Mateo 11:11 - Amazwi Yakwe Leza 2013

¹¹ Cumi namunena vino, mu antu yonsi avyalwa mu nsi ii kusi umuntu wino alusile Yoane Kawatizya. Lelo wino ali munono mu Wene wa mwiyulu, wene ali mukulu kuluta Yoane.

Mateo 11:11 Iomraidhean Croise

Yobo 14:1

“Umuntu wensi uwala wavyalwa ku mwanaci, umi wakwe pano nsi utaya utantalile. Lelo umi kwene uo, wavulisya amalanda.

Yobo 14:4

Aweni fwandi wino ungazana umuswepe apa antu akowele? Kusi nanti wenga!

Yobo 15:14

“Uzye kwene umuntu uwala wavyalwa uku mwanaci nawe waya umufumaluke? Uzye kungaya akacita vyaololoke lyonsi kuno ali?

Yobo 25:4

Uzye kwaya umuntu akacita vyaololoke pa manso yakwe Leza? Uzye umuntu uwavyalwa ku mwanaci angaya uli uwaula imifitalila?

Masamu 51:5

Kwene nemo navyalilwe umu luyembu. Lino mayo wanyomelile indilwa yane, nali umwipe.

Ezaya 30:26

Umwezi ulawala kwati ali lanzi kwene, alino ilanzi lilawalisya ukuluta mu cipimo. Uluswepo lwakasanya lulaya ungati ulwa manda cinimbali, alino lyene lwize lwakile capamwi pa kasanya kali konga kwene! Vivyo vyonsi vilacitika lino Yawe alanyepela antu yakwe ivilonda vino wayaletile pakuti vingapola.

Zakaliya 12:8

Pa nsita iyo ne Yawe ndacingilila aina Yelusalemu cakuti nu tupopo twao kwene tulakwata amaka ali yamwi kwene na yano umwene Davidi wakweti. Ana yakwe Davidi ali yano yalayatungulula wa mungeli wane ne Yawe.

Mateo 11:10

Pano Yoane awino calembwa mu malembelo pali aliwe cati, Leza wavwanzile ati, ‘Ndatuma inkombe yane, ikukolelele kuti ikateyanye inzila yako.’

Mateo 11:12

Kufuma mu manda yakwe Yoane Kawatizya kufika na ndakai, antu yakalwisyanya nu Wene wa mwiyulu, na antu ya maka alio yakuupoka.

Mateo 3:1

Mu manda yalya Yoane Kawatizya aloleka, ala akukosola mu lwanga lwamu Yudeya,

Mateo 3:11

Nemo nkumuwatizya na manzi kulanga ukuti mwati muzenzuka, lelo wino akwiza pacisila cane wene uwa maka kunduta. Ntaine kusenda ndyatu zyakwe. Wene alamuwatizya na Mupasi Wamuzilo nu moto.

Mateo 5:19

Caleka wino wensi asyayela isunde lyonga linono ilya mu masunde yaa, nu kusambilizya antu kucita vikwene, wene yalamucefya mu Wene wa mwiyulu. Lelo wino wensi akayela masunde yaa nu kusambilizya antu, wene yalamukuzya mu Wene wa mwiyulu.

Luka 1:15

pano alaya mukulu pa manso ya Mwene. Wene atalamwa waini nanti cikakola lelo alaya na maka ya Mupasi Wamuzilo kufuma lino atali avyalwe.

Luka 7:28

Namunena nati, mu antu yonsi avyalwa mu nsi ii, kusi umuntu wino alusile Yoane. Lelo wino ali munono mu Wene wakwe Leza, wene ali mukulu kuluta Yoane.”

Luka 9:48

ayanena ati, “Wino wensi akazengela umwana munono wakwe wii pamulandu wane, ala wanzengela. Na wino wensi uwanzengela, ala wazengela wino uwantuma. Pano wino ali munono kuluta pali mwemwe mwensi, wene ali mukulu.”

Yoane 1:15

Yoane wapile umboni pamulandu na aliwe. Wene walaizye ati, “Wii, awino nalandanga inti, ‘Wino akwiza pacisila cane wene umukulu kunduta, pano wene waliko lino nemo ntali mvyalwe.’”

Yoane 1:27

Wene akwiza pacisila cane, lelo ntaine kusapula mikonda ya ndyatu zyakwe.”

Yoane 10:41

Antu aingi iiza kunoli yamunena yati, “Yoane atacisile cilangililo. Lelo vintu vyonsi vino Yoane wavwanzile pamulandu nu muntu wii vyali vya cumi.”

Yoane 3:30

Wene alinzile akule mu ucindami nu kunduta, lelo nemo namacepanga mu ucindami.”

Yoane 5:35

Yoane wakoline wa kuyengesa kwi lampi lino likwaka, nga namwe mutemwa kuzangila mu luswepo lwakwe pa nsita inono sile.

Yoane 7:39

Lino Yesu wavwanzile cii, wavwanzile pamulandu na Mupasi Wamuzilo wino yano amutaila yalapokelela. Pa nsita ilya walanga Mupasi Wamuzilo atali kuti apelwe, pano ala Yesu atali atumpulwe nu kupelwa ululumbi.

1 Kolinto 15:9

Nene munono kuluta pa atumwa yonsi nupya citandinzile kwamwa mutumwa pano nazunyizye iuvi lyakwe Leza.

1 Kolinto 6:4

Milandu ya musango uu ndi yacitika pakasi kinu, uzye mungasitaka uli ku antu asi amwi uvi kuti yapingule?

Efeso 2:3

Mu cumi naswe kwene avino twali lino twatungululwanga ni vilondwa vya civyalilwa citu, ala tukucita vintu vino mili na melenganyo itu yalondanga. Swemo twasosya Leza nupya twali nu kuvunukwa.

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

2 Timoti 1:10

Lelo ndakai Leza wasokolola cikuku kupitila muli Katuula witu Klistu Yesu. Klistu wene wacimvya maka ya mfwa nga mwi Landwe Lisuma amuno wasokolola paswe umi uwa kuntafwa.

Ayebulai 11:40

pano Leza mukuteyanya kwakwe watukwatila visuma kuluta. Ipange lyakwe lyali lyakuti yene yatangaya afumaluke suka twaya nao.

1 Petulo 1:10

Cali apa ufyusi kwene uu, uno yakasema yalondelezyanga mu kutekela nu kuuzya. Yene yasemile pamulandu wa nzila ino Leza alamutuulilamo.

1 Samueli 2:30

Nene kwene ne Yawe, Leza wa ina Izlaeli nalavile ku mpiti ukuti ang'anda yako na aluko lwako yalizile kuntumikila wakwe yasimapepo amanda pe. Lelo ndakai inkuti citangaya vivyo! Indi nu kucindamika yao akancindika. Nu kusuula yao akansuula.