu cifulo cakwe isi Helodi, aoopa kuyako, lino yamusoka mu ciloto, apita aya ku muputule wa mpanga ya Galile.

Milimo 10:22

Yaasuka yati, “Konelio musika wa vita watatutuma. Wene umuntu musuma wino akaoopa Leza, nga na Ayuda yamucindika cuze. Mungeli wa Mwene wamunenyile kuti akwame ku ng'anda yakwe, pakuti akuvwe cino waya vwanga.”

Milimo 10:7

Lyene mungeli uwalandananga nawe apita, nga Konelio aama aomvi yakwe yaili nga nu musilika. Musilika wii a wenga wamuli yao amutumikilanga nupya wali umuntu uwacitanga viine na ukapepa.

Milimo 12:11

Lyene lino Petulo walooka icamucitikila, avwanga ati, “Ndakai namanya vino icacumi! Mwene wali watuma mungeli wakwe ukwiza mpususya kufuma ku maka yakwe Helodi nu ku vintu vino Ayuda yapanzile kucita kunondi.”

Milimo 12:7

Mu kupumikizya mungeli wa Mwene aiiza aimilila, nu luswepo luyengesa mu muputule wa ng'anda yaminyololo. Mungeli atensya Petulo pa ciye, amuzyula nga amunena ati, “Pitisya! Katuka!” Papo kwene minyololo ilukuta ku makasa yakwe Petulo.

Milimo 16:36

Caleka kalinda uwamu ng'anda yaminyololo anena Paulo ati, “Yakapingula ya milandu yati yatuma ilamulo lyakuti wewe na Sailasi mupite. Caleka fumini, mupite ulumi.”

Milimo 5:19

Lelo usiku kwene ulya mungeli wa Mwene ayula visasa vya ng'anda yaminyololo, nu kufumya atumwa, ayanena ati,

Milimo 7:19

Wene wali nu usomvi pa antu itu, nupya wali nu uluku kunoyali, nu kuyapatikizya kuti yasumba utwana twao kuti twafwa.

Yoswa 3:13

Nga zuwazuwa lino yasimapepo asenzile Mbokosi ya Upangano yakwe Yawe, umwene wa nsi yonsi yalyata mu Luzi lwa Yodani, amanzi yaluko yano yakukonkolokela ukwisika yalaputulwa nga yatulumane pamwi.”

Yoswa 3:17

Yasimapepo asenzile Mbokosi ya Upangano yakwe Yawe yimilila silili pa musili uume apakasi ka Luzi lwa Yodani, nga aina Izlaeli yonsi yala yakulamba, mpaka uluko lonsi ilulamba.

Yoswa 4:10

Lyene yasimapepo asenzile Mbokosi ya Upangano yasyala yaimi apakasi ka Luzi lwa Yodani mpaka ukufika lino antu yamala kufikilizya vyonsi vino Yawe wapeezile Yoswa ilamulo kuti yacite, wakwe vivi kwene vino Mose wanenyile Yoswa. Antu iyacincila ukulamba,

Yoswa 4:18

Lino sile yasimapepo yalya asenzile Mbokosi ya Upangano yakwe Yawe yacifuma ukunzi ku cituntu ca Luzi lwa Yodani, uluzi nupya ilutandika ukupita nu kusambela monsi wakwe vino cali inkolelo.

Umbwilo 12:14

Mwanaci wapilwe maapa yaili yakwe lyang'anda kuti apapuke aye ku ncende yakwe mu lwanga. Mu amuno alasungwa ningo pa myaka itatu na citika, ukoopa kuti cizoka cingamonona.

Umbwilo 12:4

Cene caomvizye musinda pa kukuwa ciputulwa conga mu viputulwa vitatu vya ntanda, icizifumya mwiyulu nu kuzisumba pano pansi. Cizoka cii caimi nkolelo ya mwanaci pakuti cilye umwana wakwe zuwazuwa lino wavyalwa.

Umbwilo 12:6

Mwanaci nawe autukila ku lwanga, ku ncende ino Leza wamuteyanyizizye kuno wasunzilwe pa manda izimbi lyonga myanda iili na makumi mutanda (1,260).