Masamu 78:12 - Amazwi Yakwe Leza 2013

¹² Leza wacisile ivizungusyo apa manso ya vikolwe vyao, umu citungu caku Zoani, ica mpanga yaku Eguputo.

Masamu 78:12 Iomraidhean Croise

Utandiko 32:3

Lyene Yakobo atuma inkombe pa nkolelo yakwe kuli silenzi Esau ku mpanga ya Sili uku Edomu.

2 Yamwene 17:7

Icalenzile ukuti Samaliya awe, umulandu ni mpulupulu zya ina Izlaeli izyakwifya kuli Yawe umwene wao, uwayakulwile ku mwene waku Eguputo, nupya ayatungululula nu kuyawaka ukuti yafume mu Eguputo. Nayo iyatandika ukupepa tuleza tuze, ni nsonyi foo.

Neemiya 9:10

Lyene wemo ali pakucita ivinjelengwe ni vizungusyo, ivyakulwisya Falao, aomvi yakwe pamwi na antu yonsi amu mpanga yakwe, pamulandu wa ukakasi uno yayacitile. Wemo waicitile ululumbi lwako luno ucikweti na pilelo kwene.

Masamu 106:22

ivizungusyo vino wacisile mumu mu mpanga yakwe Hamu! Iye mwe ivintu nu kupelenganya, vino wacisile kuli Yemba Muyenzu!

Masamu 135:9

Watumile ivimanyililo ni vizungusyo apakasi kako we Eguputo, pali Falao napa aomvi yakwe yonsi.

Kufuma 7:1

Yawe anena Mose ati, “Namalenga kuti uye wakwe Leza kuli Falao, nu munyonko Aaloni alavwanga kunoli wakwe kasema wako.

Ezaya 19:11

Intunguluzi zyamu musumba wa Zoani zyatumpa! Na antu yano yakapanda Falao amano, nayo kwene iviwelewele sile! Uzye yene cino yangaituntumba ukunena umwene ukuti ali yano yapyanikizya pa antu yampiti, antu ya mano, alino na pali yamwene ampiti, icani?

Ezaya 19:13

Intunguluzi zyonsi zyamu Zoani zyatizisanguka iviwelewele, nga ni vilolo vyaku Memfisi vyasombwa. Yayo akatungulula aina Eguputo yaponzya impanga yao.

Ezekelo 30:14

Umusumba wa Patilosi ndausangula ulwanga. Umusumba wa Zoani ndausonteka umoto, nu kuvunuka umusumba wa Teebesi.

Mpendwa 13:22

Yapuzinkanya ukuya pita ku Negebu nu kwizafika ku Hebuloni, ukwikalanga Aiimani, Syesyai, na Talimai, amu mupanda wakwe Anaki. (Musumba wa Hebuloni wakuzilwe imyaka cinimbali lino umusumba wa Zoani uwamu Eguputo utali ukuulwe.)

Malango 4:34

Uzye kwatala kwaya kaleza kamwi kano katala kezya ukufumya antu mu luko luze nu kuyacita antu yakako kololo, wakwe vino Yawe Leza winu wacitile mwemwe ku mpanga ya Eguputo? Mwailolile na manso inu ntontonto vino wene waomvizye amaka yakwe akulu nu ulamba. Wene waponyizye impungo ni nkondo, wacisile ivinjelengwe ni vizungusyo, nu kuleka kuti ivintu ivyakoofya vicitike.

Malango 6:22

Twailolile na manso itu ivinjelengwe nga ni vintu ivyakoofya vino wene wacisile ku ina Eguputo nu ku mwene wao nga nu ku ntunguluzi zyakwe.

Yoswa 9:9

Lyene nayo yaasuka yati, “Musambazi, kwene swemo kuno twafuma ukutali sana, pamulandu wa kuvwa ululumbi lwakwe Yawe Leza winu. Pasi pano twatituvwa vyonsi vino wene wacisile umu Eguputo,