Masamu 9:16 - Amazwi Yakwe Leza 2013

¹⁶ Yawe wataisokolola umwisikulu umu upinguzi wakwe ulungame. Watafyenenkezya aipe umu vicitwa vyao.

Masamu 9:16 Iomraidhean Croise

2 Yamwene 19:19

Ali cino fwandi we Yawe Leza witu, tupususye kweneko uku ina Asilya, apakuti antu amu mitundu yuze iya pano nsi yamanye ukuti awewe sile uli Leza, nga kutaya namuze.”

Yobo 18:9

Umunkovyo ulio ukamupomba uku cintunta, alino lyene ulukoka lulamufwanta.

Masamu 11:6

Apa yaipe akaitila umunyeswa wa moto na maluti nu kuyaletela umuza wa cikaililwa ca mvumba, apakuti ayacuzye.

Masamu 140:9

Napa mutwe wakwe yao akandizizya cilumba cilumba, leka amapange yao pali nene yayafutukile alio kwene.

Masamu 19:14

Sungala upokelele amazwi yapa kanwa kane, na melenganyo amu mwenzo wane. We Yawe, we ciliwe cane na katuula wane!

Masamu 48:11

Leka fwandi antu yamu Zioni yazanga! Imipingwile yako, yaya ilungamane, leka fwandi imisumba yonsi yamu Yuda yazanga.

Masamu 5:1

Sungala ukutike ku mazwi yane, we Yawe, uuvwe vino nkwisya umwenzo.

Masamu 7:16

Ali cino fwandi uyi wakwe umweneco ali uno ukamulya. Ukuzekemwa kwakwe, ali kuno kukamuletelela.

Masamu 92:3

ukukulumbanya umu nsale, nu muviunda vya ngoma.

Kufuma 14:10

Lino aina Izlaeli yalola Falao ni vita vyakwe yafika pipi, yuvwa intete nga yapunda yati, “Yawe, twapapata tutuule!”

Kufuma 14:31

Lino aina Izlaeli yalola maka yano Yawe waomvya pa kucimvya aina Eguputo, iyatandika koopa Yawe. Pali cii aina Izlaeli yataila Yawe na Mose muomvi wakwe.

Kufuma 14:4

Ndalenga Falao kuti akome umwenzo, nupya alamulondelela kuti aezye kumulema. Lelo vino ndacita kunoli nu ku vita vyakwe, vilalenga kuti antu yancindike. Lyene aina Eguputo yalamanya ukuti nene indi Yawe.” Aina Izlaeli iyayela amazwi yakwe Yawe nga yaya yakuula insakwe kuno wayanenyile.

Kufuma 7:5

Lilya lino ndaomvya maka yane panoyali nu kufumya aina Izlaeli mu Eguputo, alino aina Eguputo yalamanya ukuti Nene indi Yawe.”

Mapinda 12:13

Umuntu mwipe akailetelela umwisikulu ni vitakwa vyakwe, lelo umuntu kacita wa visuma akaifuntusya uku viipe vyonsi.

Mapinda 6:2

Uzye wasinilwa na mazwi yapa kanwa kako kwene, uzye wapingulwa na mazwi yano waivwangile we mwisikulu?

Ezaya 28:13

Icaleka fwandi Yawe umweneco amamusunda mu kuwatawata sile, mu kumusunda izwi ni zwi, musilwa nu musilwa, ni sambililo ni sambililo. Alino lyene mumacitanga cila lutampulo luno mwatampula ala mukupempezyoka. Mumaicisolanga nu kusendwa uzya lili lili.

Ezaya 8:15

Ali cino fwandi antu anyanya, yayo yano yamapumikanga kweneko, nu kupona yamaponanga. Yene yamaponanga nu kuvunika yamavunikanga. Yamaivyongelekezyanga nu kulemwa!”

Danieli 6:25

Lyene umwene Dalyusi alembela antu amu nko zyuze zyonsi, ni misango ya antu yonsi, ni ndimi zyonsi, ati, “Nkumulamuka!

Yakapingula 1:7

Adonibezeki avwanga ati, “Yamwene amakumi cinimbali yano yatakweti ivyala ni vikando vikulu yasolanga amalakasi aponanga ukwi tebulo lyane. Leza watacita icilanduzi kunondi pali vino nayacitile.” Lyene iyamusenda ku Yelusalemu, akuno aya afwila.

1 Samueli 17:46

Uwanda kwene uu Yawe amakundemela. Namakucimvya nu kuputula umutwe wako. Nupya namapeela imili ya asilika ya ina Filisti ku vyunyi ni vinyama kuti vilye. Lyene amu nsi yonsi yalamanya ukuti umu mpanga ya ina Izlaeli mwaya Leza.