Mateo 14:8 - Amazwi Yakwe Leza 2013

⁸ Lyene nyina anena mwana ati, “Yanga kamulenge uti, ‘Umpeele ndakai kwene umutwe wakwe Yoane Kawatizya pa mbale.’ ”

Mateo 14:8 Iomraidhean Croise

1 Yamwene 18:13

Uzye watala uvwa ukuti lino Yezebele wakomanga yakasema yakwe Yawe nemo nafisile yakasema yamwi umwanda onga mu macele? Umwi cele lyonga mwali yakasema amakumi yasano, nu mulyuze namo amakumi yasano. Nupya anene nayatwalilanga ivyakulya na manzi.

1 Yamwene 18:4

Lino Yezebele wakomanga yakasema yakwe Yawe, Obadiya watozile yakasema yamwi ukulingana nu mwanda onga nga ayafisa mu macele yaili. Wene wafisile yakasema amakumi yasano mwi cele lyonga, nayauze amakumi yasano ayafisa mwi cele lyuze, nga ayapeela ivyakulya na manzi.)

1 Yamwene 19:2

Fwandi Yezebele muka Aabu nawe pali pakutuma inkombe kuli Eliya kuti zikamunene ziti, “Icumi nalapa yakatai yandepule! Mutondo pa nsita ndi ikwene, indi nu kucita kuli wewe umusango uli umwi kwene nga uno wacitile yakasema.”

2 Yamwene 11:1

Walanga Ataliya nyina wakwe Aaziya walola ukuti umwana watafwa, nawe ali pakupeela ilamulo lyakukoma antu yonsi akazi ka mwene.

Ezila 1:9

Impendwa ya viya vyatantikwe ndi vii: imbale zyakwe zaabu zyali amakumi yatatu (30), imbale zyakwe siluva zyali izimbi lyonga (1,000), utumbale tuze nato twali amakumi yaili na fundimbali (29).

Mapinda 1:16

Pano yene yakasimwilila uku kwifya, nu kukalaukila uku kuzwisya uwazi.

Mapinda 29:10

Antu akazwisya uwazi yapata umuntu wakaele. Lelo aololoke yene, yakasakamala umi wakwe.

Mpendwa 7:13

Uwila wakwe, walesile imbale yonga yakwe siluva iyanyomile kulingana na kilogalamu wenga na citika. Alino aikapo ni mbakuli yakwe siluva iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke ningo utikinkanye na mafuta pakuti yangiza yavipeele wa wila wa cakulya.

Mpendwa 7:19

Uwila uno wene walesile wali imbale yonga yakwe siluva iyanyomile kulingana na kilogalamu wenga na citika, ni mbakuli yonga iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke ningo utikinkanye na mafuta pakuti yangiza yavipeele wa wila wa cakulya.

Mateo 14:11

Lyene yaleta umutwe pa mbale, yaupeela ku mukazyana, nawe autwala kuli nyina.

Mateo 14:7

cakuti amulaya nu mulapo ati, “Nalaya nu mulapo ukuti namakupeela consi cino umalenga!”

Mateo 14:9

Cii, calenzile mwene kuya nu ulanda cuze. Lelo pamulandu wa mulapo wakwe uno wacisile pa manso yakwe yao amilwe ku cimulo, apeela ilamulo ku yaomvi yakwe kuti yapeele mwana cino akulonda,

Mako 6:24

Mukazyana afuma aya auzya nyina ati, “Uzye namalenga cani?” Nyina amunena ati, “Kalenge umutwe wakwe Yoane Kawatizya.”

Mako 6:25

Mukazyana aswilila zuwa ku mwene, amulenga ati, “Nkulonda umpeele ndakai kwene umutwe wakwe Yoane Kawatizya pa mbale!”

Mako 6:28

Alino auleta pa mbale nu kuupela ku mukazyana, nawe aupela kuli nyina.