Masamu 89:41 - Amazwi Yakwe Leza 2013

⁴¹ Yonsi yano yakupita mwenemo, lyene yakusampa ivyuma vya mwenemo. Yano yapalamana nayo lyene yakuyaseka.

Masamu 89:41 Iomraidhean Croise

Neemiya 5:9

Ali cino nani nkumunena inti, “Cino mukucita citazifile foo. Uzye musikulonda mwapita na antu akwatila Mwene Leza witu coopo apakuti mutaleka intusi zyafuma pakasi ka anisi itu atupata?

Masamu 74:10

Leza we, uzye alilaci fwandi lino anisi itu yalata ukutusausya? Uzye yamatutukolanga lyonsi pee?

Masamu 79:4

Antu ya mitundu yano twapalamana nayo pasi pakutusoweka. Yene yakutuseka nu kutuwela penepo.

Masamu 80:13

Na yakapoli yakuupwazola, ni nyama zya mpanga nazyo zikulya kweneko.

Ezaya 10:6

Nene namutumile ukuya ku kuzanza umutundu wa antu atamanya Leza, akambavya umwenzo, uku kupokolola ivisampwe, nu kuyiila nu kuyalyatola wa ntipa mu miseo.”

Ezaya 5:5

“Fwandi lyene vino nemo namacita icalo cane ica matingi aevi. Namafumya icimpinda nu kuongolola ulupungu lwa mawe, uleke inyama zya mpanga zingile zyalya mwenemo nu kulyatolola mwenemo.

Yelemiya 24:9

Ndayalenga ukuya na kasokonda uku wene uli onsi uwa panonsi. Yene yalaya izewanya lya antu nu musowe, inseko nu lutipu umu ncende zyonsi muno ndayazingila mwenemo.

Yelemiya 29:18

Ndayazinganya nu lupanga, ni cipowe nga ni mpungo. Ndayaletela intete ni ngofyo uku wene uli onsi wa pano nsi. Yalaya antu yamwi atipwe, akuwelwa nupya azewane mu mitundu yonsi muno nayasalanganyizizye.

Yelemiya 42:18

“Yawe Wamaka yonsi, Leza wa ina Izlaeli wavwanga wati, ‘Vino ukali wane ni cipyu cane vyaponile akaya aku Yelusalemu, ali vino cipyu cane cilamuponela ndi mwaya ku Eguputo. Mulaya antu yamwi atipwe na asulwe. Mutalatala musyukile incende ii nupya.’ ”

Yelemiya 44:12

Alino lyene ndasenda antu alasyalapo amu Yuda yano yapanzile ukuya ikala ku Eguputo. Ndalola inzila yakuyalovezyamo, muno kwene mu Eguputo. Yalafwa ku nkondo, uku cipowe nu ku mpungo. Antu yalazunguka sile pa kuyalola. Yalayawela nu kuomvya izina lyao apakuyatipwila.

Yelemiya 44:8

Uzye pacani cino mwamvulumwila icipyu uku vicitwa vya minwe inu, apa kocela tuleza utwenyi ubani umu mpanga ya Eguputo, kuno mwiza sile ku kwikala? Apa kucita camusango uo, mukulonda sile ukuilovya mwe eneco, cakuti antu amitundu yonsi pano nsi yakumuseka nu kumuwela. Yene yakaomvya ni zina linu alino yakulumbula apa kutipwila.

Yelemiya 50:17

Aina Izlaeli yali wa mfwele zino zikulungwa kuli cisama. Apa kutandika cali umwene wa ina Asilya ali wino wayalile ivyala, alino piza palondelela Nebukadineza umwene waku Babiloni, nawe wizile akokota amafupa.

Nyimbo zya ndosya 2:5

Yawe wataonona Izlaeli ungati umwanisi wakwe. Wataongolola amasano yakwe yamwene kumwi na malinga aya mwenemo. Wataletela antu amu Yuda ulanda uno utangasila.

Nyimbo zya ndosya 5:1

We Yawe, uwaiusya ivyatucitikile. Lolekesya, ngulole ukucula kwitu.

Danieli 9:16

We Mwene, uku mpiti watupokololanga, acino utatwalilila ukusokela Yelusalemu. Ala Yelusalemu umusumba wako, umwamba wako wamuzilo. Amaifyo itu ni nkota zya vikolwe vitu ivyalenga kuti antu atuzingulwike yasoweka Yelusalemu kumwi na swe antu yako.

Malango 28:37

Umu nko muno Yawe alamusalanganyizizya, antu yalazunguka pa vintu vino vyati vimuponela. Yalamuwela nu kumutumfya.