Masamu 84:6 - Amazwi Yakwe Leza 2013

⁶ Lino yene yakupita umu Cifoloma cakwe Baka, icilangoke, icume ndii, icifoloma cikasanguka tufukoka twa manzi, ungati amumu muno mukamela icili consi imvula nga yowoka.

Masamu 84:6 Iomraidhean Croise

1 Milandu 16:11

Lengini Yawe kuti amwazwe, nupya mwamupepa lyonsi.

Masamu 68:9

We Leza awewe watonyizye imvula iingi, nu kuvundikila impanga yako iyalanga yafumuka.

Yowelo 2:23

“Mwe ina Zioni, zangini nu kusansamuka pamulandu wa vintu vino Yeona watamucitila. Wene watamuyela amizu apakumupeela imvula muli zuwazuwa nupya ivulisye cuze, ukufuma ku miundo mpaka uku mwela, ndi vino cali uku mpiti.

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Loma 8:37

Lelo mu vintu vii vyonsi tukweti kucimvya mu maka yakwe Leza wino watutemwa.

2 Kolinto 4:17

Macuzi itu angupale ansita inono, lelo yakatuletela lulumbi lukulu kuluta pa macuzi nupya ulwa pe.

Umbwilo 7:14

Nani mwasuka inti, “Musambazi, wewe umanyile.” Nawe anena ati, “Yaa ali antu yano aposya mu macuzi akulu cuze. Yene yafula mingila yao nu kuiswefya mu wazi wa Mwana wa mfwele.