Masamu 99:3 - Amazwi Yakwe Leza 2013

³ Yonsi yakamulumbanya, pano wacindama nupya uwalulumbi, icacumi wene uwamuzilo!

Masamu 99:3 Iomraidhean Croise

Neemiya 1:5

Inti, “Owe mwe! Leza mukulu uwa kwiyulu, we wakoopa! Awewe ukawaka upangano wako kuli yayo yano yakutemwa nu kuyela amasunde yako.

Neemiya 4:14

Apacisila cakulola ukuti yacili yakuvwa intete, inkatuka nu kunena asambazi ni ntunguluzi zyao pamwi na antu yauze inti, “Mutoopa anisi yaa. Mwiusye ndi vino Yawe umukulu nupya uwa koopa. Acino lwisizini antu inu, ana inu, aci inu nga na mang'anda inu.”

Neemiya 9:32

“Ale fwandi, we mwene Leza witu! We Leza wakoofya, wemo wakwatisya amaka! Wemo ukawaka amalayo ya kutemwa aupangano wako. Utasuula ulanda witu uu uno watiutwizila sweswe swensi, ukutandikila pali yamwene itu, intunguluzi zitu, yasimapepo itu, yakasema itu, pamwi ni vikolwe vitu, na antu itu yonsi pyu. Ukutandikila sile pa manda yakwe yamwene aku Asilya, lino yatucuzyanga ukwizafika na pilelo kwene, silola vino twacula!

Neemiya 9:5

Alino aina Levi yaa, Yesyua, Kadimiyeli, Bani, Hasyabineya, Syelebiya, Hodiya, Syebaniya na Petaya iyavwanga iyati, “Katukini nu kulumbanya Yawe Leza winu. Mulumbanyini amanda pe! Kalicindikwe izina lyakwe lyamuzilo, nanti angala kusi umuntu angaulumbanya icifumaluke.”

Masamu 100:4

Izini mwingile mu mpongolo zyakwe nu kutaizya, mwasansamuka umu nyimbo apa kwingila mu musolo wakwe. Si mungala mwamutaizya nu kulumbanya izina lyakwe!

Masamu 103:1

We mwenzo wane lumbanya Yawe! Nani kwene wensi kandumbanye izina lyakwe ilyamuzilo.

Masamu 111:9

Umwene wapususya antu yakwe, wapangana nayo upangano wakuyelelela. Icacumi, uwamuzilo nupya uwa maka!

Masamu 145:17

Yawe umulungami umu nzila zyakwe zyonsi nupya uwa luse umu vicitwa vyakwe vyonsi.

Masamu 66:3

Vwangini muti, “Vino we Leza ukacita ivyakuzunguka! Amaka yako akulu wakwe cimwi. Anisi yako yakatunkana kunuli.

Masamu 76:1

Leza wamanyika wakwe cimwi umu mpanga yakwe Yuda. Izina lyakwe ilikulu umu mpanga ya ina Izlaeli.

Masamu 76:12

Pano wene akatembola intunguluzi zya vilumba, nupya yamwene nayo yakamoopa.

Ezaya 6:3

Ala yakulaizya yakuti, “Wamuzilo, wamuzilo, wamuzilo Yawe Wamaka yonsi, ucindami wakwe walimba insi yonsi.”

Yelemiya 20:11

Lelo we Yawe, wemo waya ku lusansa lwane, nupya wewe ilamba lyamaka, na yayo akuncuzya yamapempezyokanga yaposiwa. Yene yalaposiwa mpaka yazewane pee, pamulandu wakuti yalaposiwa kufikilizya cino yakasi. Ukupupana kwao kutalatala kwililike, awe.

Yoane 17:11

Ndakai nkwiza kunuli. Ntacili mu nsi, lelo yene yacili mu nsi. Tata Wamuzilo! Yasunge kupitila mu maka yako yano wampile, kuti yaye wenga ndi vino wewe nani twaya wenga.

Malango 28:58

“Ndi mulakana ukuyela ningo amasambilizyo yakwe Leza yano yalembwa mu lupapulo luu, nupya ndi mwakana ukucindika izina ilyalulumbi nupya ilyakoofya lyakwe Yawe Leza winu,

Malango 7:21

Acino mutaca mwaoopa antu yaa. Yawe Leza winu ali namwe. Wene a Leza wa maka wino antu yalinzile ukoopa.

Yoswa 24:19

Yoswa avwanga ku antu ati, “Mungaposiwa kutumikila Yawe, pano wene a Leza uwamuzilo. Wene a Leza asilonda wakucimvyanya nawe. Wene atalamwelela pali ucisanguka winu na pa maifyo inu.

Umbwilo 4:8

Mu viumbwa vii vini cila ciumbwa cakweti amapa mutanda nayo yalimviwe na manso mukasi nu kunzi yakweyo. Musanya nu usiku vyene visyata kwimba lwimbo viti, “Wamuzilo, wamuzilo, wamuzilo Mwene Leza wa maka yonsi wino uwaliko, alipo, nupya wino aliiza.”

1 Samueli 2:2

“Kutaya nanti aumwi uwamuzilo wakwe Yawe. Kutaya nanti aumwi akoline nawe we Yawe, kutaya nanti wenga angacingilila wakwe Leza witu.