Mateo 13:3 - Amazwi Yakwe Leza 2013

³ Alino ayanena vintu vingi mu milumbe ati, “Uvwini! Kwali kata wa mbezu uwaile ku kuta imbezu.

Mateo 13:3 Iomraidhean Croise

Masamu 49:4

Nemo nkuma sile umulumbe, nu kuulwila umwi zeze.

Masamu 78:2

Nemo namamunena kuno ivyampiti vyalola, nu kumulondolwela intazi ino vyakwata,

Ezekelo 17:2

“We mwana wa muntu, umila aina Izlaeli umulumbe uu,

Ezekelo 20:49

Nga nani ali pakwasuka inti, “Yawe Simwandalali, antu yakalanda kunondi yati, ‘Umuntu wiyo akauma sile imilumbe!’ ”

Mika 2:4

Mu wanda ulya antu yalamutumfya. Yene yalamusoweka, mu lwimbo luu ulwa ndosya yati, ‘Twatitononwa ukumalilika. Impanga ino Yawe watwankanya, nayo kwene yatiyaipoka! Ivyalo vitu wavyankanya kuli yao atusenzile mu uzya.’

Habakuku 2:6

Lelo yao ati yalemwa yalamutumfya nu kumusausya pakuvwanga yati, ‘Kalanda kuli wino akaikolonganikila icuma cakwiya, wiyo akalonkela umu nkongole zya umfisolo. Uzye wene alatwalilila ukufika lilaci?’ ”

Mateo 13:4

Lyene lino akuta, imbezu zimwi ziponela mu nzila, ni vyunyi viiza vizikompa.

Mateo 13:53

Lino Yesu wamala kuyanena milumbe ii yonsi, afuma kweneko,

Mateo 22:1

Nupya Yesu avwanga kunoyali mu milumbe ati,

Mateo 24:32

“Sambililini pa musamvu. Lino misambo yakweo yatandika kulemba na mafwa yalelema mukamanya vino cisiku capalama.

Mako 12:1

Lyene Yesu avwanga kunoyali mu milumbe ati, “Kwali umuntu uwalimile icalo ca matingi apindila ni cimpinda. Lyene aimbamo ni ciwina cakufenelamo matingi, nga akuula nu lupungu. Alino apanzisya icalo cakwe ku alimi nga apita ku mpanga ya kutali.

Mako 12:12

Yasimapepo akalamba, yakasambilizya ya Masunde na aikolo yalondanga inzila yakulemelamo Yesu pano yamanyile vino wayasyentekanga mu mulumbe. Lelo yoopa iumba, alino yamusya yapita.

Mako 3:23

Alino Yesu ayaama kuti iize kunoli nga ayanena mu milumbe ati, “Uzye Ciwa angafumya Ciwa uli?

Mako 4:13

Lyene Yesu ayauzya ati, “Ndi mutamanyile mulumbe uu, uzye lyene mulamanya uli milumbe yuze yonsi?

Mako 4:33

Mu milumbe iingi wakwe uu, amuno wakosolanga mazwi yakwe Leza kunoyali, kulingana vino yangiluka.

Luka 12:41

Petulo amuuzya ati, “Mwene, uzye mulumbe uu uli pali sweswe, nanti uli pali onsi?”

Luka 8:10

Yesu nawe ayanena ati, “Mwemo mwapelwa amano ya kumanya nkama zya Wene wakwe Leza. Lelo yano asyala yene yakauvwila mu milumbe, pakuti, yangalola lelo yatangailuke nu kuvwa yanguvwa lelo yatangamanya ningo.

Yoane 16:25

“Vintu vii nkamunenela mu milumbe. Lelo kasita kakwiza lino ntalamunenela mu milumbe, lelo ndamunena paswe vya pamulandu na Tata.