Mateo 1:22 - Amazwi Yakwe Leza 2013

²² Vintu vii vyonsi vyacitike kuti cifikiliziwe cino Mwene walanzile kupitila muli kasema ati,

Mateo 1:22 Iomraidhean Croise

1 Yamwene 8:15

Umu upolelelo wakwe avwanga ati, “Alumbanyiwe Yawe, Leza wa ina Izlaeli! Aliwe wafikilizya ulayo uno walavile tata Davidi, lino wamunenyile ati,

1 Yamwene 8:24

Utaweni vino wasunga ulayo uno walavile Davidi tata umuomvi wako, cino wafikilizya umwi lelo.

Ezila 1:1

Umu mwaka wakutandikilapo uwa kuteeka kwakwe Kilusi umwene waku Pesya, izwi lyakwe Yawe lyafikiliziwe lino kasema Yelemiya wavwanzile. Lyene Yawe aleka Kilusi mwene waku Pesya akuntikilwa pakuti anguma imbila mu mpanga yakwe yonsi nu kulemba yakalata umwali amazwi akuti,

Mateo 12:17

Vintu vii vyonsi vyacitike kuti cifikiliziwe cino Mwene wavwanzile kupitila muli kasema Ezaya ati,

Mateo 13:21

Lelo yasiingila nu kwika misisi mukasi ka myenzo yao, nupya yasyaikalilila. Caleka lino ucuzi nanti kuzunyiwa viiza pamulandu wa mazwi yakwe Leza lilyo kwene yanenuka.

Mateo 13:35

Cii cacitike pakuti cifikiliziwe cino kasema wavwanzile ati, “Ndavwanga kunoyali mu milumbe, Ndasokolola vintu vino vyafiswa kufuma ku utandiko wa nsi.”

Mateo 2:15

Aikala kweneko kufika lino Helodi wafwa, kuti cifikiliziwe cino Mwene wavwanzile kupitila muli kasema ati, “Namile mwanane umonsi kufuma ku Eguputo.”

Mateo 2:23

Alino aya ikala mu musumba wa Nazaleti, kuti cifikiliziwe cino Leza wavwanzile kupitila muli yakasema, ati, “Alaamwa mwikazi uwamu Nazaleti.”

Mateo 5:17

“Mutaelenganya vino niza ku konona ivyalembwa mu mpapulo zyakwe Mose na yakasema. Ntiza ku konona vii, lelo niza kuti mfikilizye.

Mateo 8:17

Cii cacitike kuti cifikiliziwe cino kasema Ezaya wavwanzile ati, “Wene watozile indema zitu, asenda ni ndwala zitu.”

Luka 21:22

Pano yao yalaya manda ya cilanduzi, pakuti vyonsi ivyalembwa mu malembelo vifikiliziwe.

Luka 24:44

Lyene ayanena ati, “Vii, vili vintu vino namunenanga lino nali namwe, ukuti vintu vyonsi vino vyalemvilwe pamulandu wane mu mpapulo zyakwe Mose na zyakwe yakasema, nga nu mu Masamu vilinzile kufikiliziwa.”

Yoane 10:35

Twamanya ukuti vino malembelo yalanda vyene ivya cumi manda pe. Antu yaya yamilwe na Leza ukuti a tuleza, antu yano Ilandwe lyakwe Leza lyapilwe kunoyali.

Yoane 15:25

Lelo cii cayako kuti icalembwa mu masunde yao cifikiliziwe, cino cikati, ‘Yampata pasi nanti mulandu.’

Yoane 17:12

Lino nali nao, nayasunganga ningo kupitila mu maka yako yano wampile. Nayacingililanga, nga kutali wenga uwalowa, suka sile umuntu wino uwasolwilwe kulowa, kuti cino calembwa cifikiliziwe.

Yoane 18:9

Wavwanzile cii kuti yafikiliziwe mazwi yano wavwanzile ati, “Muli yao yano wampile, ntaponzya nanti wenga.”)

Milimo 3:18

Ku mpiti Leza wavwanzile kupitila muli yakasema yonsi ukuti Klistu wino wasolwile alacuziwa, nga cati cifikiliziwa mu musango kwene uu.

Loma 1:2

Ilandwe Lisuma lyalavilwe mpiti na Leza kupitila muli vino yakasema yalemba mu Malembelo Amuzilo.

Umbwilo 17:17

Pano Leza wiika mu myenzo yao kuti yafikilizye kulonda kwakwe na kuti yawikizyanye nu kupeela uwene wao ku cilyanyi kufika lino mazwi yakwe Leza yalafikiliziwa.