Mateo 12:42 - Amazwi Yakwe Leza 2013

⁴² Pa wanda wa upinguzi namwene uwaku kaeya alimilila pamwi na antu amu mukulo uu nu kuyasinila, pano wapisile mpanga itali cuze kuya ku mwene Solomoni ku kuvwa mazwi ya mano kunoli. Lola, umwi mukulu kuluta Solomoni ali pano.

Mateo 12:42 Iomraidhean Croise

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Mateo 17:5

Lino acili akuvwanga, ikumbi liyengese cuze liyavimba, ni izwi lyuvwika kufuma mwi kumbi liti, “Wii, Mwanane mukundwe. Munoli nkuzanga cuze. Mwamuvwa.”

Yoane 1:18

Pasi umuntu watala alola Leza. Suka Mwana wenga sile wino wikala pamwi ni Isi. Mwana kwene uwiza wamusokolola.

Mateo 3:17

Ni zwi lyuvwika kufuma mwiyulu liti, “Wii Umwanane mukundwe, munoli nkuzanga cuze.”

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

1 Yamwene 10:24

Antu yonsi amu nsi yalondanga ukuya kuli Solomoni pakuti yamanye amano yano Leza wamupeela.

1 Yamwene 5:12

Yawe wafikilizye ulayo wakwe apa kupeela Solomoni amano. Pali umutende pakasi kakwe Hilamu na Solomoni, nga yoili yacisile cipangano ca mutende.

1 Yamwene 4:34

Yamwene umu nsi yonsi yuvwa ivya mano yakwe Solomoni nga iyatuma antu akuya uvwa kunoli.

1 Yamwene 4:29

Leza wapile Solomoni amano nu kulamoka ukutanga pimwa wa musensenga uwamu nkumba yakwe yemba.

1 Yamwene 3:28

Lino antu yonsi amu Izlaeli yuvwa upinguzi uno umwene wapingwile, iyatandika ukoopa umwene, pamulandu wakuti yaweni ukuti akweti amano ukufuma kuli Leza akulungika umu kuputula kwa milandu.

1 Yamwene 3:12

Nani namacita cino watulenga. Namakupeela umwenzo wa mano nu kwiluka, uwakuti kutalatala kuye umuntu uwakulingana nawe, nupya pacisila cako kutalatala kuye umwi.

1 Yamwene 3:9

Acino mpekwini ne muomvi winu amano akuteekelamo antu inu, pakuti namanya ivyakupusanya pakasi ka visuma ni viipe. Ndi cisi vivyo uzye aweni angateeka antu inu avule wakwe cimwi?”

Mateo 12:41

Pa wanda wa upinguzi, antu amu Ninive yalimilila pamwi na antu amu mukulo uu nu kuyasinila, pano yene yazenzwike lino Yona wakosozile kuno yali. Lola, umwi mukulu kuluta Yona ali pano.

Mateo 12:6

Namunena nati, mukulu kuluta Ing'anda ikulu yakwe Leza ali pano.

Malango 30:13

Nupya lisi ku mbalama yuze yakwe yemba cakuti mungalanda muti, ‘Uzye aweni amalamba yemba kuti akatuletele, kuti tulyuvwe nu kuliyela?’