Masamu 85:8 - Amazwi Yakwe Leza 2013

⁸ Nemo nkukutika kuno Yawe akuvwanga, apamulandu wakutuletela ulongo swe antu yakwe, lelo cikulu sile tutaciwelela ku vya uwelewele.

Masamu 85:8 Iomraidhean Croise

Utandiko 34:7

Nkumankuma ana yakwe Yakobo aonsi yawela ukufuma mu mpanga. Lino yuvwile ivyacitikile kaci wao ciyapezya amano yavulungana nu ukali pali cino Syekemu watacita ku mwana wakwe Yakobo ica muzewanya mu Izlaeli.

Masamu 130:4

Lelo wemo ukaelela amaifyo, caleka swemo tukakoopa nu kukupeela umucinzi.

Masamu 29:11

Yawe aliwe akapeela antu yakwe amaka, nupya akapolelela antu yakwe upolelelo wa longo.

Masamu 50:5

“Kolonganini kunondi, mwe uvi lyane, mwemuno mwapangine nani apa mpolelwa.”

Mapinda 25:11

Amazwi alondoloke yakolana ni viseekwa viyengese vyakwe zaabu, ivili pa mbale yakwe siluva.

Mapinda 27:22

Nanti sile wapondenkanya iciwelewele na cisaka umu cina, uwelewele wakweco utangafuma.

Ezaya 57:19

Nemo naletela yonsi pyu ulongo, yayo yano yali umupipi, nga na yayo ali ukutali kwene! Ala nemo ndapozya antu yane.”

Habakuku 2:1

Namayanga nga kalinda wa mpongolo akwimilila apapela yi linga. Indi nu kulolela vino Yawe alangasuka alino ndamanya vino wene alangasuka pakuilizyanya kwane.

Hagai 2:9

Ali cino ululumbi lwa Ng'anda ii yakwe ciili lulaluta pa lulumbi lwa Ng'anda ya pakutandika iyaliko. Nupya indaleta untungwa nu mutende panonsi ponsi. Ivyavwanga Yawe Wamaka yonsi.”

Zakaliya 9:10

Yawe wavwanga wati, “Mu mpanga ya Izlaeli ndafumyamo amaceleta ya nkondo, nu mu musumba wa Yelusalemu ndafumyamo imfwalasi zyakulwilapo inkondo, na malapwa akulwilako umu nkondo nayo yalakontolwa. Umwene winu alateeka nu longo antu amu mitundu yonsi. Uteko wakwe ulatandikila kuli yemba wenga mpaka ukuyafika na kuli yemba muze, ukufuma uku Luzi lwa Yufulate ukuyafika nu kwapelela insi yonsi.”

Yoane 14:27

“Namusila mutende, mutende wane auno namupeela. Ntamupile mutende ndi vino amu nsi yakapela. Mutaleka myenzo inu yaaziwa, nanti kuvwa intete.

Yoane 20:19

Lyene manguzi pa wanda wakutandika mulungu, lino ilanzi lyatemba, alondezi yakongine pamwi. Milyango ya ng'anda nayo ala yatifiikilwa, pano yoopanga intunguluzi zya Ciyuda. Alino Yesu aiiza aimilila pakasi kao, ayanena ati, “Mutende uye namwe.”

Yoane 20:26

Pacisila ca manda cinani, alondezi yakwe pali pamwi na Tomasi nupya yali mukasi ka ng'anda. Alino Yesu aiiza aimilila pakasi kao, ala ni milyango yatifiikilwa, nga ayanena ati, “Mutende uye namwe.”

Yoane 5:14

Pacisila cakwe cii, Yesu amuzana mu Ng'anda ikulu yakwe Leza, nga amunena ati, “Lola, lyene watupoziwa. Caleka ute ukwifya pakuti cimwi cipisye kuluta cii citakakuponele.”

Yoane 8:11

Nawe aasuka ati, “Mwene, pasi nanti umwi.” Yesu nawe amunena ati, “Nani kwene nsyakukupeela mulandu. Pitanga, lelo utakiifye nupya.”

Milimo 10:36

Mwamanya ilandwe lino watumile ku ina Izlaeli, ukukosola Ilandwe Lisuma ilya mutende kupitila muli Yesu Klistu, wino ali Mwene wa antu onsi.

Milimo 3:26

Caleka Leza wasolwile muomvi wakwe nu kumutuma kuli mwemwe nkolelo, ku kwiza mupolelela mu kulenga cila muntu afume ku misango yakwe iipe.”

Galatiya 4:9

Lelo ndakai mwamanya Leza, nga kuluta pali cii, Leza nawe wamumanya. Uzye lyene mungaswilila uli ku kutekwa uzya ni ntambi zya nsi zisi na muzano nupya zikalenga insonyi?

Efeso 2:17

Acino Klistu wizile akosola Ilandwe Lisuma ilya mutende kuli mwe Akulukuwa, mwe muno mwali kutali na Leza. Nupya wizile akosola Ilandwe Lisuma ilya mutende kuli swe Ayuda swe muno twali na Leza.

2 Tesalonika 3:16

Mwene wino ali intulo ya mutende umwisikulu amupeela mutende nsita zyonsi mu musango uli onsi. Mwene aye namwe mwensi.

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?

Umbwilo 3:19

Nkanenola nu kuvunuka yonsi yano natemwa. Lyene ikako mano nu kuzenzuka.

1 Samueli 25:25

Mukwai napapata, ala we musambazi utasumba amano kuli Nabali, umuntu wilya uwa lukang'ansi. Wene iciwelewele ndi muno izina lyakwe lyalola. Ni micitile yakwe iya uwelewele! Lelo nemo ne muomvi wako, we musambazi, ntalimbweni antu yano wali watuma.