Masamu 94:21 - Amazwi Yakwe Leza 2013

²¹ Yene yakalwisyanya na antu asuma, nu kuzwisya uwazi wa muntu wakaele.

Masamu 94:21 Iomraidhean Croise

1 Yamwene 21:19

Lyene ukamunene uti, ‘Yawe wavwanga wati, pacisila ca kukoma umuntu uzye umatola ni calo cakwe kwene?’ Nupya umunene uti, ‘Yawe wavwanga wati, mu ncende muno yasimbwa yamyansile uwazi wakwe Naboti, nawe kwene ali muno yalamyantila uwazi wako.’ ”

2 Milandu 24:21

Antu yalya yapanga kumukoma, nu mwene ayapeela ilamulo, nga nayo yamutama na mawe mu musolo wa Ng'anda ikulu yakwe Yawe mpaka afwa.

Masamu 106:38

Yazwisya nu wazi wa antu akaele, uwazi wa ana yao aonsi na anaci, yayo yano yatuulile utuluwi twaku Kenani, yasuka yakowezya ni mpanga yao uku wazi uo.

Masamu 22:16

Icikundi ca antu caticindizizya, yali kwati akapukutu kakwe yasimbwa. Yatiyanyenkola amaulu na makasa yane

Masamu 56:6

Apa kukongana yakafisama, yakanteyamila muli vyonsi vino nkacita apakuti yankome.

Masamu 59:3

Silola! Ayayo yatiyanteyamila. Antu ya lukang'ansi yatiyantenga. Asi mulandu wakuti nani natinifya, nanti ukuluvyanya penepo cimwi, awe.

Kufuma 23:7

Uleuke mu vya ntumpu. Utakoma umuntu wakaele akacita vyawololoke, pano nemo ntalapanya mukakasi.

Mapinda 1:11

Ndi cakuti yati, “Tuye twapita umukuzwisya uwazi, tuteyamile umwi tumukome sile uku mufulo,

Mapinda 1:16

Pano yene yakasimwilila uku kwifya, nu kukalaukila uku kuzwisya uwazi.

Mapinda 17:15

Ukupeela uwa mulandu insambu nu kupeela uwakaele umulandu, ali vintu viili vino Yawe wapata umu musango uli umwi kwene.

Yelemiya 26:15

Lelo kuya kwene mucimanye mucumi ukuti ndi mwankoma, mumazwisya uwazi wakwe uwakaele pali mwemwe mwe eneco, apa musumba uu, alino na pa antu akaikala mwenemo. Pano kwene mucumi Yawe aliwe wantumile kuno muli apa kumunena amazwi yonsi yaa yano muvwa.”

Ezekelo 22:12

Antu yako yamwi yakalipilwa impiya ndi yakoma umuntu. Yamwi yakapokelela amafukakanwa pali vino yakakopesya aina Izlaeli yauze, yakasanguka akama pamulandu nu kucenjezya auze. Lelo kunondi iyanjilila sile. Ivyalanda ne Yawe Simwandalali.

Ezekelo 22:27

Akalamba ya uteko nayo kwene yaya wa mimbulu ino ikutakanya inyama ino yatilema. Yene yakakoma antu pakuti yalonkelemo icuma.

Ezekelo 22:6

Intunguluzi zinu zyonsi mwe ina Izlaeli zikaomvya amaka yakwezyo pa kukoma antu.

Danieli 6:8

Acino, we mwene, si pela icipope nu kucilemba apakuti citangalembululwa, iviine na masunde ya ina Mede na ina Pesya yano yatangasenulwa.”

Mateo 27:1

Lyene katondo, yasimapepo akalamba onsi, nga na aikolo yalanzyanya vya kucita pa kukoma Yesu.

Mateo 27:4

Lyene ayanena ati, “Nati nifya pa kukoopa umuntu uwakaele kuti afwe.” Nao yamunena yati, “Uzye cico cingatusakamika? Wewe umanye vyakucita.”

Milimo 7:52

Uzye kwali kasema umwi wino vikolwe vinu vitazunyizye? Awe! Vyakomile inkombe, izyasowile ukwiza kwa muomvi wakwe mololoke wiya. Ndakai mwamukoopela ku anisi yakwe yamukoma.

Yakobo 5:6

Mwemo mwapingula nu kukoma antu akaele, yano atezizye kulwisya mwemwe.

Umbwilo 17:6

Naweni ukuti mwanaci wakolike uwazi wa antu yakwe Leza nga nu wazi wakwe yao akomilwe pamulandu wa kuyela Yesu. Lino naweni mwanaci nzunguka cuze.