Mateo 1:11 - Amazwi Yakwe Leza 2013

¹¹ Yosiya wali a isi wakwe Yekoniya na ina yakwe, mu manda ya kusendwa uzya ku Babiloni.

Mateo 1:11 Iomraidhean Croise

2 Yamwene 23:31

Yeowazi wali ni myaka yakuvyalwa amakumi yaili na itatu apa nsita ino watandike ukuteeka, nga wateesile mu Yelusalemu imyezi itatu. Nyina wali a Hamutali umwana wakwe Yelemiya. Wene wali uwaku Libina.

2 Yamwene 24:14

Nebukadineza ali pakusenda na ikazi yamu Yelusalemu kwene, kuli kuti yacilolo yakwe na asilika yonsi, nga na yafundi ya milimo. Yonsi pamwi yafisile uku mpendwa ukulingana amazimbi ikumi. Wene wasendenkinye kumwi na antu yonsi alamoke, ali wakwe yakasula. Lelo asya sile apina yatupu umu mpanga yakwe Yuda.

2 Yamwene 25:11

Alino Nebuzaladani, musika mukulu uwa vita wilya, asenda antu yonsi asiile, ayatwala uku Babiloni, kumwi na yamfundi yonsi asiile, nga na yayo yonsi yano walanga yapuukila mpiti ku ina Babiloni.

2 Milandu 36:10

Walanga umwaka wasenuka, nawe kwene umwene Nebukadineza amusenda uku Babiloni wa munyepwe. Alunda penepo nu kusenda ivyuma navyuze ivyamu Ng'anda ikulu yakwe Leza, avitwala ukwakwe. Ali pakutoola Zedekiya umwina awino apyanikizya apa cilimba ca wene waku Yuda na Yelusalemu.

2 Milandu 36:20

Ali pakusenda yao asile impondo ayatwala uku Babiloni kuko kuno yaile yamuombela nga yaombela na ana yakwe kwene mpaka nu kukwiza kwa wene waku Pesya.

Ezaya 13:1

Amazwi asowilwe pamulandu na Babiloni, ino Ezaya umwana umonsi wakwe Amozi, wapokelile ukufuma kuli Leza.

Yelemiya 27:20

Vivyo vyonsi vino Nebukadineza umwene waku Babiloni atasenzile, lino wavifumizye mu Yelusalemu nu kuvitwala ku Babiloni mu uzya, pamwi na asambazi yakwe yonsi ali mu Yuda nga nu mu Yelusalemu, umwali na Yeoyakini umwana wakwe Yeoyakimu umwene waku Yuda.

Yelemiya 39:9

Alino Nebuzaladani umukalamba wakwe yakalinda ya mwene asenda antu ku uzya ku Babiloni, yayo asile mu musumba, kumwi na yayo aile kunoli, nga na antu asyala.

Danieli 1:2

Nawe Yawe wapile Yeoyakimu umwene waku Yuda mu makasa yakwe Nebukadineza, kumwi ni viya vino yafumizye mu Ng'anda ikulu yakwe Leza. Nawe avisenda avitwala ku ng'anda ikulu yakwe kaleza kakwe ku Babilonia nga aviika mu ng'anda ya cipao cakwe leza wakwe.

Mateo 1:12

Lino yasendwa mu uzya ku Babiloni Yekoniya wali a isi wakwe Salatieli, Salatieli wali a isi wakwe Zelubabeli,

Mateo 1:17

Caleka mikulo yonsi kufuma kuli Abulaamu kufika kuli Davidi yali ikumi na ini, nu kufuma kuli Davidi kufika ku kusendwa mu uzya ku Babiloni yali ikumi na ini, nga kufuma mu uzya mu Babiloni kufika ku kuvyalwa kwakwe Katuula uwalavilwe mikulo nayo yali ikumi na ini.