Masamu 73:6 - Amazwi Yakwe Leza 2013

⁶ Ali cino fwandi ni cilumba naco yakacizwala wa ukasi umu nsingo ni mpanzela nazyo wa mwingila.

Masamu 73:6 Iomraidhean Croise

Utandiko 41:42

Falao azula imbalaminwe yakwe ya cimanyililo ca usambazi, azwika Yosefu ku munwe, amuzwika nu mwingila usuma nga atoola munyololo wakwe zaabu amukoweka mu nsingo.

Esita 3:1

Walanga papita akasita, umwene Aasuwelo acindamika Hamani umwana umonsi wakwe Hamedata, umwina Agagi. Amutumpula apapela nu kumupeela icifulo cikalamba ukuluta intunguluzi zyuze zino wali nazyo.

Masamu 109:18

Wazwalanga intipu kwati ilaya, fwandi kazimutipasye wa manzi, zimutepwensule nu mumafupa wa mafuta.

Masamu 109:29

Leka anisi yane yazwale umuzewanya. Nupya insonyi ziyavimbilikizye wa nsalu.

Mapinda 1:9

Pano amasunde yao yalakuyemvya nu kusenula imiyele yako iye isuma, uce ucindame ungati icisote cawene nanti ciukasi cakuzwala umu nsingo.

Mapinda 3:31

Utacitila uzuwa umuntu wa luzazwe, nupya utakolanya imiyele yakwe,

Mapinda 4:17

Pano yene icakulya cao ukuulungana na ukaleta nzololo. Ni cakumwa cao, ukakasi.

Kasambilizya 8:11

Uzye pacani cino antu yakatalila imilandu uku mufulo? Aeci yakapingula ya milandu yasipingula zuwa.

Lwimbo lwakwe Solomoni 4:9

We kaci wane, we nawinga wane, wankopola umwenzo, wangoca umwenzo ku milolele ya manso yako, nu ukasi mu nsingo yako.

Ezaya 3:19

Alayapokolola amaukasi, ivitambala,

Yelemiya 48:11

Yawe wavwanga wati, “Moabu ukutandikila sile ku wance wakwe wikalanga ku matwi cele. Atatazile asendwepo ku uzya. Impanga ya Moabu yaya wakwe waini, umwikalilile, wino yatatala yitulwila umu nkolo zyuze. Fwandi nu kununkila kwakwe kutatala kusila. Kwaya sile mumu kwene muno kwayela.”

Yelemiya 48:29

Twatituvwa icilumba cakwe Moabu, icilumba cimwi icitaikulila. Iye mwe vino akaitanka nu kuvimbana, vino waya na macacali nu kuikuzya umu mwenzo wakwe.

Ezekelo 16:11

Nakuyemvizye ni viyembelo. Ku makasa, nakuzwisile amakoza nu tuwangili alino umu nsingo namo nakuzwika ivikasi ni nsambo izyamutengo.

Danieli 4:30

avwanga ati, “Silolini vino Babiloni waya umukulu! Nene nakuuzile umusumba uu ukulu kuti uye uwakwane wakwikalamo na kuti ndange amaka nu ulamba wane, ululumbi nu usambazi wane.”

Mika 3:5

Yawe wavwanga wati, “Antu yane yasombwa na yakasema yamwi, yano yakapumbola antu. Ndi umwi wayimula, yene yakamulaya umutende, lelo ndi atacisile vivyo, yene yakamunena amazwi ya misindicila a nkondo.”

Malango 32:15

“Yesyuluni, antu yakwe Yawe yaya akama, lelo yene yamusangukila. Nu kwina iina cuze cakuti yataza sile. Yafutatila Leza Kaumba wao nu kukana katuula wao uwamaka.

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”

Yakapingula 8:26

Amaelena yakwe Zaabu yano Gidyoni wapokelile yafinyile namanye amakilogalamu amakumi yaili, ukwaula kupendelako iviyembelo vyuze, amakoza, utuwangili, vyaku matwi, insalu ziyenzulukile izyazwalanga yamwene aku Midyani ni vimisipi ivyazwalanga ingamila zyao umu nsingo.