Masamu 8:1 - Amazwi Yakwe Leza 2013

¹ We Yawe, Mwene witu, iye mwe vino izina lyako lyacindama pano nsi ponsi! Ucindami wako wafika na pi yulu apapela.

Masamu 8:1 Iomraidhean Croise

1 Yamwene 8:27

“Uzye we Leza wewe ungikala na antu pa mpanga ya pano nsi? Nga vino iyulu ilitaikulila litange likukumane foo. Ale fwandi, uzye ing'anda ino ninkuula ali ino ingakukumana?

Masamu 145:1

Namalandanga ukulu wako, we Yawe Leza wane, nupya ndalumbanya ni zina lyako amanda yonsi.

Masamu 148:13

Kayalumbanye izina lyakwe Yawe, pano izina lyakwe lyonga mpo, ali lino lyacindamisya, lyaluta insi ni yulu uku ucindami.

Masamu 36:5

We Yawe, ala uluse lwako lwafika nu mupela, umwiyulu nu ufumacumi wako wandatila nu mu makumbi.

Masamu 57:5

We Leza, ale ilange kuko kuno wikala ukwiyulu. Leka ucindami wako uloleke pano nsi ponsi!

Masamu 63:1

We Leza, awewe Leza wane, nupya nkukuluka wakwe cimwi. Ku mwenzo kwane kwatikuuma, pamulandu nu kulonda wewe. Umwili wane, watiuumila pamulandu nawe. Uli kwati umusili wakwe mpanku, ulangoke, umwaula amanzi.

Masamu 68:4

Imbilini Leza inyimbo zyakumuwanzya, lumbanyini wiyo akapitila umu makumbi. Izina lyakwe a Yawe, zangangini apa cinso cakwe!

Masamu 8:9

“We Yawe, Leza witu, ucindami wako waloleka pano nsi ponsi!”

Masamu 81:1

Lumbanyini Leza impalume itu, imbilini Leza wakwe Yakobo.

Masamu 84:1

Iye mwe vino natemwisya isano lyako, we Yawe Wamaka yonsi! Pasi paciluka, ica misolo ya kwisano lyako.

Kufuma 15:11

“We Yawe, uzye aweni muli tuleza angaya wakwe wewe? Kusi umwi munoyali angakolana nawe. Kusi umwi uwakwata maka avule cuze ukuluta wewe. Antu yonsi yakakoopa nupya yakakulumbanya pano kusi umwi angacita vizungusyo ivikulu wakwe wewe.

Lwimbo lwakwe Solomoni 5:16

Imilomo yakwe ilyompe wene umusuma muli vyonsi. Vikwene avino umukundwe wane waya, cuza wane, mwe anaci amu Yelusalemu.

Ezaya 26:13

We Yawe Leza witu, nanti angala twatazile tumateekwa na yamwene yauze, lelo awewe wenga mpo tukacindika izina lyako.

Habakuku 3:3

Leza umwisikulu ali nu kwiza iila lyakwe ciili ukufuma ku Edomu. Leza wamuzilo ali nu kwiza ukufuma ku myamba yamu mpanga ya Palani. Ucindami wakwe wakupa iyulu, ni nsi izilemo ululumbi lwakwe.

Mateo 22:45

Davidi ndi wamwamile ati, ‘Mwene,’ Uzye Katuula uwalavilwe angaya uli umwana wakwe Davidi?”

Yoane 20:28

Tomasi amunena ati, “Mwene wane, Leza wane.”

Efeso 4:10

Nupya cikusenula ukuti wino uwisile pano pansi ali umwi kwene wakwezile papelapela kwiyulu, kuti azule nu kukumana monsi.

Malango 28:58

“Ndi mulakana ukuyela ningo amasambilizyo yakwe Leza yano yalembwa mu lupapulo luu, nupya ndi mwakana ukucindika izina ilyalulumbi nupya ilyakoofya lyakwe Yawe Leza winu,

Filipi 3:8

Kusi cintu cingaya nu muzano kuluta kumanya Klistu Yesu Mwene wane. Pamulandu wakwe Klistu nemo nasumba vyonsi kuya wa vikona, kuti muzano wane uye a Klistu

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.

Umbwilo 19:6

Lyene nuvwile izwi lino lyuvwikike kwati iumba likulu, nupya kwati kupooma kwa cipoma nu kupangalansya kukulu. Nuvwile yakuti, “Aleluya! Pano Mwene Leza witu uwa maka, ali Kateeka!