Masamu 89:5 - Amazwi Yakwe Leza 2013

⁵ Amwiyulu yakalumbanya ivizungusyo vyako, we Yawe, yene yakalumbanya na ucumi wako, umu ukongano wakwe yayo amuzilo.

Masamu 89:5 Iomraidhean Croise

1 Milandu 17:11

Lino waca wafwa nu kuzikwa pamwi ni vikolwe vyako, ndalasika wenga uwamu ana yako kololo pa cilimba ca wene, kuti akupyane. Nupya ndakomya uwene wakwe.

1 Milandu 17:12

Aliwe alankuulila ng'anda, nga nani ndakomya utesi wakwe amanda pe.

Yobo 5:1

“Ale lyene, we Yobo punda. Uzye umauvwa umwi kuno wakwasuka? Uzye akuno ali umwi umungeli wino umasimwilila kweneko?

Masamu 132:11

Awewe walavile nu mulapo kuli Davidi, ulayo uno utalafutuka uti, “Ndalasika wenga uwamu ana yako aonsi apa cilimba cako ica wene.

Masamu 19:1

Amayulu yakalanda apa lulumbi lwakwe Leza, Ulwelele lukaalazya apa lwalala vicitwa vya minwe yakwe!

Masamu 50:6

Amayulu yakalaizya ulungami wakwe Leza pano aliwe kwene, ali kapingula!

Masamu 61:8

Ali cino fwandi, nemo namakwimbililanga inyimbo zyakukuwanzya pee na pee. Alino namafikilizyanga ni vilayo vyane amanda yonsi ndi muno nakulaile.

Masamu 89:30

Lelo ndi cakuti ana yakwe yaca yafutatila amasunde yane, nu kukana ukulondela amalamulo yane,

Masamu 89:37

Uwene wakwe ulaya uwakuyelelela umuyayaya wa mwezi, kambone wane uwacumi umwiyulu.”

Masamu 89:7

Leza awino yakaoopa wakwe cimwi mu ukongano wakwe yayo amuzilo. Wene uwakoopa sana ukuluta yonsi amuzinguluka.

Masamu 97:6

Mayulu yakalanda vya ulungami wakwe, nga imitundu yonsi pyu, yalola ucindami wakwe.

Ezaya 44:23

Mwe viumbwa vyamu mayulu, imbilini ni nsansa pano Yawe wataomba. Zangini mwe antu pano nsi, mwe myamba ni mitengo, kumwi ni miti inu yonsi, pundini ni nsansa, pano Yawe watakulula Yakobo. Watalanga ululumbi lwakwe umu mpanga ya Izlaeli.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Danieli 7:10

Nu luzi lwa moto ala lukukonkoloka ukufuma apa nkolelo yakwe. Kwali kweneko na antu avule wakwe cimwi akumutumikila, nga ni mintapendwa ya antu aimi nkolelo yakwe. Alino kuputwilwa kwa milandu kutandika, nga ni mpapulo zikupulwa.

Efeso 3:10

Lyene Leza angaomvya iuvi kuti lilange maka ni ntunguluzi zya mwiyulu ukuti Leza wakwata mano aingi aiyele.

Malango 33:2

Yawe watentemwike ukufuma pa Mwamba wa Sinai, wakatwike wa kutunka kwi lanzi pa mpanga ya Seili nu kuyengesela pa antu yakwe ukufuma pa Mwamba wa Palani. Wene wali pamwi na angeli amazimbi ikumi, ali wa nsase zya moto ukwi kasa lyakwe lilunji.

2 Tesalonika 1:7

Lelo wene alapeela upemwilo kunomuli mwe muno mukucula nga naswe kwene. Wene alacita cii lilyo lino Mwene Yesu alaloleka kufuma mwiyulu pamwi na angeli yakwe a maka,

1 Petulo 1:12

Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.