Mateo 18:8 - Amazwi Yakwe Leza 2013

⁸ “Ikasa lyako nanti kulu lyako ndi lyakulenga ukwifya liputule, nu kulisumba. Cakuzipila ukwingila mu umi na makunkutu nanti ulema, kuluta ukuya na makasa yaili nanti amakulu yaili nu kusumbwa mu Gehena.

Mateo 18:8 Iomraidhean Croise

Ezaya 30:22

Utuluwi twinu tuno yapomela na siluva, na tuno yapomelela na zaabu mulatutoola nu kutusumba ungati avino yakasumba usaali, ala mukuti, “Yangini ukutali mwe vintu vya ciwelewele mwe!”

Ezaya 33:14

Aikazi yamu Zioni yati yoofiwa, antu atamanya Leza yakuizakazila uku ntete. Yakulanda yati, “Mipingwile yakwe Leza yaya wa moto usita ukoca. Uzye aweni pali sweswe angapusuka ku moto wamusango ndi uo?

Ezekelo 18:31

Tiini iviipe vyonsi vyampiti. Senulini amano inu ni myenzo inu. Uzye icani cino mwe ina Izlaeli mungalondela ukufwila?

Mateo 17:27

Lelo pakuti tutaya nu mulandu kunoyali, yanga kuli yemba, usumbilemo iswelo. Utoole inswi ino umatandika ukuswela, uyasamule mulomo, nga umazanamo lupiya. Utoole ulupiya lulo ukalipe musonko witu sweili.”

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

Mateo 25:46

Lyene antu yaa yalavunukwa manda pee, lelo antu akacita ivyawololoke yalaya nu umi wape.”

Luka 14:33

Mu musango uli onga, namunena vino pasi umwi uwa munomuli angaya mulondezi wane, suka wasya vyonsi vino akweti.”

Luka 16:24

Lyene alaizya ati, ‘Tata Abulaamu, uye na mizu panondi, untumile Lazalo atimpike insongo ya munwe wakwe mu manzi kuti aiize azusye ululimi lwane. Pano nkucula cuze mu moto uu.’

Loma 13:12

Usiku uli pipi nu kusila, nu wanda uli pipi nu kuca. Caleka tute kucita milimo yamu mfinzi, tuzwale vya kulwila mu luswepo.

Umbwilo 14:10

wene alamwa waini wa ukali wakwe Leza. Waini wa cipyu cakwe wino wapongolwela mu lwako ulwa ukali wakwe ukwaula kucefiwa maka. Wene alasumbwa nu kupya mu moto na maluti pa manso ya angeli yakwe Leza nu Mwana wa Mfwele. Wene alasumbwa mu moto na maluti pa manso ya angeli amuzilo nu Mwana wa Mfwele.

Umbwilo 20:15

Wino wensi atalemvilwe izina lyakwe mu lupapulo lwa umi wene wasumbilwe muli yemba wa moto.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”