Mateo 12:7 - Amazwi Yakwe Leza 2013

⁷ Lelo ndi cakuti mwamanyile vino mazwi yaa yakusenula akuti, ‘Nkulonda kuti mwalanga uluse ku antu yauzo kuluta kundetela impolelwa,’ lyene mutangavunuka yano asi na mulandu.

Mateo 12:7 Iomraidhean Croise

Yobo 32:3

Wasokile kumwi na yacuza yakwe Yobo yatatu, apakulola ndi vino nayo kwene yatonta uku vwangana na Yobo. Pano lyene cakola ungati nayo kwene yazumilizya ndi vino Leza angaponga.

Masamu 109:31

Yawe akavwangila umupina, nu kumupususya kuli yao akamupingwila ukufwa.

Masamu 94:21

Yene yakalwisyanya na antu asuma, nu kuzwisya uwazi wa muntu wakaele.

Mapinda 17:15

Ukupeela uwa mulandu insambu nu kupeela uwakaele umulandu, ali vintu viili vino Yawe wapata umu musango uli umwi kwene.

Oseya 6:6

Cumi kwene nemo nkalonda ukutemwa ukwa muntaputuka, ukuluta ukumpela sile impolelwa, Nemo nkalonda kuti antu yane yamanye nene, ukuluta ukuntuula amawila yakoca.

Mateo 22:29

Yesu nawe aasuka ati, “Mwaponga, pano mutamanya malembelo, nanti maka yakwe Leza.

Mateo 9:13

Acino kasambililini mazwi mu malembelo vino yakusenula, yano akati, ‘Nkulonda kuti mwalanga uluse ku antu yauzo kuluta kundetela impolelwa.’ Ntiza kukwama aololoke, lelo nizila yakaifya.”

Mako 12:33

nu muntu alinzile kutemwa Leza nu mwenzo wakwe onsi, na mano yakwe onsi, na maka yakwe onsi, nga nu kutemwa umuze ndi vino waitemwa. Kuyela Masunde ya yaili kwaluta impolelwa zya koca nga nu wila onsi.”

Milimo 13:27

Antu akaikala mu Yelusalemu, nga ni ntunguluzi zyao, yatamanyile vino Yesu ali Katuula, nanti ukwiluka mazwi yakwe yakasema yano yakawelenga cila Sabata. Lelo pa kuvunuka Yesu ku mfwa, yalenzile kuti mazwi yakwe yakasema yafikiliziwe.

Yakobo 5:6

Mwemo mwapingula nu kukoma antu akaele, yano atezizye kulwisya mwemwe.

Yoswa 5:5

Antu yonsi afumile mwenemo yasilamwilwe, lelo antu yonsi avyalilwe mu lwanga mu nsita iya lwendo ukufuma mu Eguputo walanga yatali yasilamulwe.

1 Samueli 15:22

Lelo Samueli aasuka ati, “Uzye Yawe akazangila mu mawila yakoca ni mpolelwa ukuluta ukuyela amazwi yakwe? Ala icuvwilo caluta ukupeela impolelwa, nu kutezya nako kwaluta amafuta yakwe yasuuku.