Mateo 13:12 - Amazwi Yakwe Leza 2013

¹² Pano wino wensi akweti wene alapeelwa navyuze, na wino wensi atakweti cimwi nawe alapokwa nu tunono tuno akwelenganya kuti akweti.

Mateo 13:12 Iomraidhean Croise

Mateo 21:43

“Caleka namunena vino isyuko lya kuya mu Wene wakwe Leza lilapokwa kufuma kunomuli nu kupelwa ku antu yauze, yano alacita milimo ino akalonda.” [

Mateo 25:29

Pano wensi akweti cimwi wene alapeelwa navyuze, nga alakwata vingi kuluta. Lelo wino wensi atakweti cimwi, nawe alapokwa na cino akwelenganya kuti akweti.’

Mako 12:9

Yesu auzya ati, “Uzye lyene, umwine wa calo ca matingi alacita uli? Aliza akome apanzi yao nu kupeela icalo ca matingi ku apanzi yauze.

Luka 10:42

Lelo cikulondekwa sile cili conga. Maliya watasolola icintu campomvu, nupya citalapokwa kunoli.”

Luka 12:48

Lelo wino atamanyile vino mwene wakwe akasi, ndi waomba milimo ingamulenga kuvunukwa, wene alumwa vikoti vinono. Pano kuli wino wapelwa vingi, ni vingi vilalondwa kufuma kunoli. Na kuli wino yaseekela vingi, ni vingi kuluta vilalondwa kufuma kunoli.

Luka 16:2

Caleka aama kangalila amunena ati, ‘Icani cii, cino nkuuvwa pali wewe? Leta tuvwe ndole vyalembwa pamulandu wa wangalizi wako, pano nupya utangaya kangalila.’

Luka 16:25

“Lelo Abulaamu avwanga ati, ‘Cuza wane, iusya vino mu nsita ya umi wako wapezilwe vintu vyonsi visuma, lino Lazalo wene wapilwe vintu vyonsi viipe. Lelo ndakai wene kuno watatekeziwa, lino wemo ukucula cuze.

Luka 8:18

“Caleka ikini amano pali vino mukuuvwa, pano wino wensi akweti wene alapeelwa navyuze, na wino wensi atakweti cimwi nawe alapokwa nu tunono tuno akwelenganya kuti akweti.”

Luka 9:26

Muntu ndi wankana pamwi na mazwi yane, Mwana wa Muntu nawe alamukana lino aliiza mu lulumbi lwakwe, nu mu lulumbi lwakwe Isi nga nu lwa angeli yamuzilo.

Yakobo 4:6

Lelo cikuku cino Leza akatukwatila cene ica maka kuluta. Cili ndi vino malembelo yakati, “Leza akakanya umuntu wensi uwa cilumba, lelo akaya ni cikuku ku muntu uwaicefya.”

Umbwilo 2:5

Elenganya pa kupona kuno wapona. Zenzuka nu kucita vino wacisile nkolelo. Ndi utazenzwike, ndiza kunuli nu kufumya cakutekapo nyali mu ncende yakweco.