Masamu 81:3 - Amazwi Yakwe Leza 2013

³ Mwalizya ni penga apa ndoleko ya mwezi, na lino umwezi wakoma, lino ukaulungana, apa wanda wa kuzevya.

Masamu 81:3 Iomraidhean Croise

2 Yamwene 4:23

Iya nawe amuuzya ati, “Uzye pacani cino ukasi kuya kunoli ilelo kwene? Ilelo asi wanda wa Mwezi Upya nanti wi Sabata.” Umwanaci wilya aasuka ati, “Utasakamala!”

1 Milandu 15:16

Pacisila cakwe vii, Davidi anena intunguluzi zya ina Levi ukusonta yamwi muno yali kuti yimbe inyimbo zya kuyasansamusya, mu vyakulizizyako inyimbo wakwe vii: yabanjo, yababatoni ni viwaya.

1 Milandu 15:19

Yakiimba yaya, Hemani, Asafu na Etani aliyo yalizyanga ivisekese vya mukuwa.

1 Milandu 15:24

Syebaniya, Yosafati, Netaneli, Amasai, Zakaliya, Benaya na Elieza yasimapepo aliyo yalingine ukulizya intandala inkolelo ya Mbokosi ya Upangano yakwe Leza. Obedi Edomu na Yeaya nayo kwene yalindanga Mbokosi ya Upangano ilya.

1 Milandu 16:42

Hemani na Yedutuni yapilwe umulimo wa kulizya intandala ni visekese nga nu kulizya ivintu vyuze mu nyimbo zyamuzilo. Ana aonsi yakwe Yedutuni yapilwe umulimo wa kulinda apa mpongolo.

1 Milandu 16:6

nga Benaya na Yaazieli yasimapepo yalizyanga intandala insita zyonsi inkolelo ya Mbokosi ya Upangano yakwe Leza.

1 Milandu 25:1

Umwene Davidi pamwi na yamusika ya vita, yapaatula aina Levi yamwi amu luko lwakwe Asafu, Hemani na Yedutuni, kuti yatumikile mu mulimo wa kusema kupitila mu nyimbo nu mukulizya yababatoni, yabanjo ni viwaya. Uu, uli utantiko wakwe yayo asolwilwe kuti yatungulula mu kutumikila kuu:

2 Milandu 13:12

Swemo, a Yawe akatutungulula. Yasimapepo yakwe ali yano twaya nayo pano, yalemile ni ntandala nupya aiteyanye kuti yalizye apakuti tukatuke nu kwiza ukukumulwisya. Ali cino fwandi, mwe ina Izlaeli mutaezya ukulwisya Yawe Leza wa vikolwe vinu! Pano lyene ale mwaicuzya sile nu kucimvya mutangacimvya foo!”

2 Milandu 13:14

Lino Ayuda yati kayacelecensye yazana ukuti yatiyayalizizya. Nayo fwandi ali pakupunda Yawe Leza yati, “Tutuulwe!” Yasimapepo yao nayo yalizya intandala.

2 Milandu 2:4

Nemo natinakuulila Yawe, Leza wane, Ng'anda ikulu yakumucindikila mwenemo, muno antu yakwe pamwi nani kwene tulamucindikila mwenemo. Ali muno tulamufutumwila ubani wa mununko usuma. Alino nupya apa manso yakwe umweneco ali pano manda yonsi tulapeela umukate wamuzilo na mawila yakoca akatondo na manguzi. Umu Masabata nu mu manda makulu, alulumbi, ndi vino apa Ndoleko ya Mwezi, amuno tulatuula vivyo, wakwe muno watuneniile swe ina Izlaeli ukulacita pe na pe.

2 Milandu 5:12

Alino aina Levi yonsi ali yakiimba ya nyimbo, ivili wakwe Asafu, Hemani na Yedutuni pamwi na ana yao aonsi na akazi kao apano yali. Alanga yatiyazwala ni nsalu izitelepelele, ala yimilile lwaku ufumondaka wa kavuwa, yakulizya iviwaya, na yababatoni na yabanjo. Ala yali pamwi na yasimapepo 120 yakulizya ni ntandala.

2 Milandu 8:13

ndi vino yalondekwanga cila wanda. Wene wapeelanga impolelwa apakulondela amalamulo ndi muno calembelwa umu masunde yakwe Mose ukulingana na manda yi Sabata, na pa ndoleko ya mwezi, nga na pa vimulo vitatu vya cila mwaka, kuli kuti Cimulo ca Mukate usi na Citutumusi, Cimulo ca Uzombozi ni Cimulo ca Nsakwe.

Masamu 149:3

Kayapekula apa kulumbanya Yawe, yamulizizye utungoma na mazeze.

Masamu 33:2

Lumbanyini Yawe umwi zeze, mulumbanyini muli banjo.

Masamu 98:6

Zangini apa manso yakwe Yawe, umusambazi, ukwi penga ni nsi yonsi, kumwi na ikala mwenemo.

Nyimbo zya ndosya 2:6

Watalyatola Ng'anda ikulu yakwe Leza muno tukamupepela. Watalenga kuti mu Zioni mutaya amanda amuzilo kumwi na Masabata, Lyene nu ukali wakwe wafulumila yakateeka na yasimapepo kwene.

Naumi 1:15

Lolini, uku mwamba kuku, kukwiza umuntu umwi wino asenzile ilandwe lisuma, ilya mutende pa kucimviwa kwa ina Asilya! Mwe antu amu Yuda, si mule muzevye ivimulo vinu, nu kufikilizya imilapo inu kuli Yawe. Antu ya ukakasi yatalatala yazanze impanga inu nupya. Yene yatiyononwa pyu.

Mpendwa 15:3

na lino yakupeela kuli Yawe amawila yakoca pa moto ukufuma mu ufyo wa mfwele nanti uwa mbuzi, cingaya amawila yakoca nanti impolelwa yakufikilizya ulayo, nanti tuti amawila yano aisikulu yaitemilwe ukupeela, nanti amawila yakucindika kuzevya kwa manda yao akulu aupefi, nanti uwila wa mununko usuma ukazanzya Yawe.

Mpendwa 28:11

“Pa wanda wakutandika umwezi, muce mwafyulila Yawe inyama zya wila wakoca, yacipambasi yaili, suuku wenga, utwana cinimbali utwa mfwele utwa mwaka onga nupya ututakweti ulema nanti umwi.

Malango 16:15

Muce mwacindika Yawe Leza winu pa kuzevya icimulo cii pa manda cinimbali pa ncende yonga ino Yawe alasolola. Mulinzile mwaya ansansa pano Yawe watamupolelela ni vyauzombozi alino ni milimo inu.

Kolose 2:16

Caleka mutaleka umwi amupeele mulandu pali vino mulinzile kulya nanti kumwa nanti kumunena vino mulinzile kuzevya manda ya mwezi upya nanti vya Sabata.