Mateo 11:1 - Amazwi Yakwe Leza 2013

¹ Pacisila lino Yesu wamala kusunda alondezi yakwe ikumi na yaili, afumako ku cifulo cici, aya ku kusambilizya nu kukosola mu misumba yuze iyaya mu Galile.

Mateo 11:1 Iomraidhean Croise

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Mateo 4:23

Lyene Yesu apitana mu Galile monsi, ala akusambilizya mu mang'anda ya mapepo nu kukosola Ilandwe Lisuma lya Wene nga nu kupozya alwile ndwala zya misango yonsi.

Mateo 7:28

Lino Yesu wamala kuvwanga vintu vii, maumba yazunguka misambilizizye yakwe.

Mateo 9:35

Lyene Yesu apitana mu misumba nu mu mizi yonsi kwene, ino yali pipi na yemba uwaku Galile. Wene asambilizya mu mang'anda ya mapepo nu kukosola Ilandwe Lisuma lya Wene wakwe Leza, nu kupozya indwala zya misango yonsi, ni ndema.

Mako 6:12

Caleka yapita nu kukosola kuti antu yazenzuke.

Luka 23:5

Lelo yene yakomapo kulanda yati, “Usambilizyo wakwe ukasongelekanya antu yonsi amu mpanga ya Yudeya. Watandike ku Galile lyene wataiza na kuno.”

Luka 8:1

Pacisila Yesu apita mu misumba nu mu mizi ala akukosola Ilandwe Lisuma lya Wene wakwe Leza. Alondezi ikumi na yaili yali nawe,

Yoane 15:10

Ndi mwayela masunde yane, ale lyonsi mumaikala mu kutemwa kwane, ndi vino nani nkayela masunde yakwe Tata nu kwikala mu kutemwa kwakwe.

Yoane 15:14

Mwemwe yacuza yane ndi mukucita vintu vino namunena.

Milimo 1:2

kufika na pa wanda uno Leza wamusenzile kwiyulu. Lino atali kuti asendwe kwiyulu, mu maka ya Mupasi Wamuzilo wasile wapela utunguluzi ku atumwa yano wasolwile.

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

Milimo 10:42

Wene watupile ilamulo kuti twakosola ilandwe ku antu, nga nu kupeela umboni vino wene ali wino Leza wasonta kuya kapingula wa antu, aumi na afwe kwene.

1 Tesalonika 4:2

Pano mumanyile utunguluzi uno twamupile ku maka ya Mwene Yesu.

2 Tesalonika 3:10

Lino twali pamwi namwe twamunenanga mazwi akuti, “Wino wensi akukana kuomba, nu kulya kwene atalya.”

2 Tesalonika 3:6

Mwe ina itu, swemo tukumupeela ilamulo mwi zina lya Mwene witu Yesu Klistu kuti muleuke ku ina inu yonsi akasu nupya yano asyalondela utunguluzi uno twayapile.

1 Timoti 6:14

uyele vyonsi vino wanenyilwe nu kuya uwacumi kulivyo kufika na pa Wanda uno Yesu Klistu Mwene witu alaloleka nupya.