Masamu 92:13 - Amazwi Yakwe Leza 2013

¹³ Kwati imiti ino yalema umu ng'anda yakwe Yawe, ino ikakula ningo mu misolo ya Ng'anda ikulu yakwe Leza witu.

Masamu 92:13 Iomraidhean Croise

2 Milandu 4:9

Alino yapanzile umusolo wakwe yasimapepo umukasi. Alino nauze lwa kunzi. Imilyango yapa mpongolo iyakuila umukasi ka misolo iyo, yapomela kweneko umukuwa.

Esita 9:4

Modekai wali umuntu umwi umucindame ukwisano alino nu kukula wakulilangako umu maka cakuti ululumbi lwakwe lwasusile lulimba impanga zya alasi monsi pyu.

Masamu 100:4

Izini mwingile mu mpongolo zyakwe nu kutaizya, mwasansamuka umu nyimbo apa kwingila mu musolo wakwe. Si mungala mwamutaizya nu kulumbanya izina lyakwe!

Masamu 116:19

umu musolo wa Ng'anda yako ikulu yamu Yelusalemu.

Masamu 135:2

Mwe muno mukaimilila umu ng'anda yakwe Yawe, umu misolo ya ng'anda yakwe Leza witu.

Lwimbo lwakwe Solomoni 4:11

We nawinga wane, pa milomo yako palyompa ukuluta uci. Kwisika ya lulimi lwako kuli wa uci ni iziya. Mununko wa vizwalo vyako vili wa mununko waku Lebanoni.

Lwimbo lwakwe Solomoni 5:15

Amaulu yakwe yaya wa ncesi izyakuulilwa na mawe yakulumbike, zino zyasimpwa mu vyakusimpamo incesi vyakwe zaabu mutuputupu. Akaloleka umucindame wa Mwamba wa Lebanoni, uno wakwata imiti mikelide icindame.

Ezaya 60:21

Antu yako yonsi pyu yalaya asuma, yalasyukila ni mpanga pee. Umucumi anene nayasimpa, nene nayaumvile apakuti yanena antu yauze vino nemo nacindama.

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

Oseya 14:5

Ndaya wa mutonsi ku antu yane aina Izlaeli. Yene yalawalula wa maluwa. Yene yaliika imisisi apa zike wa mukelide waku Lebanoni.

Loma 11:17

Misambo imwi ya muolivi uno antu yalema yene yaputulwa, nga pa viposi vya misambo iyo palematikwa misambo ya muolivi uwamu mpanga. Mwe Akulukuwa mukoline wa misambo ya muolivi uwamu mpanga ino yalematikweko, nga ndakai mwati mukumako kukupolelelwa kwakuya vilundwa ku Ayuda.

Loma 6:5

Pano ndi twaya wenga pamwi nawe mu mfwa yakwe, mu musango uli onga kwene tulaya wenga pamwi nawe pa kuzyukuka kufuma ku afwe, wakwe vino wene wazyukwilwe.

Efeso 3:17

Nupya nkupepa kuti Klistu aikala mu myenzo inu pa kutaila kwinu kuti muzyansye nu kwika misisi mu kutemwa kwakwe.

2 Petulo 3:18

Lelo mwemo mutwalilile kukula mu cikuku nga nu mukumanya Yesu Klistu, Mwene witu nupya Katuula witu. Kunoli kuye lulumbi, ilelo na manda pe! Ameni.