Masamu 95:6 - Amazwi Yakwe Leza 2013

⁶ Izini twingile, katukontamike amausyu itu tumupepe, lekini tufukamile Yawe Kaumba witu!

Masamu 95:6 Iomraidhean Croise

1 Yamwene 8:54

Lino Solomoni wamalila kupepa kuli Yawe, akatuka nga aimilila pa nkolelo ya kavuwa, pano walafukime, ala atumpwile na makasa umwiyulu.

2 Milandu 29:28

Alino antu yonsi akongine yakontama pansi yapepa, ala yakiimba yakwimba ni ntandala nazyo zila zikulila. Vii vyonsi ivitwalilila mpaka impolelwa ilya isila yonsi pyu.

2 Milandu 29:29

Lino yamalila ukupeela amawila yaya, umwene pali pamwi nu muntu wensi uwali pamwi na aliwe, afukama pansi nu kupepa.

2 Milandu 29:30

Alino Umwene Hezekiya pamwi ni ntunguluzi zyakwe yapeela ilamulo ku ina Levi ilya kulumbanya Yawe umu mazwi yano Davidi na kasema Asafu yalemvile. Acino umuntu wensi aimbila ni nsansa izikulu ala yonsi yafukime yakupepa Leza.

2 Milandu 6:13

Walanga wamata apakwimila apa tumpuke, apa cela ca mukuwa cino wisile apa musolo. Umu mbali zyonsi cali amamita yaili na citika. Ukuya papela namo cali mita wenga na citika. Fwandi apano aya aimilila, nga afukama, ala aina Izlaeli yonsi akongine yakumulola nga atumpula na makasa umupela.

Ezila 9:5

Lino insita yakupeelelapo impolelwa amanguzi yafika, mvwandamuka nga nimilila ni vyakuzwala vyane vilepoke. Lyene mfukama nu kukatusya amakasa yane umupela kuli Yawe Leza wane.

Yobo 35:10

Lelo kusi nanti wenga akavwanga ati, ‘Uzye Leza kaumba wane ali kwi, wiyo akaleka ukuti inyimbo zya luzango zyuvwike usiku.

Masamu 100:3

Manyini ukuti Yawe ali Leza. Aliwe uwatuumvile, nga sweswe akwakwe. Sweswe antu yakwe, imfwele zya ufyo wakwe.

Masamu 119:73

Awewe wampanzile nu kumbumba na makasa yako. Umpeele ukwiluka, pakuti nsambilile amalamulo yako.

Masamu 139:13

Awewe wapanzile imfyo zyane, wewe wampikolizye umunda muli mayo.

Masamu 149:2

Izlaeli kazangile muli wiyo uwa muumvile. Antu amu Zioni kayazangile umu Mwene wao.

Masamu 72:9

Antu aikala umu lwanga yafukankila kunoli, anisi yakwe nayo yakunkuluka umu lukungu.

Masamu 95:1

Izini tuzangile Yawe, katuzangile Ciliwe citu icikatupususya.

Kufuma 20:5

Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Kasambilizya 12:1

Acino uwaiusya kaumba wako lino ucili umwance, lino amanda ni myaka ya ulanda itali ikufikile, lino ulavwanga uti, “Awe nemo ntatala nailyokezya.”

Ezaya 17:7

Mu wanda ulya antu yalutukila kuli kaumba wao, nu kucevya amanso kuli Leza Wamuzilo uwa ina Izlaeli.

Ezaya 44:2

Nene indi Yawe wiyo uwamupanzile nu kumuumba mu ndilwa zyakwe yanyoko, nupya anene nkamwazwilizya. Utuvwa intete we Yakobo, we muomvi wane. Mwemwe antu yane akundwe yano nasolola.

Ezaya 54:5

Pano uwakuumba kwene aliwe alaya uwako. Izina lyakwe a Yawe Wamaka yonsi. Ali Katuula wako Wamuzilo wakwe Izlaeli, akaamwa Leza wa nsi yonsi.

Ezaya 64:8

Lelo kwene we Yawe, ala wewe uli Tata. Swemo twaya sile wa mbuulo, nawe wakwe nakamata. Umucumi awewe watuumba.

Danieli 6:10

Lyene lino Danieli wamanya ukuti icipope caticilembwa, aya ukwakwe, uku muputule wapapela, kuno amawindo yalozya ku Yelusalemu. Kuku kwene, ndi vino wacitanga lyonsi, Danieli afukama pansi apipi ni windo iliyulwe nga apepa kuli Leza wakwe, nu kumutaizya amaila yatatu umu wanda.

Oseya 6:1

Antu yakuvwanga yati, “Tuini, tuwelele kuli Yawe. Wene watatulepola mu tupimfya, lelo amatupozya. Wene watatucisa, lelo amatunyepela ivilonda.

Oseya 8:14

Aina Izlaeli yaikuulila amang'anda akulu asuma. Amu luko lwakwe Yuda yavuzya imisumba ya malinga. Lelo nemo ndaponyezya umoto apa misumba yao iyo, nga umoto uo uloca amang'anda yao yalya akulu.”

Mateo 4:2

Lelo Yesu atalile nanti kamwi manda makumi yani, musanya nu usiku. Pacisila auvwa inzala.

Mateo 4:9

Alino amunena ati, “Vintu vii vyonsi namakupeela ndi wamfukamila nu kumpepa.”

Mako 14:35

Apita katalamukila panono, afukama pansi nga apepa ukuti, “Ndi cingaya, kasita ka ucuzi kasisiwe kunondi.”

Luka 22:41

Lyene atala ayasya, apita katalamukila, nga afukama apepa ati,

Yoane 1:3

Kupitila munoli Leza waumvile vintu vyonsi, kusi nanti cimwi mu uumbo onsi cino citaumvilwe na aliwe.

Milimo 20:36

Lino Paulo wamala kuvwanga vii afukama pansi pamwi nao onsi nu kupepa.

Milimo 21:5

Lino insita yakwikala nao yasila tukatuka, tutwalilila nu lwendo lwitu. Onsi pamwi na yamama yao na ana, yatusukilila kufuma mu musumba kuyafika kunzi. Alino tufukama nu kupepa.

Milimo 7:60

Alino afukama pansi asazinka izwi likulu ati, “Mwene! Utayapeela mulandu pi ifyo lii.” Walanga wavwanga vii, afwa.

1 Kolinto 6:20

Leza wamukazile pa mutengo ukulu cuze. Caleka omvini mili inu mu kupeela lulumbi kuli Leza.

Efeso 3:14

Caleka pali cii, mwi pepo nkafukama nkolelo yakwe Leza.

Filipi 2:10

Pa kucindika zina lyakwe Yesu viumbwa vyonsi vya mwiyulu, pano pansi, nga na pansi ya nsi, vilamufukamila.

1 Petulo 4:19

Acino, yao akucula pamulandu wa kulonda kwakwe Leza, yene yalinzile kucita visuma nu kutaila Kaumba wino waya uwakutailwa.

Umbwilo 22:17

Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.

Umbwilo 22:8

Ne Yoane nuvwa nu kulola vintu vii vyonsi. Nalanga nuvwa nu kulola, mfukama pipi ni ngazo zya mungeli wino uwandanzile vintu vii, nupya kwasile panono kuti mupepe.