Masamu 82:5 - Amazwi Yakwe Leza 2013

⁵ Yene imbutuma nupya atumpe! Imiyele yao itazifile nanti panono, nu ulungami cili kwati watiufuma muno nsi.

Masamu 82:5 Iomraidhean Croise

Yobo 8:9

Umazana ukuti swe ana yao tutange tukume nako. Umi witu pano nsi ukapita sile wa cinzingwa.

Masamu 11:3

Imifula nga cakuti yaongoloka, pasi vino uwakalele angacita.

Masamu 14:4

Uzye ali kuti yonsi yakacita ya viipe yasiiluka? Akaconcomezya antu yane wa vilyo nupya yasipepa kuli Yawe.

Masamu 53:4

Leza akuuzya akuti, “Uzye yonsi akacita iviipe, umulandu wakuntamanya acino yakaifizya? Yene yikalila sile ukwiyila antu yane nu kumpepa yasimpepa foo.”

Masamu 75:3

Nanti sile insi ikasunkane kumwi na onsi aikala mwenemo, anene kwene ndalemelela umufula wakweyo.

Masamu 99:1

Yawe aliwe akuteeka, imitundu ya antu ikuizakazila sile, wene wikala papela yakwe ya kelubi, si lekini insi yatenta.

Mapinda 1:29

Mwasuuzile ukwiluka, mutakasi nu kutontelela Yawe.

Mapinda 2:13

yayo akatazyela imikalile yampomvu apakuti yasyale sile yakupita umu misango yawinyi,

Mapinda 4:19

Inzila ya antu aipe, yaya wa mfinzi usiku, yene yatange yamanye cino yakupumikako.

Kasambilizya 2:14

Antu yamano yangalola kuno yakuya, lino iviwelewele vitangalola kuno vikuya. Lelo namanya ukuti icikaponela umuntu wa mano, icikaponela iciwelewele na cipena kwene.

Kasambilizya 3:16

Cuze cino nalola mu nsi ii, icakuti ulufyengo lukazanwa apalinzile ukuzanwa ulungami, na palinzile ukuzanwa usuma pakazanwa uyi.

Ezaya 5:7

Aina Izlaeli ali calo ca matingi cakwe Yawe Wamaka yonsi, nga Ayuda nayo ali matingi kwene yano wene walima. Wene walolelanga kuti alole ndi cakuti yamacita ivilungame. Lelo yene yatandika ukukomola antu! Walolelanga kuti alole kuno yamacita ivilungame. Lelo wene uvwanga sile impoma zya antu yauze yano yafyengelekezyanga!

Ezaya 59:9

Antu nayo lyene ali pakuvwanga yati, “Awe cumi lyene twasininkizya icalenga ukuti Leza akana ukutupususya ku antu akatucuzya. Swemo tukalonda uluswepo lwakuti twapita mwenemo, lelo imfinzi itupu aino ikaya kweneko.

Mika 3:1

Lyene imvwanga nti, “Uvwini mwe ntunguluzi zyakwe Yakobo, mwemuno mukateeka amu luko lwakwe Izlaeli! Uzye yayo alinzile kumanya ulungami asi amwemwe,

Yoane 12:35

Yesu avwanga ati, “Mumaya nu luswepo pa kasita kanono. Mwapita lino muli nu luswepo, pakuti mfinzi itangaya panomuli. Pano wino akupita mu mfinzi asimanya na kuno akuya.

Yoane 3:19

Luswepo lwiza mu nsi, lelo antu yakacita viipe. Acino yapingulwa pano yatemwisya mfinzi kuluta luswepo.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”

1 Yoane 2:11

Lelo wino wensi uwapata umwina wakwe wene ali mu mfinzi. Wene akapita mu mfinzi nupya atamanya kuno akuya, pano mfinzi yamupafuzya.