Mateo 10:11 - Amazwi Yakwe Leza 2013

¹¹ “Mu musumba onsi nanti muzi uno mwingilamo, londini umuntu angamupokelela, mwikale mu ng'anda yakwe kufika na lino mulafumamo mu cifulo cico.

Mateo 10:11 Iomraidhean Croise

Yobo 31:32

Kutatala kwaloleka umwenyi uwiza apane, uwakuti alale apanzi. Yonsi nkayapokelela usaka utupu. Icisasa cane cayulikila calimwi.’

Mateo 10:10

Mutasenda mufuko wa kulengelamo vimwi pa lwendo lwinu, nanti cakuzwala na cuze, nanti ndyatu nanti intuwa. Pano muomvi camulinga kupelwa vilondwa vyakwe.

Mateo 10:12

Na lino mwingila mu ng'anda ilya mutale muti, ‘Mutende uye namwe.’

Mako 6:10

Nupya ayanena ati, “Mu ng'anda yonsi muno mwingila ndi yamupokelela, mwikale mu ng'anda kwene iyo kufika na lino mulafumamo mu musumba uo.

Luka 19:7

Lyene antu yonsi lino yalola cii, yailizyanya yati, “Umuntu wii wataya kukufikila kwakwe kaifya.”

Luka 9:4

Konsi kuno yalamupokelela mwikale mu ng'anda ili imwi kufika lino mulafuma mu musumba uwo.

Milimo 16:15

Wene pamwi na amu ng'anda yakwe yawatiziwa, nga atwama ati, “Izini mwikale mu ng'anda yane ndi mwati mulola ukuti icumi nataila mu Mwene.” Alino atupapatila kuti twingile.