Masamu 79:5 - Amazwi Yakwe Leza 2013

⁵ We Yawe, uzye ukutusokela kwene kuu, kulasila lilaci? Si namanye ukwa muyayaya? Uzye cumi avino umalunkumanga wa moto vivyo kwene uku ukali?

Masamu 79:5 Iomraidhean Croise

Masamu 103:9

Wene ataya na kalandauzi, icipyu cakwe cisiyelelela foo.

Masamu 6:4

Senukila kunondi We Yawe, nduntuule. Pano wantemwa, ndunkulule ku mfwa.

Masamu 74:1

We Leza, icani cino watutazyelela vii? Uzye kwene antu yako we mweneco, ali yano ungakwatila icipyu vii, lyonsi?

Masamu 80:4

We Yawe Leza Wamaka yonsi, uzye kwene icipyu ica kukana nu kuvwa uku mapepo ya antu yako cilapelela?

Masamu 80:5

Lyene ucuzi ali cakulya cino watupeela kuti twalya, nga nu lwako umuziile aminsozi, ali luno watupeela kuti twamwa mwenemo.

Masamu 85:5

Uzye icumi umatusokelanga lyonsi kwene? Uzye umatwalililanga sile ukutusokela ukwaula ukuta?

Masamu 89:46

Uzye ukufika lilaci, we Yawe? Uzye ulamfisama mpaka umuyayaya? Uzye ukali wako umalunkuma wa moto ukufika lilaci?

Masamu 89:47

We Mwene ala iusya ukuti umi wa muntu utatantalilila foo! Iusya ukuti antu yonsi yano wemo waumba aina kufwa!

Ezaya 64:9

Ali cino fwandi, utaasoka vivyo nanti kwelenganyapo sana apa uyi witu. Swemo sweswe antu yako, wemo watuyelelako sile uluse.

Nyimbo zya ndosya 5:22

Suka sile manye ndi cakuti wemo wala watusumba nu kutukwatila icipyu camuntaputuka.

Ezekelo 36:5

Nemo ne Yawe ninkalipila wakwe cimwi antu ya mitundu iyaya umu mbali, maka maka Edomu awino nacizyapo. Antu pamulandu ni cilumba cao ni misula yao yapoka impanga yane, ni ncende zya kucemelamo iviteekwa zyasanguka izyao.

Mika 7:18

Uzye a Leza cii akoline nawe, wino angelela amaifyo, nu kwelela amaifyo ya antu yakwe asyala? Wemo usisoka mpaka umuyayaya, lelo ukaya nu kutemwa kwa muntaputuka.

Zefaniya 1:18

Siluva wao wensi na zaabu wao wensi, vilaposiwa ukuyapususyako pa wanda uno Yawe alayafokela ukali ukali. Icipyu cakwe cino cilalunkuma wa moto, cilonona insi yonsi, pasi pano mukupumikizya wene alalovya antunze yonsi aikala pano nsi.

Zefaniya 3:8

Yawe akuti, “Caleka lolelini, mulolele uwanda uno ndakatuka nu kumupeela umulandu. Pasi pano natinelenganya uku konganika antu amu mitundu yonsi, kumwi na mawene kwene, kuti njalange ukali wane yuvwe ukulu wa ukali wane. Insi yonsi ilononwa ku ukali wa cipyu cane.

Zakaliya 1:12

Lyene umungeli wakwe Yawe avwanga ati, “We Yawe Wamaka yonsi, uzye ukufika lilaci lino utalaya na mizu ku ikazi amu Yelusalemu nu mu misumba yaku Yuda, yayo yano waponyezizye ukali wako pa myaka amakumi cinimbali?”

Malango 29:20

Yawe atalelela umuntu uwa musango uwo. Yawe wene alalunkuma panoli ku ukali wakwe, ni vilumbelo ivyalembwa mu lupapulo luu vilamuponela mpaka sile akamulovye nu kumufumya mu mpanga ii.

Malango 32:16

Ukupepa kwao ukwa tuluwi ukwalesile ukuti Yawe asuke akwate uzuwa. Ni vicitwa vyao ivyankota vyalenzile kuti asoke.

Malango 32:22

Ukali wane ulalunkuma wa moto nu koca akali konsi akaya pano nsi. Wene ulafika na pisina lya nsi nu koca imisisi ya myamba.

Umbwilo 6:10

“We Mwene witu, wewe wamuzilo nupya uwa cumi! Uzye ukufika lilaci lino ulapingula nu kuvunuka antu yano akaikala pano nsi, yano atukoma?”